Aumaia o le Peraimeri i le Fale
E Aoaoina A’u eIesu Keriso e Filifili le Mea Sa’o
E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.
Mo Tanu, o le Eseta o le a le tutusa i le tausaga lenei. Ua maliu lona tamamatua, ma sa faanoanoa Tanu o le a la le toe faaaluina faatasi lenei taimi faapitoa ma ia.
Ae i le taimi o le Peraimeri, sa faamanatu atu ai ia Tanu o le mafuaaga tatou te faamanatuina ai le Eseta ona ua toetu Iesu! Ina ua toetu o Ia, sa faatasia e faavavau ia Lona agaga ma Lona tino, e le toe oo i ai le oti. Sa aoaoina e Tanu, ona sa toetu Iesu, o le a toetutu ai tagata uma i se aso, e aofia ai ma lona tamamatua!
O se pese o le Eseta na faatumulia ai Tanu i le fiafia a o pese o ia: “Ua toetu Iesu, la tatou uo. Tatou fiafia ua toetu o Ia.”1 Sa manao Tanu e faasoa atu lenei tala fiafia i tagata uma. Sa filifili loa o ia a o lei oo i le Eseta, o le a ia tuuina i luga o faasitepu a ona tuaoi ni teu fugalaau laiti o le tautotogo ma ni mau e uiga i le Toetu o Iesu. Sa ia vaai faalemafaufau i o latou foliga ataata i le taimi latou te mauaina ai lana meaalofa i le taeao o le Eseta.