Dam mu Rus: Kemus ni nge Michan’um!

Gura non e dab’ ni fan ngak e pi fal’yangren ko Galasia, biney e fan ngak e gidii’ ni wod yangren President Russell M. Nelson nge mada’ ko tin bitir e gidii’. Gathi ri guma weliy ya’an ban’en, machane yaney e ri dabiyag ni nggu digey ni dabgu weliy e biney.

siasing/Llecheklel

Babyor rok Marin Arnold

Biney e cri de couer e ke yib ko buchi tir ni meruk e duw rok’ ni fithingan e Marin Arnold. Bay gu pilyeg e thin riy ya ke yoloy ni thin nu Egyptian:

Ere, Marin, numon rog e yaney e ri dabi karang e chachalban ngom. Machane napan ni gara yol ngak e bishof rom ni gabe nonnon, rib ga’ fan ni ngam mog ngak ni fithingag e “Kearon. Elder Patrick Kearon.”

Ke chuchugur ke gaman l’agruw e duw ngay nike garar e biney e m’ar ni wod fapi m’ar ni garar u daken e fayleng ni bay mornga’agen ulan e bible, aram rogon ni biney e m’ar e ke gafgow nigey ni dan kiyag ningan mukun nga ta’abang, machane dani fek e kireb ngodad, ni wod e cham, fa ngongol ndani fel’ ko tin ni mornga’agen e am—ko nam fa bo’or e nam. Gathi kemus rogon aray, ya kabay e yalen ni yibe gafgow riy nge gidii’ ndawri yag ni ngar suled nga ta’abang, ni kabay e tin ba’aray e gafgow nib mu’un u fithik’ ni wod e gafgow ko nam nge mada’ ko nam ndar fel’ thilinrad nge yan nge mada’ ko gidii’ ni dani ta’areb tolngin.

Pi rran ney nib momaw’ mab sug ko lumor e ribe gel nag e kirbaen’ ngak e fal’yangren rodad, ni iraray e pi cha’an ni yad be sap nga mm’on ko tin ni bay i buch ngalan e yafos rodad. Wod ni yima yog ni “gelngin e fal’yangren e arram gelngin e fla’ab ko fayleng ni ga’angin. Fapi … fal’yangren … e yad owchendad … ko tin nga mm’on ban’en.”² Wod ni, fapi bitir rodad e bay ntay fare Galasia ngalan paa’ rad ni ngar ayuweged.

Tafney nag e pi n’en nibe buchbuch u fayleng, gube nangfan ni fapi fal’yangren e yad be thamiy ni dabiyag rorad ni ngar feked nga dakenrad e biney e liw. Dr. Laurie Santos, ba professor u Yale University, ni tunguy fithingan ba klass ni Psychology nge Yafos nib Fel’. “Bin somm’on e duw nni pi’ fare klass, ma gonap’an [ta’areb e-quarter] ko fare [ga’angin yang] ko bitir nib undergraduate e un ko fare klass.”³ Ppag 64 million e gidii’ ni motoyil ko radio rok’. Yoloy mornga’agen e biney ni buch, bay bee’ ni gidii’en e ta yol ni yog ni rib gel e kirbaen riy nibe, guy e pi bitir ney —nge labithir—ni yad be “sapnag ban’en ni ke yan nga bang” fa, ke gel e kireb riy, yad be sap nag ban’en ni dariy rorad.⁴

Numon rog e daba’ ngak e fal’yangren, nge galabithir nge gimed e gidii’ ni gamed ma powi’iyrad, mu gay e falfalaen’ rom ko tin ni kan mu’ i pii’ ngodad nike yib rok’ facha’ ko fapi tawa’ath ni th’abi mangil.⁵ Ireray e ngiyal’ riy nibe fith e gidii’ nu fayleng e tin ni ri ba’adag gum’ircha’enrad, thingarda fulwegned e biney ko fare “thin ni bfel’“⁶ ko gospel rok’ Yesus Kristus. Fare Galasia ku Yesus Kristus ni Fan ko Gidiiʼen Got ko Tin Tomur e Rran, ni bay fapi muruwel nge mulwol rok’ fare Tathapeg riy nifan e fayelng, e bay e tin nib manechubog riy nrayag ni ngan pire’eg e tin nib mangil riy min rrin’ e tin nib mangil ko ngiyal’ ni rib ga’fan.

