Жинхэнэ гоо үзэсгэлэн гэж юу вэ?

Энэ захиас бичигт Ерөнхийлөгч Монсон, “Бидний дэлхийд ёс журам, нэр төр гэх ойлголт тийм ч чухал биш гоо үзэсгэлэн эсвэл сэтгэл татам гэдгийн дараа хоёрдугаарт орох болжээ” гэж хэлсэн. Залуу эмэгтэйчүүд өөрсдийгөө хэн бэ?, хэн байж болох вэ? гэсэн гадаад төрх байдалдаа санаа зовж байж болох юм. Далын Ахлагч Линн Ж.Роббинсын жинхэнэ гоо үзэсгэлэнгийн тухай бодлуудын талаар тунгаан бод:

• Аз жаргал, ариун журамтай залуу эмэгтэйн зүс царайнаас дотоод гоо үзэсгэлэн цацардаг.

• Ариун журамт инээмсэглэл нь дотроосоо ундардаг тул жинхэнэ гоо үзэсгэлэн мөн. Жинхэнэ гоо үзэсгэлэн Сүнсний бэлэг тул зурж болдоггүй.

• Даруу зан нь дотоод гоо үзэсгэлэнгийн гадаад үзэмж юм.

• Хэрэв та нар өөрсдийнхөө гаднах төрхөнд сэтгэл дундуур байдаг бол энэ нь та нар хайртай хүмүүсийнхээ нүдээр өөрсдийгөө харахад тань тусална. Биднийг хайрладаг хүмүүсийн маань харсан нуугдмал гоо үзэсгэлэн хувийн хөгжлийн тань толь байх болно.

• Ариун журамт эмэгтэйн гэрлэхийг хүсдэг эр хүн бол эгэл хүний хардгаар “хардаггүй” (1 Самуел 16:7-г үз). Тэр эр цэвэр ариун, сайхан зүрх сэтгэлээс гэрэлтэх эмэгтэйн жинхэнэ гоо үзэсгэлэнд татагдан тэмүүлэх болно. Ариун журамтай залуу эмэгтэйчүүд адил жишигтэй залуу эрэгтэйг хайх болно.

• Тэнгэрлэг Эцэг маань бүх хүүхдээсээ мөнхийн аз жаргал, дотоод гоо үзэсгэлэнд хүрэх цорын ганц зам болсон зөвийг сонгохыг хүсэн хүлээдэг.

• Их Эзэнтэй байхад ямар ч өрсөлдөөн гэж үгүй. Бурханы дүр төрхийг өөрсдийн царай төрхөндөө шингээх тэнцүү эрх бүгдэд бий (Aлмa 5:19-г үз). Үүнээс илүү жинхэнэ гоо үзэсгэлэн гэж үгүй.

Захиас бичгийг бүрэн эхээр нь уншихын тулд Линн Ж.Роббинс, “Жинхэнэ гоо үзэсгэлэн” New Era, 2008 оны 11-сар, 30 –г үз. Залуу эрэгтэйчүүдэд зориулсан үүнтэй адил зөвлөмжийг Еррол С.Фиппен, “Нугасны муухай дэгдээхий юу Сүр жавхлант хун уу? Энэ нь чамаас өөрөөс чинь л шалтгаална,” Лиахона, 2009 оны 10-р сар, 36 .