Amthungunmad ko Gubin

Pi rran u’mon ke pii’ yafos ni fan ngodad, Yesus Kristus ni bay ko fare temple u Jerusalem, me guy pi’in nibe pii’ salpiy rorad ngak tafen a machaf ko temple. “Ma bo’or e pi’in pire’ salpiyan ni be yin’ e salpiy ngay ni pire’,” machane, aram i yib e ppin ni ke yim’ figirngin rok, “me yib i yin’ l’agruw chi kobre’ nrow nib achig.” Ke chig pulwon riy, ma dani t’uf ni ngan yoloey marunga’agen.

siasing/Llecheklel

E ppin ni ke yim’ figirngin rok ba pii’ l’agruw chi kobre’ nib achig.

Machane re pii’ salpiy nib achig pulwon ney ke ga’fan u waen’ Somoel. Ere, ke gin’ Ir mrib gel ni ”Me pining Jesus pi gachalpen ngarbad ngak, me ga’ar ngorad, Nggog ngomed, nre pin ney nib gafgow ya ke yim’ firgirngin e ir e bo’or e salpiy nike yin’ ko tin ke yin’ urngin e girdi’:

“Ya yad e kar pi’ed e salpiy ni kar faked ko salpiy ni bay rorad ni pire’; mi ir e aram feni gafgow ma ke pi’ urngin e chi salpiy ni bay rok, ni ir e nge abich riy.”¹

Ko tinney ni gu’, fare Tathapeg e ke fil ngodad u ragon e pulwon e miligach nga lan gil’ilingun Rok—ma i’ir rib thil ko rogon ni gadadma tay pulwon’ ngak pin’en. Ngak Somoel, pulwon fare miligach e thi’eg gathi udakaen fare tin ni kan rin ko tafen e machaf machane nrogon ni ke rin ko fare gum’ircha’ey ko picha’an ni ke pii’.

Napan Ke oge magaer ngak fare ppin, en Somoel ke dag e wok rodad ni nge yog ni ngad thi’eg rogon e gachalpen rodad. Yesus ke fil ni miligach rodad mayi yib nib ga’ fa b’chig, machane dem turug, ngaiy mang yul’yul’ mab urngin

Kenginn e ren’ey ni bay ko fapi thin ko fare profet lan e Babyor ku Mormon ni Ameleki: ”baed ngakʼ Kristus, niʼir Fachaʼ nib Thothup ku Israel, ni nge yog ni ngam thap gaed, me yog ngomed fare gelingin e bayul rokʼ. Arragon, mired ngakʼ, ngam piiʼed gimed ni poloʼ nib maligach ngakʼ.”²

Machane ba uragon e biney? Oran i gadad, re motochiyel ney ni ngan pii’dad ni polo’ e wod nib momawʼ rogon. Kay gi yoʼor e muruwel ni bay rodad. Ke uragon ni rayog ni ngan muruwliy fapi muruwel ni bay rodad min pii’dad ni polo’ ngak Somoel?

Sana re magowan rodad e re lem ni thingarda k’ii fare ngiyal’ rodad u fithik bo’or ban’en nib t’ab rogon. Ra ngan sap ngay ni arrogon, fare michaen’ rodad ngak Yesus Kristus e reb e ban’en ni ngad un ko yug urngin e ban’en nib muruwel rodad. Machane bay rebo rogon ni ngan lemnag ngay.

Figirngig, Harriet, nge Gag e ri gamow baʼadag e yaen u rhat u taʼabang. Ni’ir e rogon nib fel’ ni ngan exercise nag nge fafal gow. Napan gamow ma yaen ko rhat romow, nge gag e gathi magaf, gu ba’adag gow re fayleng u bang mow mug non gow marunga’agen. De t’uf ni ngug sap gow ni ngu thabthabel nga dakaen pi rhat romow. Kug warow nga pi rhat romow nib yo’or ni de t’uf ni ngad lemniged ngay—ya ke mang bang romow me ke mom ngomow.

Machane napan gube sap ngak bee’ nibe gay rogon e yaen u raat ko som’on, ke sulaen’ug ni’ir mom’aw ni ngan thab’thabel ko pi l’agruw e taya riy. B’tuf e ngiyal’ ngay. B’tuf e practice ngay. B’tuf e gum’aen’ ngay. Ma b’tuf ni ngan aw nga but taʼabiyay fa lʼagruw yay.

Nʼen ni thʼabi gaʼfan riy e, picha’an nibe thab’thabel nib fel’ ko raat e yad manang e pinʼey:

Dam sap nga tuguni aem.

Mu sap nga m’on.

Mu sap ko kanawo’ ni bay nga m’on rom. Mu tiyan’um ko gin ni gabe soer ngay. Ma dam tal ko pedal nag. Thab’thabel e b’tuf ni ngan maen i yaen.

