Yumi Biliv se God I Bin Odenem Famle

Karemaot pej F4, mo pinim o skojem i go long wanwan hevi pepa. Hangem ofisol toktok ia long wan ples we famle blong yu i save luk mo tingbaot se hem i impoten blong mekem wanwan long yumi i kam strong moa.

1. “Famle: Wan Ofisol Toktok I Go Long Wol” hem i wan revelesen blong dei blong yumi tedei. Mekem ol pikinini oli lisin mo talem hamas taem oli harem ol toktok ia “talemaot” o “bin talemaot” taem oli stap ripitim tugeta nambanaen toktok blong bilif. Tijim se God i gohed blong soemaot tingting blong Hem long ol pikinini blong Hem. Komunikesen ia we i kam long God oli singaotem revelesen. Givim wan kopi blong “Famle: Wan Ofisol Toktok I Go Long Wol” long wanwan pikinini, mo eksplenem se ofisol toktok ia hem i revelesen we oli givim long dei blong yumi tru long ol wokman blong God we Hem i bin jusumaot. Givim long wanwan klas wan defren sentens o toktok long ofisol toktok ia wetem sam toktok i no gat long hem. Mekem olgeta i wok tugeta blong fulumap ol emti spes ia wetem ol stret toktok blong hem. Olsem eksampol: “ hem i blong blong blong ol pikinini blong Hem oli save go bak stap long ples blong ol kasem taem we i no save finis.” Invaetem wanwan klas blong oli stanap mo talemaot ful sentens o toktok blong olgeta. Singim fas ves blong singsing ia, “The Family Is of God” (Liahona, Okt. 2008, F12–F13). Talemaot gud se ofisol toktok long famle hem i wan revelesen we i kam long God, mo se yumi nid blong andastanem mo laef folem ol tijing blong hem. Pikimap mo putum gud ol kopi blong ofisol toktok ia blong yu save yusum olgeta bakegen long wik tri.

2. “Famle: Wan Ofisol Toktok I Go Long Wol” i tijim se mared hem i impoten. Invaetem sam memba blong wod o branj, we bisop i apruvum, blong oli toktok raon long grup abaot olsem wanem mared hem i impoten (luk long “Panel Discussions,” Teaching, No Greater Call [1999], 175–76). Givim long olgeta ol kwestin we bae yu askem long olgeta bifo klas. Eksampol: Olsem wanem Papa long Heven i bin blesem yu mo hasban o waef blong yu? Yu save serem wan stori abaot wan gospel tijing we i bin helpem yu blong kam wan gudfala waef (o hasban)? Wanem nao ol pikinini oli save mekem naoia blong oli rere blong oli mared sam dei? Bae yu wantem blong talem long olgeta we oli tekempat blong luklukbak long “Famle: Wan Ofisol Toktok I Go Long Wol.” Givim taem long wanwan pikinini blong oli jusum mo ridim wan kwestin. Mekem ol memba we oli bin kam blong toktok raon blong oli volontia long ol ansa blong olgeta. Serem testemoni se mared hem i impoten long plan blong Papa long Heven.