अनन्त सत्य

मेरी श्रीमती एनी र मैले पूर्णकालिन सुसमाचार प्रचार अगुवाका रूपमा सेवा गर्न बोलावट प्राप्त गरेपछि, क्षेत्रमा आउनुपूर्व हाम्रो परिवारले प्रत्येक सुसमाचार प्रचारकको नाम सिक्ने दृढ सङ्कल्प गर्यौं । हामीले तस्बिरहरू प्राप्त गर्यौं, फ्ल्यास कार्डहरू सिर्जना गर्यौं र अनुहारहरू अध्ययन गर्न र नामहरू याद गर्न सुरू गर्यौं ।

हामी आइपुगेपछि, हामीले सुसमाचार प्रचारकहरूसँग परिचयात्मक सम्मेलनहरू आयोजना गर्यौं । जब हामी घुलमेल हुँदा मैले हाम्रो नौ वर्षको छोराका कुरा सुनेँ:

“तपाईंलाई भेटेर खुशी लाग्यो, साम!”

“रचेल, तपाईं कहाँको हुनुहुन्छ?”

“आहा, डेभिड, तपाईं अग्लो हुनुहुन्छ!”

चिन्तित हुँदै म हाम्रो छोराकहाँ गएँ र बिस्तारै भनेँ, “हे, सुसमाचार प्रचारकहरूलाई एल्डर वा सिस्टर भनेर सम्बोधन गर्न नबिर्सिनू ।”

उसले मलाई आश्चर्यचकित नजरले हेर्यो र भन्यो, “बुबा, मलाई लाग्यो कि हामीलेउहाँहरूको नामकण्ठ गर्नुपर्छ ।” हाम्रो छोराले आफ्नो बुझाइका आधारमा उसलाई जे सही लाग्यो त्यही गर्यो ।

त्यसोभए, आजको संसारमा सत्यको हाम्रो बुझाइ के हो? हामीलाई निरन्तर तीव्र विचार, पक्षपाती समाचार सम्प्रेषण र अपूर्ण तथ्याङ्कहरू रूपी गोलीवर्षा गरिरहिन्छ । एकै समयमा, यो जानकारीको मात्रा र स्रोतहरू फैलिरहेका छन् । सत्यलाई पहिचान गर्न हाम्रो आवश्यकता यति महत्त्वपूर्ण कहिल्यै भएको छैन!

परमेश्वरसँगको सम्बन्ध स्थापित् गर्न र मजबुत बनाउन, शान्ति र प्रसन्नता प्राप्त गर्न र हाम्रो दैवी सम्भाव्यतामा पुग्नका लागि सत्य महत्त्वपूर्ण छ । आज निम्न प्रश्नहरू विचार गरौँ:

• सत्य के हो र यो किन महत्त्वपूर्ण छ?

• हामी कसरी सत्य पत्ता लगाउन सक्छौँ?

• जब हामीले सत्य प्राप्त गर्छौँ, हामी यसलाई कसरी बाँढ्न सक्छौँ?

परमप्रभुले हामीलाई धर्मशास्त्रमा सिकाउनुभएको छ कि “सत्य भनेको बिषयवस्तुहरूका ज्ञान जस्ता छन्,जस्तै थिए, र जस्तै हुने छन्” (सिद्धान्त र करार ९३:२४) । यो “सृष्टि गारिएको वा निर्माण गरिएको होइन” (सिद्धान्त र करार ९३:२९) र यसको कुनै अन्त छैन (सिद्धान्त र करार ८८:६६) ।^१ सत्य निरपेक्ष, स्थिर र अपरिवर्तनीय छ। अर्को शब्दमा, सत्य अनन्त छ ।^२

सत्यले हामीलाई धोकालाई परित्याग गर्न सहयोग गर्छ,^३ दुष्टबाट असल छुट्याउन,^४ सुरक्षा प्राप्त गर्न,^५ र सान्त्वना र चंगाई प्राप्त गर्न सहयोग गर्छ ।^६ सत्यले हाम्रा कार्यहरूलाई पनि मार्गदर्शन गर्न सक्छ,^७ हामीलाई स्वतन्त्र बनाउन सक्छ,^८ हामीलाई पवित्र पार्न सक्छ,^९ र हामीलाई अनन्त जीवनतर्फ अगुवाइ गर्न सक्छ ।^१०

