O Le A Ou Faitauina le Tusi a Mamona

O se maa auau o se maa e i le ogatotonu i le pito i luga o se faitotoa faaofuofu. Na te taofiofia lelei ai isi maa. Afai e aveese mai le maa auau, o le a solo i lalo le faitotoa faaofuofu.

Ua saunoa le Perofeta o Iosefa Samita, “Na ou tauina atu i le usoga, o le Tusi a Mamona o le tusi sili ona sa’o i tusi uma lava o i le lalolagi, ma o le maa auau o la tatou ekalesia, ma e sili atu ona latalata le tagata i le Atua, e ala i le usitaia o mataupu [o le Tusi a Mamona], nai lo se isi lava tusi” (Aoaoga a Peresitene o le Ekalesia: Iosefa Samita (2007), 68; ua faatusilima mea e faamamafa).

O le gaoioiga lenei o le a fesoasoani e te mulimuli ai i lou faitauina o le Tusi a Mamona i lenei tausaga. Ia aveese ma le faaeteete ia itulau mai le mekasini. Ooti le vaega o le ata o loo i le pito i lalo o le itulau lenei, ma faatautau i luga le faitotoa faaofuofu. A uma ona e faitauina ia vaega tofia o le Tusi a Mamona (na o oe lava pe faatasi ma lou aiga), ona ooti mai lea o le ata talafeagai, ma faakelu i le tulaga sa’o i luga o le faitotoa faaofuofu. O tamaiti laiti atonu e mananao e faitau na o mataupu o loo lisiina i le faatusilima.

Manatua: Afai e te le manao e aveese itulau mai le mekasini, e mafai ona kopi pe lomia lenei gaoioiga mai le Initoneti i le www.lds.org. Mo le Igilisi, kiliki i le “Gospel Library.” Mo isi gagana, kiliki i le “Languages.”