Pwurala oh Alehdi

Riei ohl oh lih akan, ahi pwukoah ien kosoieng kumwail, oh amwail pwukoah en rong. I kasik me I pahn kanekehla ahi kosoi mwohn amwail pahn uhdi rong. I pahn wia wen ahi kak koaros.

Sounpar ngeder, I kilangehr me irailko me kin keieu pweida nan sampahwet iei irail me kin ahneki ouremen en dahme pahn pweida nan arail mour, ki koasoandi me pahn souweseirail en kak mehleliongarail ouremen kan oh koasoandihkan en mwomwen arail pahn alehdi. Esehla iawasa ke kohkohla ie oh ia mwomwen amw pahn lel mwo kak wahdo me kesempwal, kahrepe, oh pweida nan mour.

Ekei kin ahneki kahpwal en ese wekpeseng en mehkot me kitail pahn doadoahklahng oh koasondi lao re esehla me wasa mehkot me kitail pahn doadoahklahng wia wasa ke men lelie deimwsekla, ah koasondi wia ahl me ke pahn kak lelki mwo. Ni karasepe, kitail kak ahneki mehkot me kitail pahn doadoahklahng en diraipla wasahkis me kitail sehse, oh ekei kumwail riei lihoko ese, kiht ohl kin leme me se ese mwomwen aht pahn lel wasaho —me kin kahrehda aht kin nda, “I ese e mwein mihte palio.” Ahi pwoud mwein kin sinsirei. Mehkot me kitail kin doadoahklahngo sansal, ahpw sohte koasondi mwahu me pahn kahrehda ien lelkihla wasaho.

Koasondi en mehkot me kitail kin doadoahklahng me kesempwal tepkihda dahme ke mwahuki ni imwilahu.Oh koasondi iei pweidahn ahl ehu en lella ni imwio. Alahldi en popohl pahn kohsang ni atail pahn wehwehkihla wasah kan me kesempwaliki—oh kitail ahpw pahn kihieng atail ansou, doadoahk, oh madamadau unsek ohng ni soahng kan me pahn sewesei kitail en lela mwo.

Koht, Sahmatail Nanleng, ketkiheng kitailehr karasaras me keieu mwahu ohng koasondi en mehkot me kitail kin doadoahklahng oh pilahn. Sapwellime kasikpen doadoahk iei “en ketkihdo mour poatoapoat oh mour soutuk en ohl oh lih akan,”¹ oh Sapwellime wiepehkan en alehdi iei pilahn en komouro.

Kisehn Sapwellimen Samatail Nanleng me limpoak pilahn iei en kalaudehla, katehlapala, wia laudsang uwen me kitail medewe me kitail kak pwe kitail en kak duehla Ih. Kihpene atail ngehn soutik ohng paliwar; momourki padahk kan oh kosoned akan en Sapwellime Iehros, Kaun Sises Krais; oh wiahda peneinei soutuk kan mweidehng kitail, sang sapwellimen Sounkomouro Tomw, pwehn kapwaiada Sapwellimen Koht koasoandi en mour poatoapoat oh mour soutuk ong Sapwellime serihkan Reh nan Sapwellime wein celestial.

Mehkot me kitail kin doadoahklahng kin audaudkihda wehwehkihla me ouremen en ansou mwotomwot katapante ma re pahn kahluaikitail ohng ouremen men laud oh werei. I kamehlele me ehu me kesempwal ong popohl iei esehla ia mwomwen atail pahn koasonehdi oh wiahda pein atail pilahn kan nan sapwellimen Samatail Nanleng pilahn soutuk. Ma kitail medewehte nan ahl soutuket, kitail pahn udahn pweida oh pwurala Reh.

E mwahu kitail en koasoanehdi mehkot me kitail kin doadoahklahng oh pilahn kan ong atail doadoahk kan, ong atail skuhl, oh pil ong mwadong kan me kitail kin wia. E pil kesempwal en koasoanehdi mehkot me kitail kin doadoahklahng ong atail kopwopwoud kan, atail peneinei kan, oh tohn atail mwomwohdiso kan oh pwukoah kan; met inenen mehlel ong misineri kan. Ahpw mehkot me kitail kin doadoahklahng me keieu kesempwal anahne en ehuong pilahn soutuk en Samatail Nanleng. Sises masanih, “Eri, rapahki mahs wein Koht oh dahme E kin ketin kupwurki, ah soahng teikan koaros E ahpw pahn ketkihong kumwail.”²

Irail me lalokong kan ong koasondi en mehkot me kitail kin doadoahklahng ndahng kitail me mengei oh inen en mehkot me kitail kin doadoahklahng, ihme keieu mwahu. Ansou me kitail pahn katikala mehkot me kitail kin doadoahklahng ohng ehu kilel sansal de ehu de riau kosoi kehlail, kasikpen doadoahko kak duwei kitail oh kerenieng kaweid soahng koaros me kitail medewe oh wia. I kamehlele me lepin lokaia riau me, nan irair wet, kasalehda sapwellimen Koht mehkot koasoandi ong kitail oh atail mehkot me kitail kin doadoahklahng me keieu kesempwal ong kitail. Lepin lokaia pwukat iei pwurala oh alehdi.

