T’ufeg, Pii’, Pinning

Somm’on e pi’nen rayog ningad rrin’ed ni gadad ma t’ufeged woed rogon Kristus nima t’ufeg ngodad.

Pi gum’ircha’dad be sug nifan e amith ko gidii’ nge damomuw ni ngad sapgad langob e fayleng napan e ngiyal’ ney nib mo’owmaw. Machane, rangad thapeged e athamgil udakaen e t’ufeg nge ayuweg e gidii’ nima pii’ ulan gubin e pi nam udakaen e rogon rorad ni ngar pir’eged e gidii’ nibay e magawon—pi’in ni dariy e na’un rorad, kar malog e pi chon ko tabinaw rorad, fa feked reb e miit e gafgow nge mulmulaen’.

De n’ew napan, fapi news ni kar weliyed marunga’agen e ulungi ko matin nu Poland, u dakaen e magaf rorad, nifan e pi tabinaw ni kar milgad, kar tayed e pi stroller udakaen e tafen ko kisae, ni kar soen nifan e pi matin ni kar milgad nge pi bitir ni bt’uf nem napan ni kar chuwgad e kisae rorad. Riyul’ e Chitimangdad nibay u Tharmiy ba sminmin ngadakaen e pigpig ney, mab m’agaen’med ngay ni ngad ayuweged, gadad ma “fulweg e motochiyl ku Kristus.”⁴

Napan ni ngad dag e t’uf rok’ Kristus ngak e buguliyoror rodad, gadad ba machib fare gospel—dab t’uf ni ngad yoeg ta’areb e thin.

T’ufeg ngak e bee’ be dag nib fel’ rogon bin la’agrew e motochiyl ni ngad t’ufeged e buguliyoror rodad;⁵ ma dag e rogon rok’ e cha’ ni ma urufiy e wasey rok’ fare Kan ni Thothup nga dakaen e ya’el rodad. Napan ni ngam dag e t’uf rok’ Kristus ngak reb e bee’, sana rayog ni ngar sapgad e ngongol rodad nib fel’ ni ngad “rir nag Chitimang[dad] nibay nu tharmiy.”⁶

Gadad ma rrin’ed biney ni dariy’fan ni ngad thapeged e pi’nen.

Athap romad, e riyul’, ni yad ba thapeged e t’uf rodad, machane dabiyog ni gadad ba mel’eg urogon ni yad ba rin’.

Pi’nen ni ngad rrin’ed nge gadad mini’ e rib ga’fan.

Udakaen e t’ufeg woed ni Kristus ngak reb e bee’, gadad ma machib gad marunga’agen e thilyeg ko yafos nib fal’ngin nifan e gospel rok’ Kristus, nge gadad ma rrin’ed nib gel’ ni ngad fulweg e pinning Rok’ nib ga’.

Bin l’agruw e pi’nen rodad ni ngad rrin’ed ir e pii’ banen.

Udakaen boech e pi pul napan COVID-19 nike tabab, Brother Wisan nu Thailand nike thamey thingari pii’ e thamey nge fil rok’ marunga’agen e pi’nen ni ke fill ulan fare Babyor ku Mormon nga dakaen e pi account ko social media rok’. Ulan ta’areb e post rok’, ke weliy e yat nifan l’agruw e pi missionary ulan fare Babyor ku Mormon, Alma nge Amulek.

Walagen, Winai, nibay thil e mich rok’, nike ba’adag e post ney nge ke yoloy ngak, de nang fan machane nike fith,“Rayog ni nggu thapeg e babyor ney u thin nu Thai?”

U fithik’ e ganop rok’ Wisan nike fal’eg e rogon gali missionary nib ppin ni kar pii’ ngak Babyor ku Mormon, ni kar fil’ew e walagen.

Wisan nike un e machib nay, udakaen e computer nge nike pii’ e thamey rok’ marunga’agen e Babyor ku Mormon. Winai nike fil e rogon ni nge meybil nge fil ufithik’ e ya’el nima sap ko tin riyul’, ni nge ba’adag nge thapeg e thin riyul’. Ufithik’ boech e pul, Winai nike tawfe nag.

Wisan keyog reb e rran, “Bay e ngongol rodad ni ngad manged e talin ulan e pa’ Got, thingarda fal’eg dad ni gubin e rran nifan Ngak ni nge rrin’ e muruwel’ Rok’ ulan e rogon Rok’ ufithik’dad.” Ma’ang’ang rok’ e tabinaw ney nike buch bachane Wisan nike pii’ e gospel ulan a rogon nib moem.

Gadad ma pii’ed gubin pi’nen ngodad. Gadad ma rrin’ed ni bo’or Gadad ma pii’ed e pi kaechiidoo nge gaan ni gadad ba’adag, pi’nen nib maka’ar ni gadad guyed, pi nam ni ngad dared ngak, pi sasing ni gadad ba’adag, pi thin nima pii’ athamgil ngodad.

Urogon ni ngad pethpeth nib moem ko pin’ey ni ngad pii’ed chiney e pi’nen ni gadad ba’adag marunga’agen e gospel rok’ Yesus Kristus?

