Pi N’en nib Thothup Ngog

Pi brothers nge sisters rog, nap’an gube sak’iy u lan fare Conference Center bayay, gube lemnag mornga’agen fapi thin rok fare Apostle Peter: “Somol, rib manigil ni kadbad ngaray.”¹

Gube lemnag mornga’agen fapi thin ko fare profet Nephi, ni ke fi’leg chepin e girdi’ rok tomuren nike yim’ Lehi ni’ir Chitamangin. Nephi ke yoloey, “Ma dakaen e yungey e gube yoloey ngay e pin’en nib ga’fan ko ya’el rog.”²

U somm’on kug lemnag fare guruy ney ni dariy fan, ni kug lemnag fare thin pin’en daki ga’fan ko tin thothup, daki yoeg ninge un fapi thin ni “ya’el rog.” Machane kug fil ni fare thin pin’en ni kan yoloey ko fapi babyor nib thothup ni 2,354 i yay.³ Woed rogon, ulan Moses: “I gag fare Somm’on nge Tungun, fare Got ni Gubin e Rayag Rok; ma u dakean e Fakag ni Kug sunmiy e pin’en riy.”⁴ Nge thin rok Nephi: “Musap gaed, yaʼel rog e ba falaenʼ ko tirokʼ Somoel banʼen; ma gumʼirchaʼ rog e yug be lemnag e pinʼen ni kug guy ma kug rungʼag.”⁵

Fapi thin ku Nephi e fith fare duwer ni “Mang e pin’en e gama tafney nag?” “Mang boech ban’en ni th’abi ga’fan ngom?” “Mang boech ban’en nib thothup ngom?”

Rran nang fan fa pin’en ko thothup rodaed u dakean e duwer.

Nap’an re pandemic ney kug mada’ nag bo’or e girdi’ nib fel’ yangraed ulongob e fayleng ko mo’olung, nibe ga’ nge chigchig, u dakean e broadcase nge social media, ma kug sabethingaed ko duwer roraed.

Nap’an Joseph Smith bay ragag nge aningeg e duw rok bay e duwer rok ni ga’ ko thothup rok, me fith ngak Somoel. President Russell M. Nelson ke weliy: “Ngam fith fapi duwer rom ngak Somoel nge bayang nib michaen’. Mu fil u dakean e ba’adag ningam michaen’ damu athapeg ningam piry’eg e oloboch ko yafos ko profet fa oloboech ulan pi babyor nib thothup. Mu taleag ningam gaa’nag e muluwaen’um u dakean e sabethin ngak reb e gidii’ nib muluwaen’raed. Mu pii’ tabil’ ngak Somoel ninge powiy’ ngom ko milekag rom.”⁶

Girdi’ nib fel’ yangren ma fith ngog mornga’agen e tin michaen’ug nge mang fan gube michaen’ug riy.

Gube pug urran reb e sabethin nib virtual ko reb e bpin ko na’un rok. Kug fith fa’an i’ir e bin somm’on e yay ke yib e Apostle nga tabinaew rok. Ke sminmin nge fulweg nib papay, “Arragon.” Ke fith e duwer nib fel’ ngog:“Mang pin’en ni th’abi ga’fan ningu nang?”

Kug fulweg “pi n’en nib thothup ngog,“ fa pin’en nibe ayuweg ngeg ningu thapeg e thogthog, pin’en nibe ayuwegneg ningu guy fa tin ga’ fan ko fayleng, nibe pi’ e fan ngog ko muruwel rog ko gospel nge yafos rog.

Rayog ningu weliy ngomed “boech e n’en nib thothup ngog”? Fapi n’en ma yaen ngak urngin e girdi’ ni yaed ba’adag ningar manged gachalpen nib yul’yul’ rok Yesus Kristus. Ragag i’ir e numba nib fel, kan n’on ko bin migid. Daba’ gura pii’ ngom medlip ma gube athapeg ningam fil’eg e bin meruk, bin mereb, nge bin ragag ko rogon laniyaen’um.

Bin somm’on, t’ufeg ngak Got en Chitamangiy nge Yesus Kristus, Tathapeg rodaed.

otochiyel nag fare bin somm’on e motochiyel nib ga’: “Thangri t’uf rom Somol ni ir e Got rom ni polo’ u gumircha’em, ngu polo’ i lanin’um, ngu polo’ i leam rom.”⁷

President Nelson ke dag e michaen’ ngak Got, ni Chitamangdaed nu Tharmiy, nge Fak, Yesus Kristus, nap’an kan pinning ninge powi’iy e Galasia rok Somoel, me yoeg, “Guma nang row, gub t’uf ngorow, ma gube micheg ningu pigpig ngorow—me gur—ko urngin e gelngig ko yafas rog.”⁸

Arame bin somm’on, t’ufeg ngak fare Chitamangiy nge fare Fak.

