Moem mab Fel’ Usun, nge Fel’ Usun mab Moem

Gube og e mogethin ngak gimed gubin nibe un ko re mu’ulung ney.

Dabay, gube athapeg nggu weliy fan l’agruw e bang ko fare gospel rok Yesus Kristus nikan sulweg, ma tomur aningeg e chepin rok Gidii’en Got u bang ko fayleng nibe ngongoliy ngay. Bin som’on e yang ko fare gospel nikan sulweg riy—muruwel rok Got ko thapeg nge n’uf ngalang—nib ga’fan ko muguliy nag e muruwel rodaed u tharimy nikan pii’ ngodad. Bin l’agruw e yang ma sulaen’dad ni fare gospel e moem, ma rib ga’fan, mab ba’ud.

Ni ngan thapeg e yafos ni manemus, thingarda “dared ngakʼ Kristus, ngad machalbog gaed rok’.”¹ Napan ningad dared ngak Kristus min ayuweg e gidiiʼ ni ngar rin’ed ni amrogon, gadad ma un ngak fare muruwel rok Got ko thapeg, nib gaʼfan ko re muruwel rodaed ney u tharimy nikan pii’ ngodad.² Fapi muruwel rodaed ney u tharimy nikan pii’ ngodad e be ta’areb ko fapi kiy ko priesthooud nikan fulweg Moses, Elias, nge Elijah, nikan yoloey ulan fa bin 110th ko guruy ko fare Doctrine and Covenants,³ nge fare bin l’agruw e motochiyel nike pi’ Yesus ngodad ningad t’ufeg pi bugul yiror rodad ni woed rogdaed.⁴ Yad ba’ ko bin l’agruw i somm’on e babyor ko bin bi’ech e General Handbook, bay nifan ngak chongin e galasia.

Fa’anre pi thin ni “General Handbook” fa “muruwel rodaed u tharimy nikan pii’ ngodad” ma yib a murus ngom ni pin’ey e be mom’aw, wenig dangay. Pi n’ey ab moem, tamilangaen’, gel u waen’, ma rayog ni gubin. Aray rogon:

1. Fol ko Fare gospel rok Yesus Kristus

2. Ayuweg e gidii’ nibe gafgow

3. Pinning gubin ni ngar thapeged fare gospel

4. M’ag e tabinaw nga ta’abang ko manechubog

Sana garam lemnag e ren’ey ni woed gag: ni’ir e ba kanawo’en nib soer ngak e Chitimangdad nu Tharimy nib t’uf rodad.

siasing/Llecheklel

Bang ko fare muruwel ko thap nge n’uf ngalang

Kan noeg ni fare gospel rok Yesus Kristus e “moem mab fel’ usun, nge fel’ usun mab moem.”⁵ Gathi amrogon e fayleng. Ni’ir e ba momaw’, ma’athuk, mab sug ko fananikan nge gafgow. Kan tawa’ath nagdad fini gadad ma gay rogon nggu yin nga waen tin ma’athuk, ni bayor riy ngo fayleng, ni siyeg riy ni nge un yalen e gospel rodad.

President Dallin H. Oaks ke yoeg: “Kad filed bo’or e tin nib achig mab moem ulan fare gospel rok Yesus Kristus. Thingar da sulaen’dad ni fini kan thi’eg nib polo ko gubin ngiyal’, pin’ey nibe m’ug nib chig riy mara fekey tin nibe ga’.”⁶ Yesus Kristus ni’ ir ma weliy fan ni re matʼ ni gu ra piʼ ngomed e bmom, ma tomalngin e renʼen ni gu ra tay nga pomed e bbaʼud.⁷ Thingarda gayed rogon ni ngad matanang fare gospel nib moem rogon—nga lan e yafos, tabinaw, class nge pi quorum, nge pi ward nge stake rodad.

