Te Patururaa o te feia Faatere

Te tuu atu nei au i te i‘oa o te Mau Huimana Faatere Rahi, te mau Hitu Ahuru Area, e te mau peresideniraa rahi o te mau pŭpŭ tauturu o te Ekalesia ia paturuhia e outou. Hou râ te reira e faaterehia’tu ai, te hinaaro nei au e faahiti faahou atu i te pohe o te Peresideni James E. Faust, Tauturu Piti i roto i te Peresideniraa Matamua. E taata rave papu teie i te ohipa, e taata faaroo rahi e te ite, o tei horo‘a rahi i roto i ta matou mau apo‘oraa. Te mihi nei matou ia’na. Te faatae nei matou i to matou tapa‘o aroha i to’na hoa here ia Ruth, e i ta raua mau tamarii.

Te tuu atu nei au ia paturu tatou i te i‘oa o Gordon Bitner Hinckley ei peropheta, ei hi‘o e ei heheu parau e ei Peresideni no Te Ekalesia a Iesu Mesia i te Feia Mo‘a i te Mau Mahana Hopea Nei ; Thomas S. Monson ei Tauturu Matamua i roto i te Peresideniraa Matamua ; e ia Henry Bennion Eyring ei Tauturu Piti i roto i te Peresideniraa Matamua. Te feia e farii a faaite mai na roto i te tapa‘o.

Ia na reira atoa te feia pato‘i.

Te tuu atu nei au ia paturuhia e outou te i‘oa o Thomas S. Monson ei Peresideni no te Pŭpŭ no te Tino Ahuru Ma Piti Aposetolo ; Boyd Kenneth Packer ei Mono Peresideni i roto i te Pŭpŭ no te Tino Ahuru Ma Piti Aposetolo ; e i te mau melo i muri nei o taua pŭpŭ ra: Boyd K. Packer, L. Tom Perry, Russell M. Nelson, Dallin H. Oaks, M. Russell Ballard, Joseph B. Wirthlin, Richard G. Scott, Robert D. Hales, Jeffrey R. Holland, Dieter F. Uchtdorf, David A. Bednar, e o Quentin L. Cook.

Te feia e farii a faaite mai na roto i te tapa‘o.

Ia na reira atoa te feia pato‘i.

Te tuu atu nei au ia paturu tatou i te na tauturu i roto i te Peresideniraa Matamua e i te Tino Ahuru Ma Piti Aposetolo ei mau peropheta, mau hi‘o e ei mau heheu parau.

Te feia e farii a faaite mai na roto i te tapa‘o.

Ia na reira atoa te feia pato‘i.

Te haamauruuruhia nei i teie po‘ipo‘i o Elders Charles Didier, Merrill J. Bateman, Robert C. Oaks, e o Quentin L. Cook ei mau melo i roto i te Peresideniraa no te mau Pŭpŭ no te Hitu Ahuru. Te tu‘u-atoa-hia’tu nei te mau i‘oa ia haamauruuruhia o Elders Merrill J. Bateman, Monte J. Brough, Gene R. Cook, Robert K. Dellenbach, e o W. Rolfe Kerr e mau melo teie no te Pŭpŭ Matamua no te mau Hitu Ahuru e ua faata‘ahia ratou ei mau Huimana Faatere Rahi i faaturahia.

Te feia atoa o te hinaaro i te amui mai i roto i teie haamauruururaa a faaite mai.

E vai noa Elder Kerr ei Ti‘a Faatere no te Faanahoraa Haapiiraa a te Ekalesia.

Te haamauruuru-atoa-hia nei Elders D. Rex Gerratt, Robert F. Orton, Wayne S. Peterson, R. Conrad Schultz, e o H. Ross Workman e mau melo teie no te Pŭpŭ Piti no te mau Hitu ahuru.

Te feia o te hinaaro i te amui mai ia tatou no te haamauruururaa i teie nei mau Taea‘e a faaite mai.

Te tuu atu nei au i te mau i‘oa i muri nei ia paturuhia e outou e Elders Claudio R. M. Costa, Steven E. Snow, e o Walter F. González ei mau melo no te Peresideniraa no te mau Pŭpŭ no te mau Hitu Ahuru.

O tei farii ra, a faaite mai.

Pato‘iraa.

Te tuu atu nei au ia paturu tatou i te tahi atu mau Huimana Faatere Rahi, mau Hitu Ahuru Area e te mau peresideniraa rahi no te mau pŭpŭ tauturu e vai nei.

Te feia o te hinaaro a faaite mai i te reira.

E te feia o te pato‘i a faaite mai i te tapa‘o.

E au ra e, ua fariihia e te taato‘araa teie nei patururaa na roto i te faaiteraa papu. Mauruuru ia outou, te mau taea‘e e te mau tuahine, no ta outou patururaa tamau e no ta outou mau pure. Te ani nei tatou i te Peresideni Eyring e i te na Elders Cook e González ia haere mai i to ratou mau parahiraa.