परमेश्वरले हामीलाई उहाँ स्वयम्, येशू ख्रीष्ट, पवित्र आत्मा, अगमवक्ताहरू र हामी समावेश भएका प्रकटका सम्बन्धहरूको सञ्जालका माध्यमद्वारा अनन्त सत्य प्रकट गर्नुहुन्छ । मलाई यस प्रक्रियामा प्रत्येक सहभागीले निर्वाह गर्ने भिन्न तर अन्तरसम्बन्धित भूमिकाहरू छलफल गरौँ ।

पहिलो, परमेश्वर नैअनन्त सत्यको स्रोत हुनुहुन्छ ।^११ उहाँ र उहाँका पुत्र, येशू ख्रीष्ट, सँग सत्यको पूर्ण बुझाइ छ ^१२ र सदैव सत्य सिद्धान्तहरू र नियमहरू अनुरूप कार्य गर्नुहुन्छ ।^१३ यो शक्तिले उनीहरूलाई संसारको सृष्टि गर्न र प्रशासन गर्नुका साथै हामी प्रत्येकलाई पूर्ण रूपमा प्रेम गर्न, मार्गदर्शन गर्न र पालनपोषण गर्न अनुमति दिन्छ ।^१५ उहाँहरू चाहनुहुन्छ कि हामीले सत्यलाई बुझौं र लागू गरौँ ताकि हामीले उहाँहरूले प्रदान गर्ने आशीर्वादहरूको आनन्द लिन सकौं ।^१६ उहाँहरूले व्यक्तिगत रूपमा वा अति नै साधारण रूपमा, पवित्र आत्मा, स्वर्गदूतहरू वा जीवित अगमवक्ताहरू जस्ता सन्देशवाहकहरूद्वारा सत्य प्रदान गर्न सक्नुहुन्छ ।

दोस्रो, पवित्र आत्माले सबै सत्यको गवाही दिन्छ ।^१७ उहाँले हामीलाई प्रत्यक्ष रूपमा सत्य प्रकट गर्नुहुन्छ र अरूहरूले सिकाएको सत्यको गवाही दिनुहुन्छ । आत्माबाट प्रभावहरू सामान्यतया हाम्रा मस्तिष्कहरूमा विचारहरू र हाम्रा हृदयहरूमा भावनाहरूका रूपमा आउँछन् ।^१८

चौथो, अगमवक्ताहरूले परमेश्वरबाट सत्य प्राप्त गर्नुहुन्छ र त्यो सत्य हामीसँग बाँढ्नुहुन्छ ।^१९ हामीले धर्मशास्त्रमा विगतका अगमवक्ताहरूबाट^२० र साधारण सम्मेलनमा र सञ्चारका अन्य आधिकारिक तरिकाहरूद्वारा जीवित अगमवक्ताहरूबाट सत्य प्राप्त गर्छौँ ।

अन्तमा, तपाईंहरू र मैले यो प्रक्रियामा महत्त्वपूर्ण भूमिका खेल्छौँ । उहाँले हामीले अन्वेषण गरेको, सत्यलाई पहिचान गर्न र सत्यलाई प्राप्त गरेपछि त्यसलाई उपयोग गर्ने अपेक्षा गर्नुहुन्छ ।परमेश्‍वरले हामीले सत्य खोजेको, चिन्ने र कार्य गरेको आशा गर्नुहुन्छ । सत्यलाई ग्रहण गर्ने र लागू गर्ने हाम्रो क्षमता पिता र पुत्रसँगको हाम्रो सम्बन्धको समार्थ्य, पवित्र आत्माको प्रभावप्रति हाम्रो प्रतिक्रिया र पछिल्ला दिनका अगमवक्ताहरूसँगको हाम्रो मार्गरेखामा निर्भर छ ।

शैतानले हामीलाई सत्यबाट टाढा राख्न प्रयास गर्छ भनेर हामीले बुझ्नु पर्छ । उसलाई थाहा छ कि सत्य बिना, हामीले अनन्त जीवन प्राप्त गर्न सक्दैनौँ । परमेश्वरद्वारा बताइएका बिषयहरूबाट हामीलाई भ्रमित पार्न र विचलित बनाउन उसले सांसारिक दर्शनलाई सत्यका धागाहरूसँग बुनिदिन्छ ।^२१

जब हामी सत्यको अन्वेषण गर्छौँ,^२२ निम्न दुई प्रश्नहरूले हामीलाई कुनै अवधारणा परमेश्वर वा अर्कै कुनै स्रोतबाट आएको हो भनेर पहिचान गर्न सहयोग गर्न सक्छ:

• के यो अवधारणा धर्मशास्त्रहरू वा जीवित अगमवक्ताहरूका वचनहरूमा निरन्तर सिकाइन्छ?

