O Le Liahona o la’u fetu taiala lea i lenei olaga. O le i ai o la’u Liahona, o le a ou le se ai lava. Ou te talitonu o tagata uma e faitau i mekasini a le Ekalesia e maua tonu ai lava le mea o loo ia manaomia. O au o le peresitene o le Peraimeri, ma ua ou iloa e fiafia tele tamaiti e faalogologo i tala e uiga i tamaiti e pei foi o i latou i le mekasini. O le Liahona o se tapasa e matuai tatau ona i ai i o tatou olaga; e fesoasoani tatou te aloese ai mai mailei a Satani.

Ua matuai fesoasoani tele le Liahona ia te au e ala i ona savali ma tusiga. Faatasi ai ma le olaga faigata o loo tatou i ai, e masani ona ou nofo i le aso ma faitau se tusiga mai le mekasini lea e faasoa mai ai aafiaga o olaga o isi tagata o le au paia. O nei tusiga e fesoasoani i taimi uma ia te au e maua ai le mafanafana faaleagaga ma faafou ai lou naunau e toe foi atu i le afioaga o le Atua ma Iesu Keriso faatasi ma lo’u aiga.