Ngera Kede Mesuub el Diak Bo Dobes

Ng blechoel sel sekum a Rubak omeklatk er kid el kirel a kengaol tekoi er a uriul klebesei, e Ngii a mellach el kmo: “Bom dechor er a chedaol basio, e lak ko mesim.”² Aika el “chedaol basio” a kmal luldimukl er ngii a templo er a Rubak me a ikal blil ongdibel er kid. Eng di techelled el mo kldibel er a ikaikid el basio a uaia le ko er a kosekodel, e kede mla subii el kmo a tara kot el chedaol basio er a beluulechad a blai—choi, nguldimukl a rekeblimiu.

Rodam, kemiu oba priesthood er a Dios. A llemalt er a priesthood a diak el kakeakl ngii me a klisichel a babeluades.³ Kau me a telungalek er kau a mla ngmai chedaol ruoll er a priesthood. Ngokiu a “chedaol ruoll [er a priesthood e a], klisiich er a kledios a mocholt.⁴ Tiaikid el klisiich a ngarngii el kiriru me a telungalek er kemiu er a chelsel a rekeblimiusel moltirakl a telbiil el bla mruul.⁵

Ng dirk 185 el rak ra mla memong, er a chelechal sils, April 3, 1836, ea Elijah a mlo oluut a kiis er a klebaderei el ngii a msa telungall a techall el mo moak el mo cherechar. Tiaikid a uchul eng ungil a rengud sel dongedmokl a chedaol belsoil er a rekeblid. Ngera omomdasu eng rirelii el mora rechedal a telungalek er kau, kau el demerir, chedam el rubak, buch, ngalek el sechal, a lechub a odam, er a omongedmokl er tial chedaol ruoll? Ke mekerang e mengeluolou er tiaikid el chedaol teletael er a telungalek er kau?

Kom locha omelchesiu el kirel lemuut el ngarngii omruul luchul e a rekeblimiu a meral mo blai er a klaumerang. A lengarngii, e a kulengit me mrelii. Alsekum e ke bechiil, e mchadecheduch kau me a bechim el ngii a kldemem er tial klou a belkul tekoi. Ng kesai el tekoi a meklou a ultutelel er tiang. Chelecha el mo el muut er sel taem e lluut el mei a Rubak, e kid el rokui a kired el remuul a rekeblid el mo basio er a budech me a selbechakl.⁶

A blekeradel me a omeruul el ngii a siotai er a Chedaol Reng a mo choisisii a chedaol teletael er a rekeblimiu. E a obengkel e kmal klemerang el tekoi a kmo a chedaol teletael a remiidalsekum e ngarngii omerellem a lechub eng teletael el mekngit er a Chedaol Reng, le seikid e a “babeluades a mo cheroid.”⁷

Ko mla melbedebek el kmo ngera uchul e a Ruabk a soal a deruul a rekeblid el mo kot er a omesubel ebangkelio me a otireklel ebangkelio? Ng diak di le kedmeklid, e le ngesukid el ngoriakl er tial, omekodall el rakt. Aikel merrob er a omengidb er kid er chelechal taem a mo diak. Eng di, a blakereng er kemiu el mo remuul a rekeblimiu el mo kot el basio er a klaumerang a diak el kirel nguemed. Me a klaumerang me a klechedaol el kekeringang er tial chetituokel el beluulechad, e a usbechelliu er a chedaol basio a kirel mo chachisois. Ak mengelechel er kemiu el mo remuul a rekeblimiu el meral mo chedaol basio “e diak ko mesim”⁸ er tial klou a belkul moktek.

A Dios a soal kid a bo dedak loureor e dekaingeseu. Tiaikid a uchul e Ngii odureklid el mei er a beluulechad el seluk er a chelsel a telungalek e mengederoder kid er a chelsel a ward me a stake. Tiaikid a uchul e Ngii olengit er kid el mo mesiou e oldingel er a ta me a tang. Tiaikid a uchul e Ngii olengit er kid el kiei er a chelsel a beluulechad eng di diak de ngara tekingel a beluulechad.⁹ Ng kmal betok a sebeched el kudmokl a dedak er a bai dilekid el tang.¹⁰ A moktek er a Dios a mo diak el sebechel motaut omko Rengelekel a melemomel el kakeakl er a ta me a tang.

Tial dirk dilubech lomekodall el rakt a kmal tokubets leng mla tomelterir a rebek el chad er a beluulechad el rokir er a kmeed losisiu el taem. Ng uaisei el rebebil a kuk kmal tokubets el mla mo chuarm, ng di kid el rokui el mla soiseb er a ringel. Tiaikid a uchul, e tial osisiu el ringel el dengara chelsel a meskid a techall el mo olngeseu lodak er a rengelekel a Dios. Me a, kuker, tial osisiu ringel el dengara chelsel ng mla ngoikau lokedau er a retonari er kau, a rodam me a rodos el kmeed er kau me a rengara beluulechad el rokir?