PwuralaReh ohalehdi kapai soutuk kan me pahn kohdo sang ni amw pahn kolokol inou kan iei mehkot me kitail kin doadoahklahng me keieu kesempwal me kitail kak kaunopada.

Kitail pwurala oh alehdi sang ni atail kin ahneki “pwoson kehlail rehn [Kaun Sises Krais], likih Sapwellime me mwahu kan, nantihla mwowe kanengamah dadaurete Krais, ahneki marain unsek en koapwoaroapwoar, oh limpoak ehu en Koht oh en ohl [oh lih] koaros … , audaudkihda mahsen en Krais, oh dadaur lel imwi.”³

Tepelo sohte alehda pilahn en Samatailo me mweidehng kitail en pwurala Reh ohalehdi Sapwellime kapai kan. Ni mehlelo, Luseper uhwengada oh songen wekidala pilahn en Samatailo, men ale klohri, oh manaman en Koht. Eri ni imwio, e lekidekla iangahki irailko me kin idawehn sang rehn Koht oh “wiahla Sehdan, iei, tepelo, pahpahn likamw koaros, pwehn pitih oh kamasukunehla ohl [oh lih], oh kahluwa irail lahng reh, oh me tohtohie me sohte men rong mahsen en [Kauno].”⁴

Pwehki pilipil me e wiahda nan sapwen ngehno, Sehdan sohte kak pwurala de alehdi Ihte me e kak wia iei uheng sapwellimen Samatailo pilahn ni ah kin song en kasongosongei kitail pwe kitail en pwopwidi oh wiahda atail mour en sakanakan due ih.⁵Ah pilahn en me sued akan wia mehkot me e kin doadoahklahng ong koaros, dih, oh aramas koaros.⁵ Ahn Sehdan pilahn en wiahda mehkot me e kin doadoahklahng e doke aramas koaros, dih, oh wasahkan. E kin doadoahki ngihl laud—ngihl me kin kaduala ngihl tikitiko en Ngehn Sarawio me kak kasalehiong kitail “soahng koaros” me kitail kak wia pwe kitail enpwurala oh alehdi.⁶

Ngihl pwukat ong irailko me sohte alehda rongamwahu mehlel wet oh me kin doadoahki internet, soahngen mesihn teikan, kilel, oh kasdo suwed, tiahk sued, lokaia sued, samin, oh mwekid sued me kin kahrehda atail kin pwopwsang nan mehkot me kitail kin doadoahklahng oh pilahn kan me kitail ahneki ong mour soutuk.

Ngihl pwutak kak kahrehda aramas mwahu men me salongala sang ni mour en sampah en ohl oh lih oh me rapahki pwehn kawehla pwoson oh pirerala medewehte soutuk en irailko me nannantieng en pwurala rehn Koht oh alehdi “soahngkoaros me Samatail ahneki.”⁷

I diarada me medewehte pwehn pwuralaoh alehdi kapai kan me inoudahr, I anahne idek rehi ansou koaros, “Ia irei?”

Ekis duehte amw pein, kapeidek uhk. Oh ma e ngilen sohte kin wiawi, medewe: ihs nan sampahwet me eseiuk sang pein kowe? Ke ese amw madamadau; amw wiewia kan; amw ineng; oh ouraman kan; mehkot me ke kin doadoahklahng, oh pilahn kan. Ke pil ese ia wen amw keirda nan ahl en pwurala ohalehdi.

Pwehn kaunopada kaweid ong pein ngehi, nan kapeidek wet, I kin mwahuki wadek oh mengmengloalki lokaiahkan me pahn kahreiong aramas emen ah onopki pein ah mour me dierek nan kelimau en Alma, me Alma kalelapaki: “Kumwail ipwsangehr rehn Koht ni pali Ngehn? Kumwail alehdiong kumwailehr duen Koht? Kumwail lelohngehr wekidekla kapw nan amwail mohngiongkan?”⁸ En Alma kalelapak kan wia mehn ketemen ong dahme atail kin wie doadoahklang oh pilahn kan anahne iangahki pwe kitail en pwurala ohalehdi.

Taman sapwellimen Sounkomouro luk en “kohdo rehi, kumwail me pwangadahr oh toutoukilahr amwail mehn wesik kan, I ahpw pahn kakomoaleikumwailla.

