Ngam Pagaen’ Biyay

Ta’areb i yay, nap’an kug pagael, chingyal’ kug lemnag ningue chuw ko tabinaew rog. U rogon ko pagal nib chigchig, Kug lemnag ni dariy’ be’ nibe t’uf ngog.

Nina rog ufithik e gonop rok ke motoyil me yoeg e thin nib fel’ ngog. Bay e matangiy rog ko tabinaew.

Kam lemnag ningam chuw ko tabinaew rom? Boech e ngiyal’, ngan chuw ko tabinaew bachane nibe waer fa kan kireb nag e pagaen’—pagaen’um ngom, fa ngak reb, fa ngak Got. Nap’an nibe waer e pagaen’, gara lemnag ni urrogon ningam pagaen’ biyay.

E milwol rog ni gube yoeg daba’, ni fa’an gabe chuweg ko tabinaew fa gabe sulweg nga tabinaew, Got bay yib nige mada’ nag daed.¹ Ni udakaen rayog ningam thapeg e mich, gel bugwaem, gonop, nge laniyaen’um ningam pagaen’um biyay. Woed rogon, Irma fith ngodaed ningad pagaen’daed ngak reb, ningam ga’ nag e n’ag fan ma damu pufthin ndariy’ ngom fa reb e girdi’, ninge mang e Galasia Rok woed rogon e tabinaew, fa’an gara yib ni somm’on i yay fa gabe fulweg chiney.

Pagaen’ i’ir e ngongoliy nib michaen’. Got ma michaen’ ngodaed. Machane, ran kireb nag e pagaen’ ko girdi’ ningan tha’ab nap’an:

• E fagar, business associate, fa be’ ni kam pagaen’ ngak nibe baen ngodad, cham ngodad, fa moroʼroʼ ban’en rodad.²

• Nap’an e be’ ko mabgol ra tha’ab e m’ag.

• Sana, nap’an e be’ nib t’uf ngom ra nang e yim’, mith, fa m’ar.

• Nap’an ran fith e duwer ngom ko gospel, sana e ban’en marunga’agen e chepin ko Galasia fa policy ko Galasia, me yoeg e be’ e galasia rom ba upnguy fa tin riyul’ fa ke baen ngay.

Reb e ba’nen sana gathi ta’abrogon machane nib ga’ fan.

Sana gabe lemnag ni dariy’ e tagil’ rom u Galasia, ni dariy’ e fagar rom, fa girdi’ nibe pufthin nigem.

Fa, kam rrin’ gubin e ban’en ni kan fith ngom, machane daworiy fel’ rogom. Dariy’ fan e nang fan rom ko fare Kan ni Thothup, sana dawor ningam nang fa’an Got ba fas fa ba riyul’ fare gospel.

Bo’or e girdi’ daba’ ba lemniged ningar fi’leged biyay e pagaen’ ngak e girdi’ nge modern society.³

Nap’an gadadba lemnag marunga’gen e pagaen’, gadadma nang Got i’ir e Got ko tin riyul’ nge “ma dabiyog ni nge baen.”⁴ Gadadma nang e tin riyul’ i’ir e nang fan ko pi n’en ke yaen, ni bay, ma ngan buch.⁵ Gadadma nang e thogthog nge yi’iy ni bay yib ra un fatin riyul’ ni darma thilyeg ko rogon nibe thilyeg.

Gadadma nang pi m’ag ran kireb nag ran kireb nag e gum’racha’. “Kug rrin’ e ban’en nib kireb,” ke yoeg. “Rayog ningam n’ag fan ngog?” Fare figirniy nge le’engiy ra koel pa’row, mar thapegew ningar pagaen’ew biyay. U reb e tafen, e be’ u kalbus ba lemnag, “Fa’an kug fol fare Thin ko Gonop, Dabgu bay aray chiney.“

Gadad ra thapeg e falfalaen’ ufithik e kanawo’ rok Somoel ni fan e m’ag, nge fapi calling ningad pigpig naged ko Galasia Rok nra pinningdaed ningad thamiyed e t’ufeg ma pagaen’ Got ngodaed ma ngak reb e girdi’. Pi chongin e Galasia, arraogon e girdi’ ni daworiy mabgol i yaed fel’ yangraed, ma pigpig ko fare Galasia nge binaw rodaed.

