General Conference
Machane Dag Motoyil Gaed Ngoraed
April 2022 General Conference


Machane Dag Motoyil Gaed Ngoraed

(1 Nephi 8:33)

Fapi mʼag nge gam’ing e ma yip’ nagdad nge puguran nag dad nga e m’ag rodad ngak Somoel Yesus Kristus napan ni ngad mon’og udakaen e kanawo’ ko m’ag.

Le’engig, Susan, dalip e fakmow nge pi le’engiy rorad, gubin e bitir ko bitir romow, nge Elder Quentin L. Cook, e walageg ulan fare Ulung ko Ragag nge L’agruwi chuchugur ko 15 e duw, gubin rad ma yoeged dab gu chag ko yon’ e pi tang. Machane dariy fan ko kireb e chag rokʼ ko yon’, gu ba’adag ni guma yon’ fapi tang ko fare Sulyarmen. Fare ulung ko pi thin nib thothup nge tang nib mangil be fil ngog e pi’nen nib ga’fan nge sadaa’daa’ ya’el rog.

Ta’areb e tang ni ke yibliy nag e yafos rog u rogon nib fel’ ir e “Let Us All Press On.” De’ n’uw nap’an, ni kug leam nag nge fil marunga’agen boech e pi thin ufithik e tang ney. “Dag motoyil gaed ngoraed ko pin’en ni be yog e gidii’nib kireb, ya kemus ni Somoel e gadadra motoyil ngak.”1

Dag motoyil gad ngorad

Napan gube yon’ “Let Us All Press On,” gube lemnag marunga’agen e gidii’ u lan e lik’ay rok’ Lehi ni kar be nomeg ni gomanga yigi yog nga fare gak’iy ko yafos ni dabda kemus “koel gad”2 machane “ngar koeled taban fare layi wasey, mar miliyed yaed nga mʼon ni yaed be chechʼey paʼraed ko fare layi wasey, nge madaʼ ko ngiyalʼ ni karbaed ngar awgaed nga butʼ mar kayed waʼamngin fare ke gakʼiy.”3 Lehi ke weliy e ulungi gidii’ ulan fare na’un ni rib gaa’ nib gaa’ ma yip’ “pa’raed [ngak’] fa pi’in … kay fare wa’amngin.”4 Fulweg rok’ ko fapi thin nib mak’arang e rib fel’: “Machane dag motoyil gaed ngoraed.”5

Gube meybil nra yib fare Kan ni Thothup nge yibliy nagdad nge machib nagdaed napan ni ngad lemniged ko urogon ni ngad gelnagdad ma “dag motoyil” e tin kireb nge lamrad ko feylang niba moning gaed.

Dag Motoyil

Thin ney motoyil bayip’ fan ni ngam sap ngak e bee’ fa ba’nen. Ere, pi thin ko fare tan “Let Us All Press On” be gel nagdad nima mel’eged ma dabda sapgad “ngorad nib kireb.” Nge Lehi nge gidii’ ni kar pared ngak ni kayed wa’amngin fare ke gak’iy ma pii’ e susun nib gel ko dabda sapgad ko pi moning nge damomouw ni ra yib nib yo’or u fare na’un ni rib gaa’ nib gaa’.

Fapi machib rok Kristus ma yoloy “Kan Nthothup rok Got ni be par nib fos … ya ni yoloy nga lan e [gum’ircha’dad]”6 ma gelnag e rogon rodad, ni ngad “dag motoyil” bo’or e pi’nen be fek e tafney, thin kireb, nge pi thilyeg e tafney ulan e feylang nib mul rodad. Susen ney, mich nib riyul’ e kan tay nga dakaen nge ulangin Somoel ni Yesus Kristus ma pii’ e gel ko ya’el rodad. Mich ngak fare Tabiyul e ir kenginn e ngongol nge gelngin. Napan ni ngad ngongoliy e tin riyul’ ko michib Rok’, rangad thapeged e yibliy ni ngad athamgil ufithik’ e magawon ko yafos napan ni ngad sapgad u pi’nen nib falfalaen’ e Tathapeg ma pii’ ngodad. Riyul’, “F’anre ngad rin’ed tin riyul’ dabda murus, ya taayuw rodad ni Somoel ra paer rodad.”7