President Russell M. Nelson e ke yog ni biney e mfen ko fal’yangren e bay gelnginrad “ni ngar fal’agned bo’or ban’en [nib mangil] u fayleng ko tin nike mu’ i thumur e mfen.”⁷ Gadad, ko urngin mit e gidii’, e susun ni ngad “munʼ[ed] tangin e falfalaenʼ u dakean e bayul,”⁸ machane biney e fanow e gur e ngam—“fanow,” nigem—ni mit ney e fanow e gur rom ni ngam palog nigem ko ngongol nde fel’ nra fekem nga orel ko fare falfalaen’ ko thapeg nib manechubog.

Demuturug rogon ni gadad be gay rogon ni ngad “pired u barba’ fare kanawo’ nib fel’,”⁹ ri bay bee’ ni gara pire’eg bochi yay ni kemus ni yigo tin nde fel’ e m’uth owchen ngay. Gur ma ga manang ere bugithin ney: “Ma tabab e kireb ni buchu’uw u mm’on ni ngari gel e kireb ko fare n’em.” Rib kireb e biney nran pag nge buch! Arrogon, boch i ngiyal’ ma gadad ba’adag ni ngad mil gad ko gin ni gadad bay riy, machane susun ni dabda milgad rodad—gadad pi fak Got nib fos ni gadad btu’uf rok’, e bay ni gubin ngiyal’ nra n’agfan rorad, ma dariy bi’id, nra pagtilindad. I gur e bin th’abi ga’fan nifen. I gur e bitir rok’, nike pii’ ngom fapi profet make micheg nag, fapi tawa’ath nge pi yi’iy nib thothup, ma’ang’ang nge mulwol, nge fapi angel ni bay u l’agruw raba’ fare veil.¹⁰

Ma ki pii’ ngom e galasia ni nge gel nag e tabinaew ni nge m’agmed u ta’abang ni manemus. Ke pii’ ni bo’or fapi ward nge fapi brach nib pag 31,000 nima mukun e gidii’ riy, nge tang gad, ma yad ba balay nag e abich rorad, ma yad ma meybil ni fan ngorad ma yad be ayuweg e gidi’ nibe gafgow. Ireray e ggin ni yibe turuguy fithingan urngin e gidii’ riy, ni yibe ayuwegrad, ma yibe michib ngorad ni fapi tafagar nge gubuliyiror e yad be pigpig ngorad ko rogon fapi muruwel rorad ko muruwel ko clerk nge mada ko ayuweg e galasia. Fal’yangren—nge gidii’ ni palibthir—nibe pigpig ko fapi mission ni pag e bbiyu’ i yad be pii’ pilwon e birorad e mission ni gathi yad e yad be dugliy e ggin ni ngar ranod ngay ko muruwel, nge gidii’en chonggn e galasia ko tin nib fel’yangren nge mada’ ko pulubithir ni yad be yaen nga temple ngar rrin’ed fapi gam’ing ni nge m’ag e tabinaew nga ta’abang ni manemus—ban’en ni yibe rrin’ ni rib gel e fel’ riy ko biney e fayleng nibe dar u but’ ni karimus ni u roy era buch e tiney riy. Tiney e kemus buchu’uw fan ni gadad ma “fulweg ko n’en nra fith be’ ngomed ni ngam weliyed u murung’agen e ren’en ni ir e ke [l’agan’med] ngay.”¹¹

Machane riyul’, ko tiney e rran, bo’or ban’en nib momaw’ nibe yib ngak fapi gachalpen Yesus Kristus. Pi tiyugang’ ko biney e Galasia, e yad be pii’ e yafos rorad ni yad be gay e gagiyeg rok’ Somoel ko rogon ni ngan rrin’ e pin’ey nib momaw’. Fa’anra bay boch e gidii’ ni dani fel’ rogon ni buch rok’, ma sana wod rogon ni yog Yesus ni ngar feked biyang ko fare kuruth rok ngar leked.¹² Rib riyul’ e biney ni bachan e Got e micheg ni bay boch e rran nib gel e lumor riy nge momaw’ riy, ni wod ni bay u fithik’ bangi manileng nge nifiy nib k’iy ngalang, pi profet ni powi’iyey, farengi wasey ko iron rod, bing fare garog ko fare pi’ i kanawo’ nib wi’in’in, ma u fithik’ urngin e pi n’ey ni pii’ ngodad gelingindad ni ngad mu’ niged e biney e milekag riy.¹³

Ere wenig ngom, mu chichi’iy pa’am nri damu pagem ngam mul. Mpar ko tamilang Rok’ mag gel’ ra’en e birom e nifiy ni nge guy e tin ni bfel’ ni gimed be rin’.¹⁴ Puluw rogon ni bay ko Primary: Yesus e ri ba’dag “[ni ngam un] ko ra’en e tamilang’.”¹⁵

Napan ni yib fare tiyugang’ ko Jew ni nge yib ni nge wenig nag ngak Yesus ni nge gol nag fak ni bpin ni ragag nge l’agruw e duw rok, ni bay u tabinaew ni ke chugur e yam’ ngak, ma faregi n’en nibay fare Tathapag riy e bsug ko gidii’ ma napan ni kabe son fare mo’on me yib reb e ta pigpig rok’ me ga’ar ngak, “ke aw e fan rok fachi pin ni fakam.”