• के यो अवधारणा पवित्र आत्माको गवाहीद्वारा प्रमाणित हुन्छ?

परमेश्वरले अगमवक्ताहरूद्वारा सैद्धान्तिक सत्यहरू प्रकट गर्नुहुन्छ र पवित्र आत्माले ती सत्यहरूलाई हामीमा पुष्टि गर्न र तिनीहरूली लागू गर्न सहयोग गर्छ । ।^२३ आध्यात्मिक प्रभावहरू आउँदा हामीले यी प्रभावहरू प्राप्त गर्न खोज्नु पर्छ र तयार हुनुपर्छ ।^२४ हामी सबैभन्दा अधिक आत्माको गवाहीलाई ग्रहणशील गर्न सक्षम हुन्छौँ तब हामी विनम्र हुन्छौँ,^२५ इमान्दारितापूर्वक प्रार्थना गर्छौँ र परमेश्वरका वचनहरू अध्ययन गर्छौँ,^२६ र उहाँका आज्ञाहरू पालना गर्छौँ ।^२७

एकपटक पवित्र आत्माबाट कुनै विशेष सत्यका सम्बन्धमा प्रमाणीकरण प्राप्त गरिसके पछि, हामीले त्यो सिद्धान्तलाई व्यवहारमा उतार्दा हाम्रो बुझाइ अझै गहन हुन्छ । जब हामी निरन्तर त्यो सिद्धान्तमा जिउँछौँ, हामीले त्यस सत्यको निश्चित ज्ञान प्राप्त गर्छौं ।²⁸समयको साथ, हामी निरन्तर सिद्धान्तमा बाँचिरहेका छौं, हामी त्यो सत्यको निश्चित ज्ञान प्राप्त गर्छौं।28

उदाहरणका लागि, मैले गल्तीहरू गरेको छु र खराब छनोटहरूका लागि पश्चाताप महसुस गरेको छु । परन्तु प्रार्थना, अध्ययन र येशू ख्रीष्टमा विश्वास गरेर, मैले पश्चात्तापको सिद्धान्तको गवाही प्राप्त गरेको छु ।^२९ मैले पश्चात्ताप गरिरहँदा, पश्चात्तापको मेरो बुझाइ मजबुत हुँदै गयो । मैले परमेश्वर र उहाँका पुत्रको नजिक भएको महसुस गरेँ । अब मलाई थाहा छ कि येशू ख्रीष्टद्वारा पापको क्षमापन हुन सक्छ, किनकि म हरेक दिन पश्चात्तापको आशीर्वाद अनुभव गर्छु ।^३०

त्यसोभए, इमानदारितापूर्वक हामीले अन्वेषण गर्दा पनि सत्य प्रकट नगरि सकिएको समयमा हामीले के गर्नु पर्छ? प्राप्त नहुने जस्ता देखिने उत्तरहरू अन्वेषण गर्नेहरूप्रति मेरो अधिक करुणा छ ।

जोसेफ स्मिथलाई, परमप्रभुले सल्लाह दिनुभयो, “यस बिषय … का सम्बन्धमा सबै बिषयवस्तुहरू बताउनका लागि मैले उपयुक्त नदेखेसम्म तिम्रो शान्ति कायम राख” (सिद्धान्त र करार १०:३७) ।

अनि एमा स्मिथलाई, उहाँले बताउनुभयो, “तिमीले नदेखेका बिषयहरूका कारण गनगन नगर, किनकि ती तिमीबाट र संसारबाट रोकिएका छन्, जुन आगामी समयको मेरो ज्ञान हो” (सिद्धान्त र करार२५:४) ।

मैले पनि अन्तरहृदयका प्रश्नहरूको जवाफ खोजेको छु । धेरैको जवाफ आएका छन्, कतिपय आएका छैनन् । धेरै जवाफ आएका छन्; कसैलाई छैनन् ।³¹ परमेश्वरको ज्ञान र प्रेममा भरोसा राख्दै, उहाँका आज्ञाहरू पालना गर्दै र हामीलाई जानकारी भएका बिषयहरूमा निर्भर रहँदै — उहाँले सबै बिषयहरूको सत्यता प्रकट नगरेसम्म—हामी त्यसमा रहिरहन्छौँ भने उहाँले हामीलाई शान्ति प्राप्त गर्न सहयोग गर्नुहुन्छ ।^३२