Udakaen e yi’iy, e bishopric ra pinning e mabgol nib fel’ yangrow ningar pigpig nigew ko fare ware nursery. U somm’on, fare figirniy ba paer nga chiya’ u tobthung e singil, ni dariy’ un ngay. Machane chingyal’, irra tabab ninge minmin ngak fapi bitir. U tomuren, fagali mabgol ra yoeg e magaer ngay. U somm’on, yow ba oge, fare le’engiy ba a’adag ninge fak e bitir: machane fare firgngiy dawor’. Chiney, tomuren e pigpig rororw i yow ba ta’ab laniyaen’mow. Ke yoeg fatin falflaen’ ko bitir nga mabgol nge tabinaew rorow.

U reb e binaw, bayi nina’ ni fel’ yangrem ni bay madway rok nge figirngin ba balyangaen’row machane yow ra thapeg e calling ninge pigpig nag ni’ir fare ward Relief Society president. Chingyal’, bay yib e ice nra tha’ab e gimig, n dariy’ e gaan u canteen mab gel e garbeb ngak bo’or e na’un ni woed rogon e icebox. Bachan bay e gimig nge gwael rorow, fare tabinaew nib fel’ yangrow ra pinning reb e tabinaew nge girdi’ nga na’un rorow nap’an e yakko’.

Pagaen’ ra mang riyul’ nap’an ni ngad rrin’ed e tin mom’aw udakaen e mich. Pigpig nge miligach ra ga’nag e rayog rodaed ma fi’leg e gum’racha’daed. Pagaen’ ngak Got nge reb e girdi’ ra yoeg fapi taw’ath ko tharmiy.

Tomuren ke fas ko malad u downgin, reb e brother nib michaen’ ke aw e karo ngak. Rihey ninge kirebaen’ ngak, ke fith u fithik e meybil, “Mang ningu fil ko renney?” Ulan fare intensive care unit, ke thamiy ninge non ngak reb e nurse nib tamra’ ko figirngin nge bitir rok. Reb e patient nib miith ba thapeg e fulweg rok Got nap’an irba non ngak reb e girdi’.

Nap’an reb e brother nib waer ko pornography ba soen u wuru’ e office rok stake president, fare stake president ba meybil urrogon ninge ayuweg. Ba yib e lem nib gel’, “M bing fare maab ngam pinning e walagen ulangin.” Udakaen e mich nge pagaen’ Got ra ayuweg, fare tapowiy’ ko priesthood ke bing fare maab nge gamuchmuch fare brother. Urngin ra thamiy e t’ufeg nge pagaen’ ngak Got ni be yoeg e thilyeg nga reb. Ke fel’ rogon, fare brother ra tabab ninge kalgnaen’ nge thilyeg.

Arrogon ba thil e ban’en rodad, machane fapi kenginn e gospel nge fare Kan Thothup ma nang urrogon ninge ayuwegdaed ningad nanged fa’an, urrogon, nge wi’in ningad pagaen’ ngak reb e girdi’ biyay. Nap’an kan kireb nag e pagaen’, muluwaen’ nge kirebaen’ e ba riyul’; woed rogon e tin t’uf ningan nang fan wi’in ningan ngongoliy e mich nge gel bugwaen biyay ni fan e girdi’.

