Michib nag fare Gospel ko Gapas
Bay e muruwel rodad nib thothup ni ngad pii’ed ngak e gidii’ gelngin nge fare gapas ku Yesus Kristus ko pi’inra motoyil ngay.
Pi walageg, kamagargad ni kam bad ko general conference! Ka rug falfalaen’ ko re rran ney ma ri dabkiyag ni nggu son nge mada’ ngay. Gu be meybil nigem ni gubin e rran. Ma kug be meybil nag ni biney e conference e ra par ni bangyal’ ni ngiyal’ ko thothup nra gel nagdad ni gubin.
Napan e bin ba’aray e conference nike thumur, gafgow u daken e fayleng e kube ul’ul’. Fare m’ar nike garar u daken e fayleng e kube ul’ul’ nibe gafgow nag dad. Nge chiney ni ke gel e gafgow ko fayleng ni bachan ba mael nibe yib ko gidii’ nib pag e miri’ay ko pumo’on, nge bpin, nge bitir ndariy e kireb ni kar rrin’ed.
Fapi profet e kar guyed e pi rran ney nra buch rodad, nra yib fapi mael nge mornga’agen e mael ni ga’angin yang u fayleng e ra sug ko balyangan’ ma ra mul gum’ircha’en e gidii’.1 Gadad pi gachalpen Yesus Kristus, ngad wenig niged ngak e pi tiyugang’ ko nam ni ngar gayed rogon ni ngar pire’eg e gapas ko tin nibay rodad nib thil. Gamad be pining e gidii’ ni gubin yang ni ngan meybil nag e pi’in ni ke tu’uf e ayuw rorad, ni ngar rrin’ed e tin nrayag rorad ni ngar pi’ed e ayuw ko biney e gafgow, min ning ayuw ngak Somoel ni nge taleg e biney e kireb nibe gafgow nigey.
Pi walageg, fare gospel rok’ Yesus Kristus e kari gel e tu’uf riy e chiney. Me’eleg thin e rib togan ko urngin ban’en ni ke rrin’ fare Tathapeg ni fan ngodad. Rib tu’uf Somoel Yesus Kristus rog ma ri gube micheg ni karimus ni fare gospel rok’ e kanawo’en e gapas. Gospel rok’ e ir fare gospel ko gapas.2
Gospel rok’ e karimus e fulweg riy napan ni bayi aw e girdi’ nga but’ ko marus.3 Biney e be yip’ fan ni rib ga’ fan fare mulwol rok’ fare Tathapeg ngak fapi gachalpen ni ngar “marod … nga gubin yang u fayleng, ngam machib niged e Thin Ni Bfel’ ngak urngin e girdi’.”4 Bay e muruwel rodad nib thothup ni gadad e ngad pii’ed e gelngin nge gapas rok’ Yesus Kristus ngak gubin e gidii’ nra motoyil me pag ni Got e nge gagiyeg nag e yafos rorad.
Gubin e gidii’ nike mu’ i ngongliy e m’ag ngak Got e ke micheg nra ayuweg e gidii’ me pigpig ko gidii’ nike tu’uf e ayuw rorad. Rayag ni ngad daged e mich ngak Got ma gubin ngiyal’ ni ngam pi’ed e fulweg ko n’en nra fith be’ ngomed “e ren’en ni ir e ke l’agan’med [dad] ngay.”5 Ra bagdad ma bay e muruwel rok’ ni nge rrin’ ni ngan kunuy pi u Isreal.
Daba’ e gube micheg bayay ni Somoel e ke fith gubin e pum’on nib yul’yul’, ni rayog rok’ ni nge fal’eged rogon rad ni ngar pigpig gad ko mission. Pagal ni fel’yangren ni Gidii’en Got ko tin Tomur e Rran, muruwel ko missionary e ka bang ko muruwel ko priesthood. Gimed e pi’in ni fel’yangren ni pagal e kan cha’ariymed ko nigyal’ ney nikan micheg nag nra buch ni ngam kunuyed pi u Isreal ko ngiyal’ ney. Napan ni bay man ko mission rom, ma aram ni gamed be fal’eg kanawo’en e biney ni be buch e chiney!
Fan e fal’yangren ni bpin nge tin nrayag ni nge un, mission e ba gel buguwan, machane i gur rom, e ngam duguliy. Btu’uf romad e missionary ni pi’in ni bpin ma gamad be piningrad ni ngar uned ko biney e muruwel. N’en ni gabe pii’ ko biney e muruwel e rib mangil! Meybil ni ngam nang ko ba’adag Somoel ni ngam pigpig ko mission, ma ra thogthog nag fare Kan ni Thothup ngom u gum’ircha’em nge lan’in’um.
Gamed e tafagar ni fel’yangren, gamed gubin nib ga’ fanmed ko fare muruwel rok’ Somoel. Ke cha’ariy med ke mada’ ko ngiyal’ ney ni ngam pii’ed e ayuw ni ngan kunuyed pi u Isreal. Gur rom ni ngam dugliy ni ngam man ko mission, fa ngam pii’ed e ayuw fa pigpig ko mission, e ra tawa’ath nigem nge ku boch e gidii’. Ma ka gamad be pining e pi mabgol ni plubithir ni ngar pigpig gad ni fa’an nrayag rorad. Gelngin e muruwel rorad e ri dabiyag ni ngan nin’ luwan.
Gubin e tamichib ni nge michib nag me micheg nib riyul’ fare Tathapeg. Bachan fare lumor nibe yib nga fayleng nib thothup aram ni kari gel ni ke tu’uf fare tamilang rok’ Yesus Kristus e chiney. Gubin e gidii’ e bay mat’won ni thingari nang mornga’agen fare gospel rok’ Yesus Kristus nikan fulweg yarmen. Gubin e gidii’ e btu’uf ni nge nang e ggin nrayag ni nge pire’eg fare gapas riy nima “[chuchugur] ni nge nang e girdi’ fan.”6
Gi par e biney e conference ni bangiyal’ nib gapas ni bangiyal’ ni fan e ngiyal’ ko durwo’ ko tin nib thothup. Yag ngom ma ga thapeg e tin yi’iy ni fan ngom ko nigyal’ ko biney e mo’olung, gube meybil nag e pin’ey nib thothup u daken fithingan Yesus Kristus, amen.