“Kumwail ale oh kapaikada Ei mehn wesiket, oh kumwail padahk ki sangie: pwe Ime ohpampap oh nan kapehd karkarahk: kumwail pahn diar komoal pen ngenemwailkan.”⁹

Ni atail kalaudehla atail pwoson rehn Kaun Sises Krais sapwellime manaman en kakomalihdi pali ngenetail sang ni mahk en dihp kan, doarepen ehupene kan me sohte unsek, kamwahuihla ohla sarawi kan , oh kakehlailiala oh seweseikitail en alehda wiewiahn Krais kan, oh e pahn laudla atail kapingki Tomw en atail Kaun Sises Krais. ¹⁰

Nan wihk me kohkohdo kan, diarada ansou en tehk mehkot me ke kin doadoahklahng en amw mour oh amw pilahn kan oh kilang pwe ren idawehn koasoandi lap en popohlo. Ma ke anahne koluhla oh weliakapwala, ah ke wia met. Ahneki ansou en madamadau ni kapakapki dahme anahne seweseiuk pwe ken “ehute kilenglahng klohri en Koht.” ¹¹

Kitail anahne kolokol pwuhk sarawi oh rongamwahu en Sises Krais nan werengen atail ouremen kan oh pilahn kan. Ma sohte Ih, sohte kasikpen doadoahk pahn mie, oh atail pilahn kan en alehdi mour soutuk pahn udahn sohte pweida.

Kilel

“The Living Christ” document

Ehu iren sawas iei “Krais me Ieiaso: Kadehde en Soukohp akan,” ¹² me kohweng Mwomwohdisoht nan January [ehu] 1, [riekid] 2000. Kihdi ehu kopi wasa ke kak kilang ie, oh ahneki ansou en wadek ehu ehu kosoi kan me mih nan kadehde marain en Krais sang Sapwellime tohn kadehde kan me sain.

Kilel

“The Living Christ” and the family proclamation

I men koangongoahki kumwail en onopki iangahki “Peneinei: Kalohk Ehu Ong Sampah.” kitail kin kosoia ansou koaros kalohk en peneineio, ahpw menlau tamataman wadek duenSapwelimen Krais me ieiaso manaman en kapitala. Ma sohte Krais me ieiaso, soahngkan me kitail kasik sohte pahn pweida. Me pakair en peneineio pakairki: “Pilahn en popohl kamengeiadahr peneinei en kohkohlahte daulih mehla. Tiahk sarawihkan oh inou kan mie nan tehnpas sarawi kan kamangeiadahr aramas koaros en pwurala rehn Koht oh peneinei en katengeteng pene kohkohlahte.”¹³

Met kak wiawi pwehki Krais me ieiaso iei me wia Sounkomour oh Soundoar en Sampahwet.

Medewe, kumwail pil rapahki nan pwuhk sarawihkan pwe en kalaudehla amwail wehwehki me mehlel kan nan “Krais me Ieiaso.”

Kapakapki oh wadek “Krais me Ieiaso” duehte wadek kadehdekan en Madiu, Mark, Luk, Sohn, oh soukohp kan en Pwuken Mormon. E pahn kalaudehla amwail pwoson Sounkomouro oh sewese kumwail en medewehte Ih ni amwail pahn idawehn amwail koasondi en lella amwail mehkot me kumwail kin doadoahklahng soutuk.

Mendahte atail sapwungkan, pohnsehsehla rongamwahu wet, oh dihp kan, sapwellimen Sises Krais Tomw kin mweidehng kitail en koluhla, onopada pwurala oh alehdi kapai kan me Koht inou kiheng kitail ehr—kitail en momourki kohkohlahte rehn Sahmatail oh sapwellime Iehroso nan wasa me keieu mih powe iei wein celestial. ¹⁴

Met kumwail koaros ese, sohte me pahn pitsang mehla, eri, atail mehkot me kitail pahn doadoahklahng me doh oh koasondi pahn iei me ni ansou kitail pwurala rehn Samatail Nanleng, kitail pahn alehdi koaros me E ketin” kaunopadahr ong emen emen kitail.¹⁵

I kadehdeki me sohte ehu ouremen nan mour en sampahwet me mwahusang momour kohkohlahte rehn Samatail oh Inetail Nanleng oh atail Sounkomour me kempoak, iei Kauno Sises Krais. Ahpw e sohte wiahte atail ouremen—e pil wia Sapwellimerail ouremen. Irail sapwellimaniki limpoak me unsek ong kitail, me udahn manaman sang me kitail kak wehwehki. Re udahn inen ong kitail. Kitail Sapwelmahr doadoahk. Atail klohri iei Sapwellimarail klohri. Re inenen kupwurki kitail en pwurala rehrailpwurala oh alehdi popohl kohkohlahte Rehrail.

Riei ohl oh lih oko, mwurin wihk ehu, kitail pahn kasarawih Palm Sunday—katamando pweida en sapwellimen Krais ketlong nan Serusalem. Ni wihk riau, kitail pahn kasarawih Easter Sunday—katamando sapwellimen Sounkomouro pweida sang mehla.

Ni atail pahn medewehlahte Sounkomouro nan Rahn sarawi kesempwal riauet, kitail en tamataman Ih oh pilehu wiahda atail inou poatoapoat en kolokol Sapwellime kosoned akan. Kitail en tehk mwahu pein atail mour kan, koasonehdi pein atail ouremen kan oh medewehte atail pilahn kan en pahrek ieng Sapwellimen Koht pilahn ni ahl ehu me pahn kihong kitail atail ansou mwahu en pwurala oh alehdi—me wia ahi kapakap ni karakarahk ni mwahren Sises Krais, amen.