I le aso 18 o Tesema, 2011, sa auai le au paia o siteki e lima o Puerto Rico i se konaseti o le Kerisimasi sa faia i Paseo de las Artes i le aai o Caguas. E tusa ma le 85 tagata o le Ekalesia sa faafiafia ai, ma pe tusa ma le 2,500 tagata o le nuu sa auai ai.

I le aso 4 o Novema, 2011, sa faia ai e le autalavou matutua o le Siteki a Soweto Aferika i Saute la latou gaoioiga muamua i se fale fou o le a faaaogaina faapitoa o se nofoaga autu mo le autalavou matutua.

E silia ma le 140 nofoaga autu o loo i ai i Europa atoa, ma ni nai fale o loo taape i le Iunaite Setete. O le nofoaga autu i Soweto o le nofoaga autu lona tolu lea i Aferika; o isi nofoaga autu o loo i le Ripapelika Temokarasi o Congo ma Zimbabwe.

O se taaiga pepa o le faapogai lea o le gaoioiga faafaifeautalai o le “Fesili mo le Atua” i Nizhniy Novgorod, Rusia, sa faia i le aso 9 o Oketopa, 2011.

Mo ni nai itula, e silia ma le 150 ni tagata sa afe ane i le mea na i ai ni laulau se lua i se auala pisi, piki ni peni, ma tusi ai a latou fesili. O le aofaiga atoa, e 84 fesili sa tusia i le taaiga pepa. E toatele tagata sa faaleoina se manao mo se tali mai faifeautalai sa i ai.