Klumech el Mengemedaol
Aki mengemedaol er kau el mera klou el ongdibel el techall el mo orrenges er a ngerel a Rubak.
Rodam me a rodos er ngak ma rsechelei el meliuekl er a beluulechad, ng soak el mengemedaol er kemiu el mertial klou el ongdibel. Ke de keldibel el telungalek er a beluulechad el soad el mo mengull er a Rubak e Osobel, el Jesus Kristo. Kom mesulang el obengkemam .
Tial mlo merek el rak a kora mle ungil e ngeldengodech er a osisiu el taem. Ng meral ngarngii a bla desuub el ngii a dimlak dodengei er a uchei. A bebil er a osisechakl el ble kudengei er a ucheia mla meluches er a chelsel a renguk el okiu a beches e bleketakl el teletael.
Uai tiang el okesiu, ngak a medengeiel kmo a Rubak a omekrael a teletelel a Ikelsia er Ngii. Ng dilu el kmo, “Ngii a mo [ochotid] el kmo Ngii a sebechel remuul a Urerel.”1
Ng blechoel, ngak ma re counselor er ngak a mla omes e lmangel sera le siseb e lolengeseu a ikel meringel el omeruul sel kemam a mla mo er sel bkul rebab el sebechemam e mla mo diak el sebechemam el mekerang. Ng kmal mechas a rengmam.
Ak mla mo ungil medengei er a chelechang sel belekul a tekingel el kmo, “Momes, Ngak a mo oleached er a Urerek er sel temel.”2 A kumelekl el outkeu sel Ngii a mengedereder e meruul er a Urerel mel merechereched—ma le ngarngii tial bekuiuiuul el rakt meliuekl er a beluulechad.
Rodam me a rodos er ngak, a klisichel a Ikelesia a debetik er ngii er a urerir me a mukeroul el klaumerang er a rechedal a ikelesia. A klaumerang a kot el ungil sel dubech er a blai. Tial mlo merek el rak, a betok er kemiu a mlo omdois a omesubiu er a ebangkelio er a chelsel a blimiu. Ak kureng a suliu, me a rengelekiu a mo oureng a suliu.
Tial klou el ureor lomekbeches er a Salt Lake Templo a melemolem. Sel kngara obis er ngak e ak ungil mesang a ureor el ngara templo plaza.
Sel kumes er a rechad er a ureor el mengiis a risel a mecheuodel el kerekar, baeb, seng, a chemars el blil a ralm, ea uldasu a mlei er uldesuek el kirel a ta ma ta er kid el ousbech er a ngelsuil Osobel, e mo choroid a ikel olibesongel el ngara chelsel a klengar er kid.
A ebangkelio er a Jesus Kristo a ebangkelio er a ouchel reng.3 Eleng Tngakireng er a Osobel, a ebangkelio er Ngii a odersii a ongit el mo blechoel el mengodech, mukeroul, e mo lmuut el mo klikiid. Ng ebangkelio er a oureng, omekungil, me a omerael. Ng uaisei, a ebangkelio a klumech er a deurreng A delbenged a outkeu er a ikel bek el bekekled el merael mo ruchei.
A telengtengil a mengideb er a Israel, e kmal klou a belkul, a ngercheled el rechad el mo klikiied e ngarngii a rengudel mo olngeseu el kudmeklii a beluulechad el kirel a Ongeru Lemei a Rubak.
Sel dorrenges a ikal klumech el mle ungil keldmokl el mla er a remerredel el ngara chederderel a Chedaol Reng, ea ongtik el mo er kemiu a mo dmangch a olibesongel el kiriu el choroid er a klengar er kemiu meng mo sebechemiu el lmuut el mo klikiid.
Ng betik a renguk er kemiu, el rodam me a rodos er ngak, e ouchais el kmo a Chedam er a Babeluades me a Betik er a Rengul Ngelekel a medengelkemiu e betik a rengul er a ta ma ta er kemiu. Te keldmokl el mo olngeseu er kemiu er a bek el blekekliu el merael mo ruchei. Aki mengemedaol er kau el mera klou el ongdibel el techall el mo orrenges er a ngerel a Rubak. El ngara a ngklel a Jesus Kristo, amen.