Bin l’agruw, “Thangri t’uf rom e en ni buguliyoror rom.”⁹

Gathi kemus ni lam nib fel’; machane i’ir fare bin l’agruw e motochiyel nib ga’. Fapi buguliyiror i yaed e mabgol nge tabinaew rom, chongin e ward, girdi’ ko murwel, girdi’ nibe paer rom, girdi’ ko reb e tiliw, girdi’ nibe gafgow, nge, arragon, urngin e girdi’. Fare tabolngin ningam “t’uf rom e en ni buguliyoror rom” nibe pi’ ni fel rogon ulan fare tang ni “Love One Anotther.”¹⁰

President Nelson ke fil ngodaed, “Nap’an ngad t’ufeg Got ko gubin e gum’ircha’med, nira yoeg e gum’ircha’daed ngak fatin ga’ fan ko reb.”¹¹

Bin dalip, mu t’uf ngom.

Araray e bin nib moem’aw ko girdi’. Boech e ngiyal’ nib moem’aw ningam t’ufeg ngom ko t’ufeg ngak reb e girdi’? Machane fare Somoel ke yoeg, “Thangri t’uf rom e en ni buguliyoror rom ni gowe gur.”¹² Irma guy fatin ga’ puluwon ko tharmiy u fithikdaed, nge woed rogon ningaed guyed. Nap’an kad kirebaen’daed ko oloboech, kirebaen’, thamtham ko waer, muluwaen’, puwaen’, fa denen, fare gelngin ko fare bayul rok fare Tathapeg, ni kan yarmiy, fare n’en nira ayuweg e thothup.

Bin aningeg, cha’ariy fapi motochiyel.

Somoel ke fil nib fel’ rogon: “Fa’an gu ra t’uf romed, ma gimed ra fol ko tin kug ta’chiylen ngomed.”¹³ Mu gay rogon urngin e rran ningam rrin’ boech e tin nib fel’ ngam yul’yul’ ko tin mat’aw ban’en.

Bin aningeg, Mu yul’yul’ ni gubin ngiyal’ ni ngam un nga temple.

Gube yoeg ni’ir ningan recommend nigem ngak Somoel. Demuturug ko bay e temple ningam maen ngak fa danga’, mpaer nib mat’aw ningam maen nga temple ra ayuwegnem ningam puluw ko fatin nib ga’fan, fare kanawo’ ko m’ag.

Bin nel’, mu falflaen’ me falflaen’um.

“Ngam falflaen’med, mdamu rusgaed,”¹⁴ ke yoeg Somoel. Mang fan? Urrogon, nap’an bay e sikeng rodaed ni gubin yal’? U dakean fapi micheg nike pi’ Yesus Kristus: “I gag fare Somoel re paer rom, guma sak’iy u to’obem.”¹⁵

President Nelson ke weliy e gospel ni sulyarmen ir “e milwol ko falfalaen’!”¹⁶ Nge ni ke yoeg, “Falflaen’ ni gadaed be thamiy kemus ni buch’uw ni be l’eg rogon ko rogon e yafos rodaed mab l’eg rogon ko kenggin e yafos rodaed.¹⁷

Bin medlip, mu fol ngak e profet nib fos rok Got.

I’ir fare bin medlip e ban’en ko yoel rog, machane i’ir e bin somm’on e ban’en nib ga’fan ngog e daba’.

Ba aray e profet rok Got u fayleng e daba’! Damu dariy fan nag e re’ney nib ga’ fan ngom. Ka gamanang fare bpin ni fel’ yangren bi kug weliy ko somm’on. Ir e ba’adag ninge nang fa pin’en ni th’abi ga’fan. “Mfol ngak e profet nib fos,” Kug gog ma gube yoeg bayay e daba’.

Ba gel e tawa’ath ngodaed ni bay e Galasia nibe powi’iy fapi profet, ta yi’iy nge tathogthog ni ke pi’ Got ko ngiyal’ ney. Gube micheg ngomed ni fa’an garam motoyil mag fol ko fapi fanow roraed, ma damu waer ngam malog. Dariy’!

Gadaed ba paer u bangyiyal’ “ni be fekdaed e n’ew i yan,”¹⁸ nap’an e tin thothup, tin mat’aw, tin yul’yul’, nge tin ga’fan e yibe dariy fan nag. Thingar ningaed me’leged. Bay fare laman Somoel uvdakean e profet rok ninge gapas nag e rus ma ayuweg laniyaen’daed, bachan nap’an nibe non President Nelson, ir e be non ni fan Somoel.

Kan tawa’ath nagdaed ko fapi babyor nib thothtup nibe pugoran ngodaed, “Leam rog e de bod e leam romed, ma tirog e kanawo’ e ba thil ko tiromed, be ga’ar Somol.”¹⁹

Arame fan Naaman, ni pilung ko salthaw nu Syria, machane ke daraw, ni kan noeg ngak ni fare profet Elisha e ra chuweg e daraw rok. Elisha ke loeg e tamilwol ngak Naaman ninge maluk ngalan e Lul’ nu Jordan medlip yay ma ran be’ech nag. Naaman ke fek ya thin. Arragon bay reb e lul’ nib ga’ u Jordan, nge mang fan ninge loeg e tapigpig nap’an ir e ba’dag ninge guy Elisha, fare profet, ninge gol nag? Naaman ke chuw, machane fapi tapigpig rok kar thilyeg laniyaen’: “fa’an mang e keyog e re profet nem ngom ni ngam rin’ ban’en nib mo’maw’ ma rib mudugil ni ga ra rin’?”²⁰ Naaman ke maluk ni medlip yay ngalan e lul’ ni Jordan ma ke be’ech nag.