Napan gimed ra motoyil ko pi yat ni bay gu weliy ngomed, mu guy nikan mel’eg u fithik e na’ab ninge pi’ e thothog nge llowaen’. Pi ngongol rok pi Gidii’en Got e ra par ni bang nifan fare gospel nib moem, baga’fan, mab ba’ud, ma be mugu’uliy fare muruwel rodaed u tharimy nikan pii’ ngodad.

Bin somm’on, fol ko fare Gospel rok Yesus Kristus. Jens nu Denmark ni meybil ni gubin e rran ni nge fol ko fare gospel me thammiy fare Kan ni Thothup. Ke fil rogon ni nge muruwel nib papay napan nibe yoeg fare Kan ni Thothup ngak.

siasing/Llecheklel

Jens nu Denmark

Jens ni weliy e tin ba’aray:

“Gamad be paer u lan e na’un nib fel’ rogon, kan toey nib baley e gak’iy nge paen e wormel nga lang u kenginn e binaw, nib chugur ko lupath e binaw.

siasing/Llecheklel

Binaw nib fel’

siasing/Llecheklel

Luputh ko fare binaw

“Ko re blayal’ ney kab fel’ ya’an e yafang riy ko summer ko Denish, maab nge winda nib mab, nge gubin banan nib mocho’ mab gapas. Bachan e tamilang nib fel’ ya’an nge nap ko summer nib n’uw, dan gu gurugu ni nggu thiliyeg fare bulb nga langin fare sengil ko gin nibay e gamig riy.

siasing/Llecheklel

Singil ko gamig ko magal

“Machane, ke yib ngog e thammiy nib gel ni thingar gu thiliyeg nag nrib papay! Ma chirofen nem, kug rung’ag e ppin rog, Mariann, pinningeg nge pifak mow nggu bi’ech nag pi pa’mad ni ngad abich gad!

“Kug mabgol nib nike n’uw napan, ni gu manang ni chiney e gathi ngiyal’ nib mangil ni nggu ngongoliy ban’en nib thil ko maluk e pa’ag, machane kug rungag e lamag ngug gog ngak Mariann ni bay gu waen nga kantin nggu chuwi’iy e light bulb nib bi’ech. Kug thamiy nib gel nggu waen papay.

“Fare kantin e kemus nibay u barba’ fare lupath. Baga’ ni gamad ma yaen u but’, machane daba’ e kug fek e raat rog. Napan ni gu thap nga barba’ fare lupath, kug guy ko owcheg e pagael ni ba’ l’agruw e duw rok, nibe yaen nga but’ ni yigo’ ir, nib chugur ko fare lupath, nib chugur nga mrichlen—ma aw nga langin! Reb e minut e ka ba’ aram—ma bin magid ma daki moey!

“Dariy bee’ ni ke guy e biney machane kemus ni gag. Kug goen’ nga but’ e raat rog, mug miil, mug tim’og ngalan fare lupath nibay e ran riy nga kengnig. Dakean fare lupath ab sug ko paan, nib momaw’ ni ngguy ban’en. Ma ere mug thamiy ban’en u barba’ rog. Kug tay pa’ag nga langin fare ran, mug koel kenginn e mad, mug chubiy fare pagael ngalang. Ke fek e nifeng, me tabab ko chochol, me tabab ko yoer. De’ n’uw napan me sul ngak e galabthir rok.”

siasing/Llecheklel

Jens nge tabinaew

Napan i meybil Brother Jens gubin e rran ni nge thamiy fare Kan ni Thothup, ban’en nib thilthil riy ni ngariy thiliyeg e light bulb nib papay, ma meybil ni nge mang talin rok Got ni nge tawa’ath nag pifak Rok. Jens ma fol ko fare gospel ni nge athapeg ayuw nu tharimy ni gubin e rran, nibe gay rogon ni nge mang yul’yul’, ma be gay rogon ni nge fol ko pithin napan i yib ngak.