Woed rogon e kenginn e thab’thabel rodad ni gadad e gachalpen Yesus Kristus. Ni ngan pii’ ngiyal’ nge muruwel rom ngak ban’en ngo ban’en e ra yaen nib thil rogon bee’ ko bee’ nge ngiyal’ ko ngiyal’. Machane re muruwel ga’fan, ni ngan lek Kanawo’en Masta, Yesus Kristus, ma gadad sul ngak Chitimangdad nu Tharimy nib t’uf rodad. Re fan ney e ngariy tay nib som’on nge yul’yul’, dem turug ni gadad minii’ nge mang e be rin nga lan e yafos rodad.³

Ere, ko picha’an nibe yaen ko rhat, ta’areb nag e rhat ko rogon e gachalpen e ta’areb nag nib fel rogon. Ko picha’an ni danga’, dam murus nag. Ke bay reb e fanathin ni gu manang ni gubin e pum’on, ppin, nge bitir e ra nang fan.

Rogon e gachalpen, wod gubin banʼen ko yafos, mrayog ni ngan ta’areb nag ko changag nag e sikuki.

Kam tal min lemnag ko riy gin’ ni rayog e sikuki ni ngan th’ab e nif’eng nge digey fare but’ nga lang? Mange ban’en nibe fek nga lang fare sikuki u fithik e nifeng, nga lang ko pi maday nge nam?

Rib moem riy, e sikuki mrayog i yaen nga lang kemus napan e nefeng ma yaen nga lan ko pi poen riy. Ireray fa ban’en nra thiliyeg fare nifeng nge fek nga lang fare sikuki. Ma ke uragon nra yoeg fare nifeng ngalang ko pi wing min fal’eg nga lang? Fulweg riy e gelingin nga lang.

Fare sikuki e dani yaen nga lang tal’eg nga dakaen e runway. Ma napan e nifeng, fa’anre dani yaen nga m’on, fare sikuki e dani yaen nga lang min gel nag fa pin’en nibe gagiyeg nag.

Boed rogon e yaen nga m’on ra ayuweg e rhat ni nge sak’iy nga lang, yaen nga m’on ra ayuweg e sikuki gel nag pin’en ni gravity nge girngiy.

Mang e be yup fan rodad nib gachalpen Yesus Kristus? Be yup fan ni fa’anre gadad ba’adag nggu thab’thabel nagdad e yafos rodad, ma fa’anre gadad ba’adag Somoel ni nge chibiy dad nga lang, fare michaen’dad ngak Ir nge gospel Rok e de yoeg ni nge lich nag. Boed fare ppin ni darni figirngin u Jerusalem, thingarda pii’dad ya’el rodad ni gubin ngak. Miligach rodad e sana ba’chig, machane thingar ri yib ko gum’ircha’ey nge ya’el rodad.

Mang e gachalpen Yesus Kristus e reb o ban’en ni thingarda rin’. Fare Somoel e bin ga’ gelingin ni ba kogubin fa pin’en ni gadad be rin’ed ngay. Ir e gathi bang ko milikag, ya I’ir fare gin ni gadadma soer gad ngay. Ir e gathiy burey nib fel’ ya’an fa tafen ni sap gad ngay ko ban’en. I’ir “e kanawo’, me Ir e tin riyul’, me Ir e yafos; dariy be’ nrayag ni nge yan ngak e en ni Chitamangiy, ya kemus ni [Yesus Kristus] e ra yan rog ngak.”⁴ Irreray kanawo’en nge milekag rodad ni th’abi gaa’fan.

Thab’thabel nge yaen nga lang ra yib napan gadadma “pii’ed iyaen nga m’on u fithik’ e yul’yul’ romed ngak’ Kristus, nibmachalbog laniyaen’med ko athap, nge t’ufeg rok’ Got ngak’ gubin e gidii’.”⁵

Ma ke uragon fa pin’en nibe suguy e muruwel nge yafos rodad? Ngiyal’ rok picha’an nib t’uf rodad, ngiyal ko skul fa t’aer medliy ko muruwel, salipiy, matanang tabinaw, pig’pig’ nag pi am rodad—ngan e nge taw urngin ngay? Ke micheg nag fare Tathapag ngodad:

”Ya Chitamangmed nu tharmiy e manang nib tʼuf romed gubin e pinnʼey.

”Ere ngam gayed ko sommʼon gilʼilungun Got nge gubin matʼawon, ma gubin e pinnʼey e bay ni piiʼ ngomed.”⁶

Machane dar yip fan ni’ir rib moem.⁷ L’agruw nib tu’uf ngay ko miligach nge thothup nag.

B’tuf ni ngan yin’ nga waen boech ban’en ma ga’ nag yug boech ban’en.