Chelsel tiaikid el teletael, e a ikel leru el ngarbab el llach a sebechel lomekrael er kid: el kot, mo oubeltikereng er a Dios e a, ongerung, a mo oubeltikerneg er a ngar a bita er kid.¹¹ Kede chochotii a beltkil a rengud lokiu omesiou.

A omodengelii a chad el sabisi, e modersau el mo er ngii—ngii mesel momelchesiu el dirrek el sabisi! Ng diak a belkul sal ngarngii a moktek a lechub a klumech a lechub a ureor el moruul. Di mdu el kmo alii e mochotii a beltkil a rengum. A teletael er a technology a sebechel lolngeseu. A le tial omekodall el secher a uchul me a lak, eng di a bek el ngelekel a Dios a kirel mo medengei el kmo ng diak el cheloit!

A taem er tial omekodall el rakt, e a ikel miting er a chelechad sel Sandei a mlo diak el telkib el taem. A bebil er a chelechad a mla mo sebechir el kaseues lokiu a technology. Eng di, a ureor el Rubak a milsa chelechad er a priesthood a dimlak di lolutk el kirel a miting e lemerekong. A miting a kmal di kekerei el telengtengil sel kmal moktek er a chelechad me a ikel sebechel meruul.

Rodam er ngak er a Aaronic Priesthood me a chelechad er a re elders, bekengii osengiu el kirel a kmo ngera uchul e ngarngii a chelechad er kid. Ngera ngoureng er ngii a Rubak el mousbech er a chelechad el mngarngii el mo kudmeklii a Urerel er—chelechang? Mosiik chedaol ocholt er a Rubak. Bol ngariou a rengum! Molengit! Morrenges! A obla mokedong el mo oungerachel, e mchadecheduch el merredel lobengterir a rechedal a chelechad. Ngii di el obis a lechub e ngerchelem er a priesthood, e bechere Dios me bo lomtebechel er a blakereng er kau el chedal a chelechad me a omesiou el moruul. Bo betik er a deureng a llemalt el kau a mo ocholt sel “blak a rengum loureor loba ungil moktek.”¹² A chelechad a kmal lungil basio lorchediii omengideb er a Israel er a ika leru el beluu.

Kede kiei er a taem el mlulaoch er a ngaramong, el mo klou a nglemuu er a “rokui el tekoi, me a rengul a chad a mo mechitechut, me a dakt a mo er a rokui el chad.”¹³ Tia dimla klemerang ruchei er tial omekodall el rakt, e melemolem el klemerang. A uldikel er a beluulechad a melemolem el di mengisois. A kuk bitang, e a ngerel a Rubak a diak el “ngerel a klou el nglemuu, ng bai chelellakl e medemdemk, e uaia longelulau, el kmal subechii er a rengul a chad.”¹⁴ A rolel e kom rongesii tial chelellakl el ngor, eng kiriru el mo chelellakl!¹⁵

Ng telkib el taem, el tial omekodall el rakt a tirrob a betook el tekoi el doruul er a klengar kid. Ng di telkib el taem eng mo mesebeched el melilt el mo orrenges a nglemuu me a uldikel er a beluulechad. A lechub eng sebeched lousbech er tial taem el rongesii a ngerel a Rubak louchais a ulekrael, ongelaod, me a budech er Ngii. A chelellakl taem a chedaol taem—el taem el dolai chedaol ocholt e melchesuar a budech.

Mtibir el morngii a temem lobengterir a rebetik er a rengum. Bekengii a rengum el mo er a Dios lokiu a nglunguuch. Mchoit a temiu el mesuub chedaol llechukl e bom ngara omengull er a chelsel a templo.

Rodam er ngak, ng betok a tekoi el Rubak a soal a desuub er a ikel mla duubech el mei er kid er chelechal dengara chelsel tial meringel taem. Ak mla lmuches a kleuang. Ak sioati er kau el kuk di mokau llemuches, e bo mungil lomtab, e mouchais lobengteir a rebetik er a rengum.

A roltirakl a telbiil chedal a Dios a dmiich a klukuk er tir.¹⁶ A Rubak a mo mesisiich lomekedong er a Rmesiungel el tir a klikiid loba priesthood el mo omekngeltengat, mengelaod, e melisiich er a rechad e olngeseu el mengedmokl er a beluulechad el kirel Ongeru Lemei. Ng kmal ngerchelel a dersta er kid el mo kiei loltirakl chedaol ngerachel el bla dengai. Ng sebeched el kudmeklii tiang! A kuchais, lobengkel a beltkil a renguk mora derta er kemiu, el ngara chedaol ngklel a Jesus Kristo, amen.