Pe Sa Iinei Liae?
Ua valiina e le Tusi a Mamona se ata manino o tofotofoga ma manumalo na oo ia Liae ma lona aiga ina ua latou tuua lo latou aiga i Ierusalema ae malaga atu i le vao. A o e faitau, e te lagonaina e mafai ona e malamalama ma fesootai i o latou aafiaga. E ui ina le mafai ona tatou iloa lo latou ala tonu, ae e mafai lava ona tatou maua se lagona o eria masani na malaga ai Liae ma lona aiga ma, o le faia o lea mea, [tatou] te maua ai se agaga talisapaia sili atu ona o mea na latou oo i ai. O suesuega lata mai nei ua aumaia ai se ata e sili atu le manino o nisi o nei eria ma tulaga atonu na oo i ai le vaega a Liae.1
Ina ua tuua e le aiga o Liae ia Ierusalema, sa latou malolo i se nofoaga na latou faaigoaina o le “vanu o Lemuelu” (1 Nifae 2:14), o se malaga e tolu aso mai le tumutumu o le itu i matu i sasae o le Sami Ulaula (tagai 1 Nifae 2:5–6). O le vanu sa “i tafatafa o le vaitafe,” lea na faaigoaina e Liae o Lamana, lea sa faapea ona “tafe pea” (1 Nifae 2:6, 9). Na faaigoaina e Liae le vanu o Lemuelu e “mau ma ua mausali ma le le mafaagaeetia” (1 Nifae 2:10).
Sa faaauau le malaga a le aiga o Liae, “ua alu atu e tali tusa ma le itu muamua” mo “aso e tele” (1 Nifae 16:33). Ona maliu ai lea o Isamaeli ma “ua tanumia o ia i le mea ua taua o Naoma” (f. 34). O le nofoaga na faaalia iinei e taatia i le eria masani lea na faimalaga ai le vaega ma mo le tele o tausaga na i ai ni suiga o le igoa Naoma na faaigoa ai.
Ina ua latou tuua Naoma, sa malaga le aiga o Liae “ua toetoe ina matou malaga i le itu tonu i sasae, e afua i lea aso. Ma ua [latou] malaga ma onosai i puapuaga e tele i le vao” (1 Nifae 17:1).
I le faimalaga ai e agai atu i sasae, na semanu e oo atu le vaega a Liae i sautesasae i le itu i gatai o le penisula o Arapi. O nisi o tulaga o lena gataifale o loo faaalia iinei. Talu ai ona sa faatoa o latou asaina se vaomatua e le’i taina, e leitioa a o latou taua lea nofoaga o Nuumau, “aua o ona fua laau ua tele ma le meli vao foi” (1 Nifae 17:5).