Meac Pwacye?
El pa srihpac luhn pwacye nuhkewa. Alu luhn Jisus Kraist luhn Mwet Luhlahlfongi Lal ke Lwen-sahflah sruokyac kwewa ma pwacye ma God el sang nuh sin tuhlihk Nahtuhl.
Tamuhlwel ac tahmtahel sacohk wiyuck, kuloh nuh selos kewa ke toeni moklweyuck se inge! Ke toeni sahflah lasr ke Epril, kuht liye ma puhkantwen sikyak facluh, tuhkuh ke mwe ahsor ac koluk nuh ke ma wolacna.
Kuht engankihn ripohrt ke toeni luhlahp luhn mwet fuhsr ma orek raunweack facluh.1 Ke toeni inge, mwet fuhsr wolacna lasr lotwelah lah finne mac sikyak ke moul lalos, kuh fokoko emet lalos tuhkuh yurin Leum.2
Kuht engankihn tempuhl pucspucs muhsahiyucklac fin facluh nohfohn. Ke ahkmuhtahlyeyucklac luhn kais sie tempuhl, kuh luhn God tuhkuh nuh facluh yohk liki na meet ah in ahkfokokoye kuht ac lain orekma luhn mwet lain.
Ahkkolukye wi srihfeyuck luhn mwet lain. Ma koluk nuh upac se. 3 Ke Prestuhn luhn Alu uh, nga ahkpwacye elah mwe luti luhn Leum Jisus Kraist ke ma koluk se inge. Lwelah nga in fahk suwohs: kuhtwena kain ahkkolukye muhtwacn, tuhlihk, kuh kuhtwena mwet ma na sruhngwacyuck se sin Leum. El ahsor ac nga ahsor ke oacna sie pacl oacna sie mwet ahkkolukyeyuck. El tuhng ac kuht nohfohn tuhng kacn kais sie mwet suc eis ahkkolukyeyucklac ke kain oacna sie. Elos suc kalweni oruh kain orekma koluk inge tiac ahkkolukye masap luhn mwet muhkwena tuhsruhktuh oacyacpac fah ohsun nuh sin kasrkuhsrak luhn God Kuhlwacna.
Ke pacl loes, Alu uh oruh ma puhkantwen in karihngihn—yohk nuh sin—tuhlihk in tiac ahkkolukyeyuck. Puhs mwe kahsruh ke website luhn Alu uh. Nga suli kowos in lutlut kac. 4 Mwe kol inge oasr in karihngihn mwet suwohs. Nga kacfwe kais sie sesr in acsmak nuh sin oacna sie mwet suc sahp oasr in sensen in ahkkolukyeyuck ac in sa in mukwilac karihngihnuhlos. Mwet Lahngo El tiac pahtok mwe ahkkolukye, ac ekihn mwet tuhma lutlut Lal, kuht tiac pac.
Mwet lain el orekmakihn ohiyac sahyac pac. Inmahsrlon ma ingacn pa srihke lal in ahkfohsye kahlwem ke ma pwacye ac ma stuhuh. Kuht etuh ma puhkantwen, tuhsruhk, kuh in oruh in upac in etuh ma pwacye.
Ma upac se inge ahkacsmakihnyeyuc ke ma se sikyak nuh sihk ac Tahmtahel Nelson ke kuht som muhtwacta yurin mwet fuhlwact ke muhtuhnfacl se suc suhpuhs mwet lohng kacl Jisus Kraist. Kawuck mahtuh se inge mas tuhfahna tari. El fahk nuh sesr lah ke lwen puhs el oan ke ma kiyacl, puhslac pacl el ngwetwack nuh lucng ac siyuck, “Meac pwacye?”
Mwet pucspucs fin facluh mihsenge “tiac konwacack ma pwacye ke srihpen elos tiac etuh lah elos ac sokwack oyac.”5 Kuhtuh mwet uh luhngse kuht in luhlahlfongi lah ma pwacye siena nuh sin kais sie—tuh kais sie mwet enenuh in sokwack selos sifacna ke ma pwacye. Kain luhlahlfongi se inge pa nuhnak in finsrak muhkwena nuh selos suc nuhnkuh muh elos tiac ma kunen God.
Tamuhlwel ac tahmtahel sacohk wiyuck, God El pa srihpac luhn ma pwacye nuhkewa. Alu luhn Jisus Kraist luhn Mwet Luhlahlfongi Lal ke Lwen-sahflah oracni nohfohn ma pwacye ma God El sang nuh sin tuhlihk Nahtuhl, lah ma tuhkuh ke scientific laboratory kuh in eis fwackyuck Sel.
Ke acn in sramsram se inge mihsenge ac litu, kowos ac lohng ma pwacye. Nuhnak muhnahs suhmuhslah nuhnak ma srwemlah suwos ac ma tuhkuh nuh ke insiowos ac oan ke art lowos an. Pruhe siyuck sin Leum in ahkkweye lah ma kowos lohng ingacn pwacye.
Nga luhngse kowos, tamuhlwel ac tahmtahel sacohk wiyuck. Nga pruhe tuh toeni se inge in usot kuhfwen nguhn ma kowos suk uh. Ke ine muhtahl luhn Jisus Kraist, amen.