COVID-19 me a Templo

Betik er a renguk el rodam me a rodos, kede meral mla ngmai a betok el chedaol klemedengei. Ak mereng a saul er a ikel nglunguuch, klumech, me a chelitakl er tial rokir el ongdibel. Omereng el saul el mo er a dersta er kemiu el ulbengkemam, a omngara ngidil ker.

A uchelel tial mlo merek el rak, eleng uchul a COVID-19 el bekuiuiuul el rakt e mle soad el ungil chad er a buai, eng mle meringel er kemam eng di ki tilbir el mo chosimer a rokui el templo el telkib el taem. Chelsel a ikal buil, e aki milchesuar er a chedaol odubech el lmuut el mo mekekokil omok a templo el obang a kerekikl el omeruul. Chelechang a ikel templo a mla lemuut el mengai a chesmerel e remurt el ousbech a euang el dauch, el kmal kirel oltirakl a llechul a amt el ngarngii me a selbechakl el omeruul.

A ikel templo el ngara kot el dauch 1, eng sebechel a robekl el mla ngmai a klengletengat er tir el mo merenged el bechiil el sechal ma redil.

A ikel templo el ngara ongeru el dauch 2, a rokui el chedaol ruoll el kirel a dirk ke kiei a mo meruul, el uldimukl er a klengeltengat er a chad, omerenged er a bechiil sechal me a redil, me a rengalek el mo er a chedam me a chedil. Aki drik ngildechii sel omelkingel a ongeru el dauch 2 meng mo sebecherir a rengeasek, rebeches el rechedal a ikelesia, me a rebebil el obang a kedeb-a usbechellel el babier el mo remuul omtechei el techolbechelid er a mla mad el uchelir.

A ikel templo el ngara ongedei el dauch 3, e tirkel mla remuul a telutk el temir a sebecherir el mo remuul a chedaol ruoll el kirir a re dirk ke kiei me a chedaol ruoll el omtechei er tirkel mla mlad el uchelir.

Ongeuang el dauch 4 a lmuut el mo er a smechel, el meruul a rokui el omeruul er a templo.

Aki oureng a suliu er a kellou el reng er kemiu me a blakerreng er a oureor el tial taem el kora ngeldengodech e omelasm el taem. Ak meluluuch ma klemeriar reng er kemiu el mo omengull e mesiou er a chelsel a templo a mo mesisiich el diak a mo uai ngii.

Kemiu a ko er a melchedech el oingerang eng sebechemiu el lmuut el mo er a templo. A nger: A templo er kemiu a mo obok a chesmerel sel amt el omkiei er ngii a mo kongei er ngii. Sel teletelel a COVID-19 er a basio er kemiu a mo ungil, ea templo a mo lmuut el obok a chesmerel. Bol blak a rengmiu el olngeseu me sel ulecherangel ra COVID me lorael mo reiou er a basio el omngarngii ma techeliu er a templo bol betok.

Meng uaisei, moltirakl a chedaol telbiil ra templo ma klengeltengat er a chelsel a uldesuiu me a rengmiu. Bo moltirakl a ikel telbiil el kemiu a mla remuul.

Kede meleketek er chelechang el kirel a ngarmedal taem! Okouang ma chimong el templo er a chelechal taem a lomekedechor malechub e te omekbeches. Tial mlo merek el rak, eng diak el iior tial omekodall el rakt, le lluich me a ta el templo a ulemuchel a urerel.

Ng somam lolekeed a blil a Rubak el mo er a rechedal a ikelesia, me bo el sebecherir el ngmai a chedaol techall el mo er a templo sel sebecherir.

Me sek Kuchais a uldesuam el kirel mo meleketek a lemuut el lluich el templo, Ak melebedebek e chemat er a ruchelel-ngaramong me a chelechang-el mla meruul el klengar tir a mla ngosuir el rulii tial reksi er a chelechal sils. A beches el templo a mo mekedechor er a ikal el basio: Oslo, Norway; Brussels, Belgium; Vienna, Austria; Kumasi, Ghana; Beira, Mozambique; Cape Town, South Africa; Singapore, Republic of Singapore; Belo Horizonte, Brazil; Cali, Colombia; Querétaro, Mexico; Torreón, Mexico; Helena, Montana; Casper, Wyoming; Grand Junction, Colorado; Farmington, New Mexico; Burley, Idaho; Eugene, Oregon; Elko, Nevada; Yorba Linda, California; me a Smithfield, Utah.

Templo a diak a mo uai ngii e klou a ultutelel el telengtengitl a Oltel ebangkelio er a Jesus Kristo el cherrungel. A chedaol ruoll er a templo a mo mekekii a klengar er kid loba klisiich e melisiich el kmal di tiaikid e diak a ngodech el rolel. Aki oreng a sulel a Dios el kirel aikal klengeltengat.

Chelecha el bocha dongesimer er tial ongdibel, e aki lmuut el ouchais er a beltkil a rengmam el mo er kemiu. Aki meluluuch ma Dios bo el bekururau el omeskemiu a klengeltengat er Ngii e bo lomes el kiriu. Sel de dmak e kede blak a rengud er a chedaol e Urerel. Ngultuil er a blakerreng, e bo dedak el blak a rengued er tial klebokel el urerel a Rubak! Aika nglunguchek el ngara chedaol ngklel a Jesus Kristo, amen.