Miligach nge yibliy e l’agruw e motochiyel nu tharmiy ni gadadma micheged ni ngad fol gad riy ko temple nib thothup. Pi l’agruw e motochiyel ney e t’ab rogon boech, machane be thil boech. E miligach e ngan pag ban’en nga yaen ni ngan thapeg reb e n’en nib fla’ab. Nu kakrom, pi gidii’en Got kar miligach nag bin som’on e saaf rorad ni ngar liyor gad ko fare Messiah nra yib. Mada’ ko chiney, pi Gidii’en Got kar miligach niged fa pin’en ni kar adaged dakaen, pin’en nib murnguy, nge pi yafos rorad ni fan ko en Tathapegdad.

Gadad gubin ni ba’ tin nib ga’ fa ba’chig ni thingarda miligach gad ni ngad fol gad ku Yesus Kristus nib manechubog.⁸ Pi miligach rodad me dag fa pin’en nib tolang pulwon rodad. Pi miligach rodad e thothup ma Somoel ra liyor nag.⁹

Yibliy e ba thil rogon ko miligach ni t’areb rogon nib ga’ fan. Napan gadad ma yibliy nag ban’en, dabda digey nag ni ngan abich nga dakaen e alter. Ere, gadadma ngongoliy fa ban’en ko fare muruwel rok Somoel. Gadad ma m’ag e ren’em ngak Ir nge pi fan Rok nib thothup.¹⁰ Gadadma athapeg pin’en nib cheag rodad riy rok Somoel min ga’ nag riy, bo’or rogon, ni ngan ayuweg fare toey e gil’il’ingun Somoel.¹¹

Buchuw nib buchuw rodad e ran ning ni ngad miligach e yafos rodad ni fan Somoel. Machane gadad gubin e kan ning ni ngad yibliy e yafos rodad ni Fan.

Napan gadad ma gay rogon ni ngad bi’ech nag e yafos rodad min sap ngak Kristus ko gubin e lem rodad,12 ra mon’og gubin e yafos rodad. Yafos rodad e de t’uf ni ngan thamiy ni’ir e babyor nib tolang mab mom’aw ni ngan ngongliy gubin e thab’thabel riy.

Bayil’ ngo bayil’, mra ta’reb nag.

Ta’reb e falfalan’.

Ta’reb fan nib thothup.

Ni’ir fare muruwel ni ngan t’ufeg min pig’pig ngak Got. Ni’ir e ngan t’ufeg min pigpig ngak pi fak Got.¹³

Napan gadad ma sap ko yafos rodad min guy biyu’ nge biyu’ e pin’en thingardad ngongoliyed, be kirebaen’ dad. Napan gadad me guy ta’areb e n’en—adag min pig’pig nag Got nge pifak Rok, u biyuw ngo biyuw rogon—amrogon nrayog ni ngad tiyun’dad ko tin nib felan’ug.

Ireray rogon ni gadad ma pii’ e ya’el rodad—ni ngan miligach nag fa pin’en nibe talegdad min yibliy ni gubin ngak Somoel nge pi fan Rok.

Pi walegeg nge pi tafagar rog, ni bay e ngiyal napan ga ba adag rin boech. Chitimangdad nu Tharimiy Ir ma nang e gum’ircha’em. Ir ma nang ni de yoeg ni ngam mugu’uliy urngin e athapeg ko gum’ircha’um. Machane rayog rom ni ngam t’ufeg pa ga pigpig ngak Got. Rayog rom ni ngam fol motochiey Rok. Rayag ni ngam t’ufeg ma ga pigpig ngak pi fak. Ma pi muruwel rom ra bi’ech nag e gumircha’ min fal’eg rogom ni fan fa pin’en nra yib nib fel’.

Ireray fa pin’en ni re ppin’ ni dariy figirngiy ke nang fan rok u lan fare temple. Riyul’ ke nang ni fare miligach rok e dabra thiliyeg fare fla’ab ku Israel, machane rayog ni nge thiliyeg ir—bachane, ya chig riy’, ke gubin rok’.

Ere, pi fagaer rog ni gachalpen Yesus Kristus, dab da ”magaf ko murwel nib fel, ya [gadad] be toey fare dayif ko muruwel nib mangil.” Ma u wuru’ ko tin nib achig, ma yib ”tin nib ga.”¹⁴

Gube micheg nibe riyul’ e ren’ey, woed rogon ni gube micheg ni Yesus Kristus i’ir e Masta, Tabayul rodad, ni karimus ni ir ni bay nge kemus Kanawo’en ngan sul ngak e Chitamangdad nibay u Tharmiy ni gadad bt’uf rok’. U dakean fithngan Yesus Kristus nib thothup, amen.