Pagpaluyo sa mga Kinatibuk-ang Awtoridad, mga Area Seventy, ug Kinatibuk-ang Opisyales

Mga kaigsoonan, sama sa gipahibalo, ako na karong ipresentar ang mga Kinatibuk-ang Awtoridad, mga Area Seventy, ug Kinatibuk-ang Opisyales sa Simbahan alang sa inyong pagpaluyo nga pagboto.

Palihog ipahayag ang inyong pagboto sa naandan nga paagi bisan asa man kamo. Kon adunay mosupak sa bisan hain sa mga gisugyot, kami mohangyo nga kamo mokontak sa inyong presidente sa stake.

Gisugyot nga atong paluyohan si Russell Marion Nelson isip propeta, manalagna, ug tigpadayag ug Presidente sa Ang Simbahan ni Jesukristo sa mga Santos sa Ulahing mga Adlaw; Dallin Harris Oaks isip Unang Magtatambag sa Unang Kapangulohan; ug Henry Bennion Eyring isip Ikaduhang Magtatambag sa Unang Kapangulohan.

Kadtong uyon mahimong mopakita niini.

Kadtong supak, kon aduna, mahimong mopakita niini.

Gisugyot nga atong paluyohan si Dallin H. Oaks isip Presidente sa Korum sa Napulog Duha ka Apostoles ug si M. Russell Ballard isip Akting nga Presidente sa Korum sa Napulog Duha ka Apostoles.

Kadtong uyon, palihog ipakita kini.

Bisan kinsa nga supak mahimong mopakita niini.

Gisugyot nga atong paluyohan ang mosunod isip mga sakop sa Korum sa Napulog Duha ka Apostoles: M. Russell Ballard, Jeffrey R. Holland, Dieter F. Uchtdorf, David A. Bednar, Quentin L. Cook, D. Todd Christofferson, Neil L. Andersen, Ronald A. Rasband, Gary E. Stevenson, Dale G. Renlund, Gerrit W. Gong, ug Ulisses Soares.

Kadtong uyon, palihog ipakita kini.

Si bisan kinsa nga mosupak mahimong mopakita sa ingon.

Gisugyot nga atong paluyohan ang mga magtatambag sa Unang Kapangulohan ug ang Napulog Duha ka Apostoles isip mga propeta, mga manalagna, ug mga tigpadayag.

Ang tanang uyon, palihog ipakita kini.

Ang dili uyon, kon aduna, sa samang paagi.

Kami mo-release nilang Elder J. Devn Cornish, Timothy J. Dyches, David F. Evans, Robert C. Gay, James B. Martino, ug Terence M. Vinson isip mga Kinatibuk-ang Awtoridad nga Seventy ug mogante kanila og emeritus nga kahimtang.

Kadtong gustong magpasalamat niining mga Kaigsoonan ug sa ilang mga pamilya alang sa ilang mapahinungoron nga pagserbisyo mahimong mobuhat pinaagi sa pagpataas sa kamot.

Kami mopahibalo nga si Elder Dean M. Davies, kinsa mitaliwan niadtong Agosto 31, 2021, i-release unta isip Kinatibuk-ang Awtoridad nga Seventy niini nga komperensiya. Kami mopadangat ngadto ni Sister Davies ug ngadto sa pamilya sa among kinasingkasing nga mga pahasubo ug pasalamat alang sa walay kapoy nga pagserbisyo ni Elder Davies.

Kami usab mopahibalo uban sa pagpasalamat, sa mga Area Seventy kinsa mikompleto sa ilang pagserbisyo atol sa miaging tuig.

Kadtong gusto nga moapil kanamo sa pagpasalamat niining mga kaigsoonan sa ilang maayo kaayo nga serbisyo, palihog ipakita kini.

Gisugyot nga atong paluyohan ang ubang mga Kinatibuk-ang Awtoridad, mga Area Seventy—lakip sa duha ka bag-ong Area Seventy nga gipahibalo na og sayo niining semanaha sa newsroom.ChurchofJesusChrist.org—ug ang mga Kinatibuk-ang Opisyales ingon nga naglangkob karon.

Ang tanang uyon, palihog ipakita kini.

Kadtong supak, kon aduna.

Salamat sa inyong nagpadayon nga hugot nga pagtuo ug mga pag-ampo alang sa mga lider sa Simbahan.