सत्य अन्वेषण गर्दा, यसले सिद्धान्त र नीति बीचको भिन्नता बुझ्न सहयोग गर्छ । सिद्धान्तले अनन्त सत्यहरूलाई बुझाउँछ, जस्तै देवप्रमुखको प्रकृति, मुक्तिको योजना र येशू ख्रीष्टको प्रायश्चितको बलिदान । नीति भनेको वर्तमान परिस्थितिमा आधारित सिद्धान्तको प्रयोग हो । नीतिले हामीलाई चर्चलाई व्यवस्थित रूपमा व्यवस्थापन गर्न सहयोग गर्छ ।

जबकि सिद्धान्त कहिल्यै परिवर्तन हुँदैन, नीति समय समयमा समायोजन हुन्छ । परमप्रभुले आफ्ना अगमवक्ताहरूद्वारा आफ्नो सिद्धान्तलाई समर्थन गर्न र आफ्ना सन्ततिहरूका आवश्यकता अनुसार चर्च नीतिहरू परिमार्जन गर्नका लागि कार्य गर्नुहुन्छ ।

दुर्भाग्यवश, हामी कहिलेकाहीँ नीतिलाई सिद्धान्तका रुपमा लिन्छौँ । यदि हामीले भिन्नता बुझेनौँ भने, नीतिहरू परिवर्तन हुँदा हामी भ्रममा पर्न सक्छौँ, र परमेश्वरको ज्ञान वा आगमवक्ताहरूको प्रकाशकको भूमिकामाथि नै प्रश्न उठाउन सुरू गर्छौँ ।^३३

जब हामीले परमेश्वरबाट सत्य प्राप्त गर्छौं, उहाँले हामीलाई त्यो ज्ञान अरूहरूलाई बाँढ्न प्रोत्साहन गर्नुहुन्छ ।^३४ हामीले कक्षामा सिकाउँदा, बालबालिकालाई मार्गदर्शन गर्दा वा मित्रसँग सुसमाचारको सत्यताका सम्बन्धमा छलफल गर्दा हामी यसो गर्छौं ।

हाम्रो उद्देश्य भनेको पवित्र आत्माको परिवर्तन गर्ने शक्तिलाई आमन्त्रण गर्ने तरिकामा सत्य सिकाउनु हो।^३५ मलाई परमप्रभु र उहाँका अगमवक्ताहरूबाट सहयोग गर्न सक्ने सरल, आमन्त्रणहरू बाँढ्न दिनुहोस् ।^३६

1. स्वर्गका पिता, येशू ख्रीष्ट र उहाँहरूका आधारभूत सिद्धान्तमा केन्द्रित ।^३७

2. धर्मशास्त्र र पछिल्ला दिनका अगमवक्ताहरूको शिक्षामा निर्भर रहनुहोस् ।^३८

3. धेरै आधिकारिक साक्षीहरूद्वारा स्थापित् सिद्धान्तमा निर्भर रहनुहोस् ।^३९

4. अनुमान, व्यक्तिगत अभिमत वा सांसारिक अबधारणाहरूलाई परित्याग गर्नुहोस् ।^४०

5. सन्तुलित बुझाइलाई प्रोत्साहन गर्न सुसमाचारका सत्यहरूसँग सम्बन्धित सन्दर्भमा रहेर कुनै एक सिद्धान्त सिकाउनुहोस् ।^४१

6. आत्माको प्रभावलाई आमन्त्रण गर्ने शिक्षण विधिहरू प्रयोग गर्नुहोस् ।^४२

7. मिथ्याबोध परित्याग गर्न स्पष्ट रूपमा वार्तालाप गर्नुहोस् ।^४३

हामीले सत्यलाई कसरी सिकाउँछौँ भन्ने बिषय वास्तवमा नै महत्त्वपूर्ण हुन्छ । पावलले हामीलाई “प्रेममा सत्य” बोल्न प्रोत्साहन गर्नुभयो (हेर्नुहोस् एफिसी ४:१४-१५) । ख्रीष्टीय प्रेम सहित व्यक्त गर्दा सत्यले अरूहरूलाई आशीषित गर्ने उत्तम अवसर हुन्छ ।^४४