Elder Dieter F. Uchtdorf ke weliy: “Fa’an ke fithem bee’ ko rogon e weekend rom, dam tuntun ngam weliy mornga’agen e tin nike buch rom u galasia.” Weliy mornga’agen fapi bitir ni kar saki’iy gaed nglang u powchen e gidii’ ni yo’or kar yon’ed e tang ni yaed ba’adag ni ngar boded Yesus. Weliy mornga’agen fapi ulung i fel’ yangren ni kar ayuweged fapi gidii’ ni ke labthir ulan e tabinaew nifan e gidii’ nib labthir.”⁷

Pii’ ni dabi be pii’ ni chuwaey’ e gospel. Dabda yoloy e machib nib thabi fel’ fa thilyeg e gonop rok bee’ nib kireb.

Marunga’agen e muruwel’ ko missionary, Got dabi t’uf ni ngam manged e poeliis; Ir bt’uf, machane, ni ngam mang e tapii’ Rok’.

Udakaen e pii’ rodad marunga’agen e ba’adag ko fare gospel ngak reb e bee’, gadad be un’ed e pinning nib ga’ rok’ Tathapeg.

Bin dalip e pi’nen rodad ni ngad rrin’ed ni ngad pinning.

Sister Mayra Nike mag e chonngin ni be’ech I Ecuador. Falfalaen’ rok’ ulan e gospel nike gaa’ nag tomuren e tawfe rok’ napan ni ke pinning e pi fagar nge gidii’ nib t’uf rok’ ufithik e pi account ko social media. Bo’or e pi chon ko tabinaw nge pi fagar ni kar sap e thin rok nge fith ngak a pi duwer. Mayra nike non ngorad, bo’or e yay nike pinning rad ni ngar yib nga na’un rok’ ni ngar mada’ nag fapi missionary.

Galibthir rok Mayra, pi walagen, auntie rok’, la’aruw e cousins, nge boech e fagar rok kar tawfe nag bachane ni ke pinning raed ni ngar “moy nge sap,” “moy nge pigpig nag,” nge “moy nge un.” Ufithik’ e pinning rok’ nib moem, 20 e gidii’ ni kar thapeged e pinning rok’ ni ngar tawfe nag nge manged e chongin ko fare Galasia rok’ Yesus Kristus. Binem nike buch bachane Sister Mayra ni ke pinning reb e gidii’ ni ngar thapeged a falfalaen’ woed ni ke thapeg ko e chongin e Galasia.

siasing/Llecheklel

Sister Mayra nge pi’in ni ke pinningrad ni ngar thamiyed e falfalaen’ ko gospel

Bay bo’or e pi pinning rangad pii’ ngak e gidii’. Rayog ni ngad pinning e bee’ ni nga “moy nge sap” e mu’ulung ko sacrament, e madnom ko ward, e kaechiidoo nima weliy marunga’agen e fare gospel rok’ Yesus Kristus. “Moy nge sap” nira mang e pinning ko bi’eg fare Babyor ku Mormon fa waen nga temple nib be’ech napan bay e open house umon e yibily. Boch e yay e pinning ney ni ra buch ngodad—nima pii’ ngodad e ganop nge sap ko pi’nen ulangab dad ni ngad ngongoliyed.

U ngiyla’ ney nib digital, pi chongin ma pii’ fapi thin ufithik’ social media. Bay bo’or e miri’ay, fa sana bo’or e biyu’ e pi’nen nib fel’ rangam pi’reg ni ngam pii’. Pi’ney ma pii’ pi pinning ni ngar “moy nga sap”, “moy nge pigpig,” nge “moy nge un.”

Napan ni ngad pinning ngak reb e gidii’ ni ngar fil boech reb marunga’agen e gospel ku Yesus Kristus, gadad ma uned e pinning rok’ Somoel ni ngad ngongoliyed ulan e muruwel’ Rok’.

Pi walageg ni pumo’on nge ppin, kad sabathindad marunga’agen dalip e pi’nen nib moem—ni rib moem—demtrug e bee’ rayog ni ngey rrin’. Pi’nen ni ngam rrin’ed! Sana kam rrin’ed e pi’nen—ni dabda lemnag ni kam rrin’ed!

Gube pinning med ningam lemniged marunag’agen e rogom ni ngam t’ufeg, pii’, nge pinning. Nap’an ni garam rrin’ed, rangam thapeged e falfalaen’ bachane e gonop romed ni ngam folgad e pi thin rok e Tathapegdad nib t’uf rodad.

Pi’ney ni nggu pinningmed ir gathi e ngongol nib be’ech. Kam rungan fapi kenggin e yalen kafram. Iraray gathi e “bin magid e pi’nen nib ga’” fare Galasia be pinning med ni ngam rrin’ed. Fapi dailp e n’en ni kemus ma dag ni gadad e pi gachalpen nib yul’yul’ rok Yesus Kristus.

Dariyfan e name badge fa babyor.

Dabi t’ufeg e pinning nib ga’.

Napan dalip e pi’nen nira manged e yalen rodad ulan e yafos rodad, nira manged e ngongol nib moem, nira dag e t’ufeg rodad.

Woed e pi gachelpen ku Kristus ni kar kunuy rad ere rayog ni ngar fil Ngak’ u Galilee 2,000 pi duw kafram, rayog ni ngad thapeged e pinning rok’ fare Tathapeg nge dared ulangab e feylang nge machib e gospel.

Napan ni ngad pii’ e t’ufeg, pii’ nge pinning, gadad ma uned ulan e muruwel’ nib ga’ nib fal’ngin nima ta’ermadliy e faylang nifan e sul ko Messiah.

Aygun adaged ni ngad rung’aged e pinning rok’ Tathapeg nge guy rogon ni ngad muruwel’ nifan e pinning rok’ nib ga’ ir e meybil rog u dakean fithngan Yesus Kristus, amen.