Machane, marunga’gen e liyoer ngak Got nge thogthog ko girdi’, President Russell M. Nelson ba yoeg, “Dani t’ug ningam lemnag mini’ ningam pagaen’ ngak.”⁶ Rayog ni ngad pagaen’ dad ngak Got. Fare Somoel ma nang marunga’daed ma irba t’uf ngodaed ni ga’ ko nang fan fa t’ufeg rodad. T’ufeg nge nang fan ni darma mus ko tin u somm’on, chiney, nge tin ni bay yib ran fi’leg fapi michmicheg nga micheg Rok ninge buch.

Mu pagaen’ ngak fare n’em ni ba yoeg fapi babyor nib thothup “u murwel ko ningyal’.”⁷ Udakaen e taw’ath rok Got, fare murwel ko ningyal’, ngad thamgily ko michaen’ ma fol, rayog ningam piry’eg e fulweg nge gapas.

Fare Somoel e ga’ar:

“Ra map e lu’ nnep’, me yib e felelan’ ni kadbul.”⁸

“Mu pi’ e gilab rom [ngak] Somoel ma bayi n’ufegem.”⁹

“Dariy’ e kirebaen’ ko fayleng dakiyoeg ninge fel’ rogon e tharmiy.”¹⁰

Mu pagaen’ ngak Got¹¹ nge fapi ma’ang’ang Rok. Gadad ne tha’ rodaed ran thilyeg. Udakaen fare Bayul rok Kristus fare Somoel, rayog ningad chuw e tin rodad nib kireb ngad manged e bitir rok Got, sobutaen, mabsobut,¹² ngad sugaed ko mich nge pagaen’. Nap’an nga kal gaed ngan’daed, gadadra yoeg e denen nge chuw riy’, fare Somoel ba yoeg ni dabiyoeg ninge puguuran.¹³ Dabiyoeg ninge pagtalin, machane u reb e rogon, Irma me’leg ni dani sul ngadakaen u wan, dani t’uf ningad sul ngadakaen u wun’daed.

Mu pagaen’ ngak e thogthog rok Got ningam me’leg nib gonop. Rayog ningad n’ag fan reb e girdi’ u ningyal’ nib fel’ urrogon, ni ba’adag Somoel ningad rrin’ed,¹⁴ ningad “ayuwgad ni bod rogon e porchoyog mi gimed munguy ni bod rogon e bulogol.”¹⁵

Boech e ningyal’ nap’an e gum’racha’daed e ba kirebaen’ mab fel’, rayog ningad thapeged e gol nge ayuw ko fare Kan Thothup.¹⁶ Pufthin nge n’ag fan i yow ba tabab ningam guy e ban’en nib kireb. Pufthin ba sap nga somm’on ni ke buch. N’ag fan ba sap nga tomur ngak e rran nib puf matawoy. “Ya Got e de pi’ Fak nge yib ngaray nga fayleng ni nge turguy e gechig ko girdi’, machane ir e nge thapeg e girdi’ ngak Got.”¹⁷

Fare Apostle Paul ke fith, “Rogon ni gadad ba t’uf rok Kristus e mini’ e rayag rok ni nge daregdad riy? Irba fulweg, “ndemturug ko yam’ ara yafos, … ndemturug ko n’uw ara ngoch … ni nge daregdad u rogon ni gadad ba t’uf rok Got nike yag ngodad u daken Kristus Jesus n ir e Somol rodad.”¹⁸ Machane, bay e cha ni rayog ninge ki’yeg daed ko Got nge Yesus Kristus—nge fare cha’, ni gur. Woed Isiah ke yoeg, “Bochan e pi denen rom ma aram e dakir rung’ag lungum.”¹⁹

Udakaen e t’ufeg nge motochiyel ko tharmiy, bay e mataw’on rodaded ko me’leg nge tin tomur riy’. Machane fare bayul nib adag rok Taathap rodad e “manechubog nge manemus.”²⁰ Nap’an ngad sulweged nga tabinaew, arragon nap’an kad “paloggaed,”²¹ Got ba fi’leg e murnguy ngoaed ninge thapdaed, ma pi’ urgnin e ba’en Rok Ngodaed.²²