प्रेम बिना सिकाइएको सत्यले मूल्याङ्कन, निराशा र एकाकीपनको भावना सिर्जना गर्न सक्छ । यसले प्रायश: असन्तुष्टि, विभाजन र द्वन्द्व—समेत निम्त्याउँछ । अर्कोतर्फ, सत्य बिनाको प्रेममा खोक्रोपना र उन्नतिको प्रतिज्ञाको अभाव छ ।

सत्य र प्रेम दुबै हाम्रो आध्यात्मिक विकासका लागि आवश्यक छन् ।^४५ सत्यले अनन्त जीवन प्राप्त गर्नका लागि आवश्यक सिद्धान्त, आचरणहरू र नियमहरू प्रदान गर्छ भने, प्रेमले सत्यलाई अँगाल्न र त्यसमा कार्य गर्न आवश्यक प्रेरणा प्रदान गर्छ ।

म अरूहरूका लागि सदैव आभारी छु जसले मलाई धीरतापूर्वक प्रेम सहित अनन्त सत्य सिकाउनुभयो ।

अन्तमा, मलाई अनन्त सत्यहरू बाँढ्न दिनुहोस् जुन मेरो आत्माका लागि सहारा बनेको छ । आज चर्चा गरिएका सिद्धान्तहरूको पालना गरेर मैले यी सत्यहरूका सम्बन्धमा बुझेको छु ।

मलाई थाहा छ कि परमेश्वर हाम्रा स्वर्गका पिता हुनुहुन्छ ।^४६ उहाँले सबै बुझ्नुहुन्छ,^४७ सबै शक्तिशाली,^४८ र पूर्ण रूपमा प्रेमपूर्ण हुनुहुन्छ ।^४९ उहाँले एउटा योजना निर्माण गर्नुभयो जसले हामीलाई अनन्त जीवन प्राप्त गर्न र उहाँ जस्तै बन्न सक्षम बनाउँछ ।^५०

त्यो योजनाको एक अंशका रूपमा, उहाँले आफ्ना पुत्र, येशू ख्रीष्टलाई हामीहरूलाई सहयोग गर्न पठाउनुभयो ।^५१ येशूले हामीलाई पिताको चाहना पूरा गर्न^५२ र एकअर्कालाई प्रेम गर्न सिकाउनुभयो ।^५३ उहाँले हाम्रा पापहरूका लागि प्रायश्चित गर्नुभयो^५४ र क्रूसमा आफ्नो जीवन परित्याग गर्नुभयो ।^५५ उहाँ तीन दिनपछि मृत्युबाट बौरी उठ्नुभयो ।^५६ ख्रीष्ट र उहाँको अनुग्रहद्वारा, हामी पुनरुत्थान हुने छौँ,^५७ हामीलाई क्षमा गर्न सकिन्छ,^५८ र हामीले दुःखमा सामर्थ्य प्राप्त गर्न सक्छौँ ।^५९

आफ्नो भौतिक सेवाका क्रममा, येशूले आफ्नो चर्च स्थापना गर्नुभयो ।^६० समय सँगै, त्यो चर्च परिवर्तन भयो र सत्यहरू हराए ।^६१ येशू ख्रीष्टले आफ्नो चर्च र सुसमाचारका सरल र बहुमूल्य सत्यहरूलाई अगमवक्ता जोसेफ स्मिथद्वारा पुनर्स्थापित् गर्नुभयो ।^६२ अनि आज, ख्रीष्टले जीवित अगमवक्ताहरू र प्रेरितहरूद्वारा आफ्नो चर्चको नेतृत्व गर्न निरन्तरता दिइरहनुभएको छ ।^६३

मलाई थाहा छ कि हामी ख्रीष्टमा आउँदा, हामी अन्ततः “उहाँमा पूर्ण” हुन सक्छौँ (मोरोनी १०:३२), “प्रसन्नताको पूर्णता” (सिद्धान्त र करार ९३:३३) प्राप्त गर्न सक्छौँ र “[पितासँग] भएका सबै बिषयहरू प्राप्त गर्न सक्छौँ” (सिद्धान्त र करार ८४:३८) । यी अनन्त सत्यहरूलाई म येशू ख्रीष्टको पवित्र नाममा गवाही दिन्छु, आमीन ।