M’ag nifan Ngom udakaen e pi Gam’ing

Fek e pi gam’ing nib thothup nge bafel’ ma thapeg e gam’ing ko priesthood m’ag nagdad ngak fare Somoel Yesus Kristus nge Chitamaniy nu Tharmiy.8 Bayip’ fan thingarda pagaen’ ngak fare Somoel ma non ni pa’dad9 nge Ta’ayuw10 nge bat’uf e ngongol, murunguy, nge wurengaen’ Rok’11 ufithik’ e milekag ko yafos. Napan ni ngad athamgil ni mired ngak’ Kristus nge m’ag nagdad Ngak’, Gadad ma thapeg e yibily nima be’ech nag, golang, nge gelnag ko fare Bayul’ Rok ni dariy tungun mab manechubog.12

Ma rin’ nge ba’adag e fapi micheg ma sunmiy e pethpeth ngak fare Someol nib ga’ nifan ngom nge be gelnag ko ya’el. Napan ni ngad fol e motochiyl ko pi micheg nge gam’ing nib thothup, buchuw nge buchuw ni ngad yib chuchugur Ngak’13 nge thamiyed e ayuw ko e thothup nge yafos Rok’ ulan e yafos rodad. Yesus ra mang uw fini yo’or boech ko e bee’ ulan e pi ya’at u fapi babyor; susun nge machib Rok’ ra thilyeg gubin e pin’en ni ba’adag, tafney, nge ngongol rodad.

Be riyul’ dabiyog ni niggu weliy nib manechubog e rogon nge gelingin ko e m’ag ko micheg rodad ngak’ e facha’ ni Fak Got nib faskoyam’ nibe fos. Gub pii’ e mich rog ni fare m’ag Ngak’ nge Chitamangiy nu Tharmiy e ba riyul’ nge nib th’abi ga’ e rogon nibay e athamgil, gapas, falfalaen’, nge fare gelgin ko ya’el nira pii’ rogon ngodad ma “Dabda rus gad ko pi to’ogor.”14 Gadad e pi gachelpin rok’ Yesus Kristus ni be fal’eged e pi micheg nge folgad e pi micheg, ra ngad thapeged e “athamgil, Somoel ra pii’ gelingin ngodad”15 nge dabi dapgad ngak e tin nib kireb nge pi moning ko bee’.

Napan ni nggu mada’ e pi chongin ko fare Galasia ulongab e feylang, bo’or e yay kug fith e duwer ney ngorad: mang e pine’n niba ayuwegem ni ngam “dag motoyil” e tin ko feylang, nonnon, nge pi moning? Pi fulweg rorad be ayuweg nib ga’.

Pi chongin nib fel’ ma weliy nib thabi ga’ ni ma pinning e gelingin fare Kan ni Thothup ulan a yafos rorad udakaen e bi’eg ko fapi chep nib thothup, meybil, nge ta’ermadliy nib fel’ rogon umon ni ngar thapeged fare gam’ing ko fare sakrament. Nge kar yoeged bo’or ni bt’uf e ayuw ko tin thothup rok’ e pi chongin ko tabinaew nge fagar nib fel’, nib ga’ e pi ganop ra ngam fil napan e pigpig ulan e Galasia rok’ Somoel nike sulyarmen, nge e rogon ni ngam nang e bilig ko demtrug e pi’nen ulan fa ma yib ko fare na’un ni rib gaa’ nib gaa’.

Kug sap bay e pi’nen nib boed rogon ko pi fulweg rorad nib ga’ fan. Bin somm’on, gali gachalpen ney bay e mich rorad nib gel marunga’agen e wo’en e falfalaen’ rok’ Chitamangiy nu Tharmiy nge muruwel ku Yesus Kristus ni Tabayul nge Tathapeg rodad. Nge bin migid, gonop ko tin nib thothup nge mich rorad e yad rorad, kemus yigo yad e yad manag; ni rib mudugil; ma dani yiram fa ba yal’uw. Kug rung’an gali cha’ney kar weliy’ed fapi micheg ke pii’ e gelingen ni ngar gelnag e togopluw nge m’ag rok’ Somoel nima fos be ayuw rad ufithik e ngiyal’ nib mangil nge kireb. Nifan ngorad, Yesus Kristus ir e Tathapeg nifan yigo rad.

siasing/Llecheklel
Ba compass

Fapi micheg nge gam’ing ko gospel be muruwel’ u yafos rodad woed rogon e compass. E compass ir a talin nima yip’ nga lelu’och, yimuch, ngek, nge ngael nima pii’ e kanawo’ ko gin ni ngar milekag gaed iyaen ngay. Woed rogon, pi micheg nge gam’ing rodad ma yip’ nagdad nge puguran nag dad nga e m’ag rodad ngak Somoel Yesus Kristus napan ni ngad mon’og udakaen e kanawo’ ko m’ag.