Ba’aray reb wo’en rogon ni ayuweg e gidii’ nibe gafgow. Reb e rran tapowi’iy ko ward u Cúcuta stake u Colombia ke un ko fare stake Young Women President ni nge guy l’agruw e ppin nib rugod—nge walagen row nib pum’on—ni yad be gafgow nib gel. De’ nuw napan ke yim’ e chitimangrad, nge nina rorad ke yim’ ta’areb e duw faram. Pi dalip e walagen e kemus ni yigo’ yad ko fare na’un nib chig, radan rorad. Pi rungrung riy e kan toey ko balay e gak’iy nge bag nib plastik, nge fare chig riy e kan yarmiy nib wasaey e kemus nibe rungrung nag e gin nibay e bet rorad riy.

Tomuren e mo’olung roraed, gali tapowiy’ ney ma nang thingar ningar ayuwegnew. U dakean fare ward council, keb e duwgily ni ngan aywegrad. Pi tiyugang ko fapi ward nge stake—Relief Society, elders quorum, Young Men, Young Women—nge tabinaew nib bo’or e kar duwgliy rorad ni ngar ayuweg nag re tabinaw ney.

siasing/Llecheklel

Toy e na’un

siasing/Llecheklel

Toy e na’un

Pi ulung ko fare ward kar rogned ngak pi chongin fare ward nibe muruwel ko construction. Boech kar ayuwegned ko fare fal’eg ya’an, boech kar pii’ed ngiyal’ nge muruwel, yug boech kar lum e ggan, ma yug boech kar pii’ed fa pin’en ni ngan toey nag.

siasing/Llecheklel

Polo’ fare tabinaew

Napan ke mu’ fare na’un nib chig, ke falfalan’ e rran ngak pi’in ni kar ayuwegned nge ni fan ko pi dalip e chongin fare ward. Pi bitir ney ni dariy e galabthir rorad ekar thamiyed fare adag nge bugol ko tabinaw nib ward rorad mar nanged ni gathi yigo yad ma bay Got ngorad gubin ngiyal’. Picha’ ni kar ayuwegned kar thamiyed fare adag rok Somoel ni fan ko re tabinawy ney mar ngongoliyed nib pa’ay Rok nibe ayuweg nag rad.

Gube lemnag ngam falflaen’um ni fan e sasun ningan pinning reb e be’ ninge thapged fare gospel. Bee’ ni ragag nge medlip e duw rok Cleiton nu Cape Verde e de nang ko mang e ra buch ko napan ni un ko seminary class ko ward reb e rran. Machane yafos rok nge pi yafos e gidii’ ke thiliyeg ni bachan.

Cleitin, nibe un e nina nge walagen pum’on rok, kar tawfe gad nga lan fare Galasia kafram, machane ke tal’ ni nge un ko galasia. Ni ke yaen nge seminary e ra ayuweg e tabinaw rok.

Bagyad e gidii’ ko seminary e falfalaen’ mab bugol. Kar ayuwegned Cleiton ni nge thamiy ni ba’ fan mar ninged ngak ni ngan un ko reb o gosgos. Ke un ma ke tabab ni nge un ko pi mo’olung rok ko Galasia. Reb o Bishof nib gonop ke guy ni ba’ Kan Thothup ngak Cleitin, ere ke ning ni nge ayuweg ir. “Chirofen nem i yan nga m’on,” ke yoeg Bishop Cruz, “Cleighton ke mang e sasun ni fan ko yug nii’ nib fel’ yangrad.”

Bin som’on e bee’ ke pinning Cleighton ni nge un ko Galasia e fare nina rok, ma migid e fare walagen nib pagal nib ilal. Ke ga’ nag e mo’olung nib tafagaer rok. Reb ko pi fagar rok e pagael nib chugur e duw rorow, Wilson. Chirofen bin somm’on e mo’olung ko fapi missionaries, ke weliy fan ni ba’adag ni ngan tawfe nag. Pi missionary kar gin’ gow ni bo’or pi n’en Cleiton ni ke weliy ngak Wilson.

