Aisea e Fai ai Seminare?

O le a sau tala, o le a le mea e sili ona taua e mafai e se tagata aoga ona maua mai i le seminare ma le inisitituti? Ina ua fesili atu se vaega o tamaiti seminare i le Komesina o le Ofisa o Aoga a le Ekalesia, o Elder Paul V. Johnson o le Fitugafulu, i lenei lava foi fesili, sa ia tali mai e faapea, o le mea e sili ona taua e mafai ona e maua mai “o le molimau moni e faapea o Iesu o le Keriso. O le malamalama e faapea o le poto moni o le poto faaleagaga. O le mea lena e sau mai le Agaga Paia i o tatou loto taitoatasi. O le upumoni sili lena ona mamana, o le mea sili lena ona mamana e mafai ona maua mai le seminare ma le inisitituti. E le na ona suia ai o le mea ua e iloa; e suia ai foi lou tagata, ma e suia ai foi lau vaaiga i le lalolagi. Ma o lena ituaiga aoaoga maualuga atu e fesoasoani e faaatoatoa ai isi au aoaoga” (“A Higher Education,” New Era, Ape. 2009, 15).

O Elder Johnson o se tasi o le toatele o Pulega Aoao o e sa saunoa e uiga i faamanuiaga matagofie lea e oo mai i le auai i le seminare ma le inisitituti. O lea la, afai o loo e tau mafaufau pe aisea e tatau ai ona e alu i le seminare, o nisi nei o mafuaaga lelei faaopoopo mai perofeta ma aposetolo.