Fare chepin Naaman ma ayuwegdaed ningad nanged e tin kireb fa’an ngad me’leg boech yungi fanow ko profet ningaed folgaed riy nib fel’ ko laniyaen’, tin gadad ba’adag, nge yalen ko ngiyal’ ney. Profet rodaed e ma ayuwegdaed ni gubin yal’ ngalang ko fapi Lul’ nu Jordan rodaed ningaed be’echnag daed.

Fapi thin ni thabi ga’fan ningaed motoyil gaed ngak, lemniged riy, ngaed fol gaed ngak ni fa pi’nen nibe pi’ e profet nib fos rodaed. Gube micheg nap’an ni kug un ko mo’olung rok President Nelson ningu non ni mornga’agen e tin nib ga’fan ko Galasia nge fare fayleng, kug guy fapi thogthog ni ke yib u dakaen. Ir e manang fare Somoel, Ir e manang fapi wo’en rok, ma ir e ba’adag ni urngin e bitir rok Got e ra motoyil ngak, fare Somoel ni Yesus Kristus.

Ke bo’or e duw ni kad motoyilgaed ko fare profet l’agruw yay ulan reb e duw ko nap’an e general conference. Machane bay bo’or e magowen nib moem’aw ko tiney e rran, President Nelson ba non u bo’or e rogon,²¹ social media,²² pi devotional,²³ nge arrogon fapi press briefing.²⁴ Kug guy nap’an nike yoloey me pi’ e milwol ko thogthog ni ke gay fel’ laniyaen ko magaer, nge rogon nib fel’ ko fapi brother nge sister rodaed u fayleng, ga’ nag e gapas, athap, falflaen’, gol, nge gol nag e yafos rodaed.

President Nelson ke salap ko welthin, nge, i’ir e profet rok Got. Nib ga’ fan nap’an ngam lemnag marunga’gen, nib t’uf ninge pi’ e fanow nib fel’ nra matangiy daed ko urngin e tin nib baen, wagaey, fa yalen nib baen nibe ga’ nag ulan e fayleng daba’.²⁵

Fare muruwel ko profet nib thogthog. “Fare Sulyarmen nike Polo’ Ga’angin ko Gospel rok Yesus Kristus: Bugithin ko Proclamation ngak e Fayleng nike gaman L’agruw Mir’ay e Duw Ngay” ni kan pi’ nap’an April 2020 general mo’olung, ba fil ni fare Somoel ba powiy’ e murwel ney. ulane e milwol ney, fare Bin Somm’on e Presidenty nge Ulung ko fare Ragag nge La’agruw e Apostle kar oeged: “Gamaed ba yoeg ni fare Thogthog kan micheg ko Fulweg ra yaen nga somm’on udakaen e thogthog nibe yul’yul’. Dabki sul fare fayleng ninge woed ni ta’ab rogon ko somm’on, napan Got nibe ‘kunuy nga ta’abang urngin banan ngak Kristus’ (Effesus 1:10).”²⁶

“Urgnin e n’en u Kristus”²⁷ nge “pi n’en nib thothup ngog”²⁸ i yaed kenginn re Galasia ney, fare gospel, nge girdi’ riy’.

Gube taleag e welthin rog ni gube pinningmed ningam lem niged mornga’agen fapi medlip ban’en ni “n’en nib thothup ngog” ni kug pi’ daba’: t’ufeg ngak Got fare Chitamangiy nge Yesus Kristus, Tathapegdaed; t’ufeg e buguliyoror rom, t’ufeg ngom; fol ko fapi motochiyel; ul’ul’ ni mat’aw ko temple recommend; mu falflaen’ nge falfalaen’um’; ngam fol ko profet nib fos rok Got. Gube pinningmed ningam gayed fa bin meruk, bin mereb, nge bin ragag e n’en. Mu lemnag boech rogon ningam pi’ e “n’en” u gum’ircha’am ningam ayuweg reb e girdi’ ningar meybil, lemnag, mar gayed e ayuw rok Somoel.

Fa pi n’en nib thothup ngog nibe ga’fan ngodaed. Fa pin’en ra gel nag e pigpig rom ulan fare Galasia nge reb wo’en e yafos rom. Yaed ra ayuweg daed ningaed yul’yul’ gaed ngak Yesus Kristus, ningaed pugurran gaed e m’ag rodaed, nira ayuweg daed ningaed thamiyed e gapas u pa’ Somoel. Gube pi’ e m’ag ni ir e ba ’adag fapi ya’el rodaed ni “dakuriy liyiben me yimʼ ko bilig ara balel, ya ra paer nib sug”²⁹ u dakean e t’ufeg rok nap’an ngaed manged fapi gachalpen rok nib yul’yul’ ningaed ta’areb gaed ngak ni woed rogon ni nima rrin’ ngak fare Chitamangin. U dakean fithngan Yesus Kristus, amen.