siasing/Llecheklel
Fare Kristus

Rib ga’ ulan e yafos rodad ni ngad milekag gaed iyean ngak ngemang machalbog u Kristus.16 Pi micheg nge gam’ing nib thothup ma ayuwegdad ni ngad lemnag maurnga’agen e Tathapeg nge guy rogon, ko e murunguy rok’,17 ni ngad manged boed Ir. Ya fini riyul’, “dabi sap e [gelingin] min ayuweg tin nib riyul’.”18

Chech’eyed Pa’ ngak e Lay i Wasey

M’ag ko micheg rodad ngak Got nge Yesus Kristus ir e rogon rangad thapeged e rogon nge gel rodad ni ngad “dag motoyil.” Nge e m’ag ney ra galnag napan ni ngad ul’ul’ ma chech’eyed pa’ ngak e lay i wasey. Machane woed nike fith gali walagen Nephi, Mang e be yip’ fan fare lay i wasey ni fa’an ni guy e chitamangdaed … ?

“Nge [Nephi] keyog ngoraed ni ireram fare thin rokʼ Got; ma piʼin ra motoyil ko thin rokʼ Got, mar chechʼeyed paʼaraed, riye dabra mʼaed; ma ku dabiyog ni nge yib e pi lumel nge sabaenbaen rokʼ moʼoniyanʼ i maʼew nagraed, me wawliyraed iyaen ko gafgow.”19

Wenig mu nang e rogon ni ngam gelnag e pi lumel nge sabaenbaen rok’ mo’oniyan’ e ra pii’ ngak e pi’in nima “chech’eyed pa’ riy’” nge gathi kemus “koel” ngak e thin rok’ Got.

Nib mangil ni, fare Apostle John ke weliy ni Yesus Kristus i ir Thin.20

“Dawori sunumeg Got e fayleng ma bay fare Thin; ma re Thin nem e immoy rok Got, ma fare Thin e ir Got. …

“Ni pa’ e sunumiy Got urngin ban’en ngay; dariy ban’en ni sunumiy Got nde un ngak ngar sunumiyew. …

“Re Thin nem e yib i ngal’ nib girdi’ nge yib i par ngodad (kad guyed fel’ngin nge feni gol nge feni yul’yul’, ireray fel’ngin ni pi’ e Chitamngin,) ya kari maagirag rok.”21

Ere, reb i fithingan Yesus Kristus e “Fare Thin.”22

Ku reb, fare bin meruk e kenggin ko mich ma weliy, “Ba mich u wanʼmad ni Bible ni kan pilyeg ni ba matʼaw e thin rokʼ Got; ma kub mich u wanʼmad ni Babiyor ku Mormon e be thin rokʼ Got.”23

Ere, pi michib rokʼ Somoel, nikan yoloy ngalan fapi chep nib thothup, kureb e “fare thin.”

Gube weliy ni chech’eyed pa’ riy ngak fare thin rok’ Got bayip’ fan (1) puguran, liyor, nge gelnag e m’ag rom ngak fare Tathpeg nge Chitimangen udakaen fapi micheg nge gam’ing ko e gospel ni ke sulyarmen, nge (2) ufithik e meybil, ni ba’adag, nge rrin’ bo’or yay ma use nag fapi babyor nib thothup nge pi machib rorad fapi profet nib fas nge pi apostle ni yad e tafen ko tin nib riyul’. Napan ni ngad m’ag nge “Chech’eyed pa’med riy” ngak Somoel nge thilyegdad napan ngam fasgad ko pi machib Rok’,24 Gube micheg ni yigo dad nge uta’abang ni ngad thapeged e to’owath ni ngad “sakiy nga lang u tafen nib thothup, nge dab chuw.”25 Fa’an mpired ni gadad ba peth ngak Kristus, i Ir ra paer ni nge peth ngodad.26 Riyul’, “U ngiyal’ momaw ra tolul gidii’ rok’ min ayuweg tin nib riyul’.”27

Michuwaen’uy

Maen nga mm’on Chech’eyed pa’ riy Dag motoyil

Gube micheg e fol ko pi mʼag nge gam’ing rokʼ Somoel ko gospel nib sulyarmen ma pii’ ngodad e rogon ni athamgil ufithik e muruwel’ rok’ Somoel, chech’eyed pa’ riy ngak ni ir fare Thin ku Got, nge dag motoyil fapi thin nib fel’ rok Mo’onyan’. U fare mael nifan e tin nib mat’aw, gub athap ni ngad fek e sayden, ara “fare sayden nib ga’ ko tin nib riyul’.”28 udakaen e fithingan nib thothup ni fare Somoel Yesus Kristus, amen.