President J. Reuben Clark ke yoeg, “Gube michuwan’ ni Chitamangdaed nu Tharmiy ba ’adag ninge thapeg urngin e bitir rok, … udakaen e pufthin nge murnguy rok irra pi’ fa bin fel’ e taw’ath ngodaed ni fan e ngongol rodad, nra pi’ urngin e ban’e rayog ninge pi’, u ta’ab rogon, Gube michuwan’ ni ira pi’ e bin chighchig e gechig ninge pi’ ko denen rodad.”²³

Nga dakaen fare kruuth, e wenig rok Tathapeg ngak e Chitamangin debi gal’eg ni dariy’ e puluwon riy napan ke yoeg “Chitamag, mu n’ag fan rorad” machane woed biney “Chitamag, mu n’ag fan; Ya dar nanged e n’en ni yad be rin’ed.”²⁴ E puf matawaen daed ba yib fan bachan thingar ningan pufthin nag Got ko rogdaed, nge tin ningad nanged fan mag rrin’ed. Karimgaed, rayog ningad pagaen’ ngak e pufthin nib machaelboeg rok Got nge murnguy ninge pufthin nag daed ni fel’ rogon e laniyaen’ nge ngongol rodad.

Ngad ning aray u tafen kad tababgaed—ko murnguy rok Got nap’an ngad sulweged nga tabinaew Rok.

Gaba pugurran reb e fanethin rok Yesus Kristus marunga’agen reb e mo’on ni bay la’agruw e fak rok?²⁵ Reb e fak ni mo’on ke chuweg ko tabinaew me pii’ e salpiy rok n dariy’ fan. Ma aram e fini sulan’ ngak, fare fak ba’adag ninge fulweg nga tabinaew rok. Fa bin reb e fak ni mo’on, ke lemnag ni ke fol fapi motochiyel “ka aram urngin e duw ke mada’ ko chiney,“²⁶ me dabun ninga thapeg fare walagen nga tabinaew.

Pi walageg, wenig ningam lemnog marunaga’en Yesus ba fith ningam bing e gum’racha’am, ningam nang fan, ngam moed e gol, ngam sobutaen’um, ngam guy ni ngam rrin’ fagali ban’en.

Woed rogon fare bin somm’on e bitir nib mo’on fa bpin, sana gara malog u somm’on ni tabuch ningam piry’eg ningam sul nga tabinaew. Got ma soen ningad thapeg daed.

Woed rogon reb e bitir nib mo’on fa bpin, Got ba fith ningaed falflaen’daed uta’abang nap’an ngad sulweg nga tabinaew Ngak biyay. Irba pinningdaed ningad fi’leged pi mo’olung, pi quorum, pi class, nge pi ngongol rodaed ni yaed thapeged, ni yaed riyul’, ni yaedma matangiy—ninge mang e tabinaew ko urngin e girdi’. Udakaen e gol, nang fan, nge liyoer ngak e girdi’, gadadba piry’eg ngak Somoel ngad meybil gaed ngad thapeged e gospel kan fulweg rok.

Pi milekag rodad ko yafas e ba thil, machane rayog ningam sulweg ngak Got e Chitamangdaed nu Tharmiy nge Fak nib T’uf Rok udakaen e pagaen’ ngak Got, ngak reb e girdi’, ngom.²⁷ Jesus ba yoeg, “Dab mu rus, kemus ni nge michan’um.”²⁸ Woed rogon ke rrin’ fare Profet Joseph, dariy’ fan e rus ngad pagaen’daed ngak Chitamangdaed nu Tharmiy.²⁹ Pi walageg, pi walageg nib ppin, pi fagar, wenig ningam sap biyay ko mich nge pagaen’—e ma’ang’ang Ir ba micheg ngom daba’. U dakean fithingan i Yesus Kristus nib thothup, amen.