“Me rung’ag Jesus e n’en nike yog me ga’ar ngak Jairus, “Dab mu rus; kemus ni nge michan’um ngak Got, me gol.”¹⁶

Me buch ni arram rogon. Nge ka’an nge gur. “Dab mu rus; kemus ni nge michan’um.”

Bachan gimed gubin u fithik’ ulung ney e rib tu’uf rok’ Got nge fare Galasia rok’, nggu museg e numon rog ko bin ba’aray e thin ni apostle. U mm’on ni ngam thapeg fare tawa’ath ko fare Kan ni Thothup, bay fare tamilang rok’ Kristus ulan gum’ircha’em,¹⁷ binem e “tamilang e bay ko gubin ban’en, … e kan pii’ ngak gubin ban’en nib fos,”¹⁸ ni’ir e ma gagiyeg nag e tin nib fel’ ko gum’ircha’en e gidii’ ni gubin ni tin ni i moy e gidii’ nib fos nge tin ni bay ki yib e gidii’ nra par nib fos. Binem e tamilang e kan pii’ ni nge ayuweg nem me michib ngom. Reb fapi mulwol ni th’abi ga’fan e ir fare yafos ni bin th’abi gaa’ ko gubin fapi tawa’ath, ba tawa’ath ni kemus nrayag ngodad u daken fare Bayul rok’ fare Somoel i Yesus Kristus. I ir fare tamilang nge fare yafos ko fayleng,¹⁹ fare Fak Got ni ni karimus rok’ ni yib nge pii’ e yafos rok’ me gel ko yam’.

Thingarda pi’ed gadad ko re tawa’ath ney ko yafos ma gadad mil ngak e gidii’ nike riya’ e re tawa’ath ney rorad nib thothup min ayuwegrad. Pi tiyugang’, pi advisor, pi tafagar, tabinaew—mu tin’med ko pow ko mo’owaer laniyaen’, mulmulan’uy, fa ya’an e pow ku bee’ ni ba’adag ni nge li’ ir nge yim’. Ngam og nag e ayuw. Motoyil. Ngongliy rogon ban’en nrayag ni nge pi’ e ayuw ko biney.

Ngak e en nu fithik’ e fal’yangren ni be mo’owar, demuturug ko tin ni bay ko leam rom fa tin nib momaw’ ngom, yam’ ni gur rom e ngam li’em ngam mum’ e gathi ireray e fulweg riy. Dabda gol nag fare amith ni gabe thamiy fa gabe lemnag ni ngam pii’. Rib tu’uf ko biney e fayleng urngin e tamilang nrayag ngay, wenig ri dam mu achichig nag fare tamilang nib manechubog nike tay Got ngalan e dogur rom u mm’on nin sunumiy e biney e fayleng. Mu non ngak bee’. Mu ning e ayuw. Dam mu kireb nag e yafos ya Kristus e ke pii’ e yafos rok’ ni ngeyag ni ayuweg e yafos. Rayog ni ngma athamgil e tin nib momaw u yafos ney bachane gadad ra ayuwegem. Ri gab gel ni ri dam manang gelngim. Bay e ayuw, ko gidii’ nge Got. Bay adag ngom nge fan ngom, nge t’uf ngom. Gamed btu’uf romaed! “Dab mu rus; kemus ni nge michan’um.”

Bay bee’ ni bo’or e gafgow ni yib ngalan yafos rok’ bo’or ngom ma ka bo’or ngog ni ga’ar: “Man nga mm’on [gamad e pi fal’yangren ni tafagar rog]. Athamgil. … i yan, yan nga m’on ni ngan gel! Mpag gumircha’em ni nge falfalen’, mari sug ko tin falfalen’ ban’en.”²⁰ Bo’or ban’en ni ngan falfalaen’ ngay. Gadad bay ni ngad ayuweged gadad, nge ir ni kabay rodad. Dam kirebnag e rogon ni nggu thapegem, gube wenig ngomed, u dakaen fithngan e Somoel rodaed nib Thothup ni Yesus Kristus, e Masta rodad, amen.