siasing/Llecheklel

Pagal nib fel’yangren u Cape Verde

siasing/Llecheklel

Nibe pinging e girdi’ ninge yib ko galasia

siasing/Llecheklel

Ulung ko bugi fel’yanren ni yaed bagel

Muruwel ku Cleiton e dani tal u rom. Ke ayuweg reb o gidii’ ni kar palog ko fare galasia sulweg rad, me weliy fan e gospel ngak pi tafagaer ko reb o taliw rorad. Dabay ke bay 35 gidii’ nib fel’ yangrad, ma bay e program ko seminary nib mangil, ni bachan Cleiton ke adag dakaen, ke pinning be’, me ning ni ngan un. Cleiton nge walag nib ilal, Cléber, e yow be fal’eg rogrow ni ngar pigpig gad.

Tomur, gura pi’ reb e sasun ningan m’ag pa’ay e tabinaew ko manechuboeg. Lydia nu Kharkiv, Ukraine, somm’on e ke fil marunga’agen e temple ko fapi missionary. Mrib papay, ni thamiy Lydia ninge un ko temple, ma tomuren tawfe rok, ke fal’eg rogoy ninge thapeg e temple recommend.

Lydia ke yaen ngak Frieberg Germany Temple ni ngan thapeg re endowment rok me muruwliy boech e duw ni fan ko picha’an kar m’aed ngaram. Tomuren ni kan yibliy nag fare Kyiv Ukraine Temple, Kydia ke yaen nge fare temple yug boech. Ir nge chitingin rok, Anatoly, kar mcagow ngaram ma tabuch kan pinning nagrow ni ngar pigpig gow nib missionary ngaram. Yow kar piriegnew bang ko 15,000 fithingan e likegael rorow mar muruwily gow ni ngar pi’rad pi gam’ing e temple ngorad.

siasing/Llecheklel

L’agruw i mabgol nu Ukrainian ni yow bay ko temple

Napan kan ning marunga’agen pi thamiy ko muruwel e temple, ni ga’ar Lydia, “Mang e kug thapeg ulan fare temple? Kug ngongliy e micheg nib bi’ech ngak Got. Kan gel nag e mich rog. Kug fil rogon ni nggu thapeg e thogthog nu tharimy. Rayog rog nggu ngognoliy fapi m’ag ni fan pi likegag nib mum’. Ma rayog nggu adag dakaen min ayuweg yug nii’.“ Ke tal’ ko re thin ney nib riyul’: “Somoel e ba’adag ninge guy dad ulan fare temple ni bo’or yay.”

Kug falfalan’ ko fare tin nib fel’ ko pi Gidii’en Got ko Tin Tomur e Rran, ni yad be thil e am rorad, ko pi aningeg e fanathin ney. Bo’or mrayog ni ngan fil riy’ ko pi ma’ang’ang’ ni be un ngay pi kengin e gospel nib moem. Gubin ni kar rin’ed e krayog rodad ni amrogon.

Aygi matanang nib moem rogon fare gospel napan gadadma muruwliy gad pin’en kan duwgily ngodad nu tharimy: Ni ngad fol ko gospel rok Yesus Kristusni ngad motoyil ngak Kan Thothup, ni woed ni rin’ Jens nu Denmark. Ni ngad ayuweg pi cha’an nib gafgow, ni woed ni be rin’ pi chongin e Cúcuta stake u Columbia ni ngan toey e na’un ko pi chongin ni dariy labthir rorad. Ni ngad pinning gubin ni ngar thapeged fare gospel, ni woed ni rin’ Cleiton nu nam u Africa ni Cape Verde nibe un ngay pi tafagaer nge tabinaw rok. Ma, ni ngad m’ag nga ta’abang gidii’ nu tabinaw ko manechubog, ni woed ni rin’ Sister Lydia nu Ukraine udakaen e gam’ing ko temple, chepin e tabinaw rok, nge muruwel rok nga langin fare temple.

Aray rogon ma yib e falfalan’ nge gapas. Ko pin’ey ni gu be micheg—nge Yesus Kristus ni’ir e Tathapeg nge Bayul rodad—u dakean fithingan Yesus Kristus, amen.