O Ou Tulaga Faatalalelei

O le a ou mulimuli i le fuafuaga a le Tama Faalelagi mo au.

O le a ou manatuaina au feagaiga o le papatisoga ma faalogo i le Agaga Paia.

O le a ou filifili le mea sa’o. Ou te iloa e mafai ona ou salamo pe a ou sese.

O le a ou faamaoni i le Tama Faalelagi, o isi, ma au lava.

O le a ou faaaogaina ma le faaaloalo suafa o le Tama Faalelagi ma Iesu Keriso. O le a ou le palauvale pe faaaoga upu masoa.

O le a ou faia i le Sapati mea o le a fesoasoani ai ia te au ou te lagona ai le latalata i le Tama Faalelagi ma Iesu Keriso.

O le a ou ava i ou matua ma faia lo’u tiute e faamalosi lo’u aiga.

O le a ou tausia lou mafaufau ma le tino ia paia ma mama, ma o le a ou le tagofia lava mea e faaleagaina ai au.

O le a fai lelei ou lavalava ia tausaafia e faaalia ai lou faaaloalo i le Tama Faalelagi ma au lava.

O le a ou faitau ma matamata na o mea lava e fiafia i ai le Tama Faalelagi.

O le a ou faalogologo na o musika e fiafia i ai le Tama Faalelagi.

O le a ou sailia uo lelei ma agalelei atu i isi.

O le a ou ola nei ia agavaa e alu i le malumalu ma fai le mea e tatau ona ou fai ina ia maua ai se aiga e faavavau.