Folem rod
Ples we Jos I bin Oganaes
Kam wetem mifala blong save moa abaot wan ples we i impoten long histri blong Jos!
Sapos Magi mo Lili E. tufala i wantem luk ples we Jos i bin oganaes blong fas taem, oli no nid blong lukaot i go longwe. Hem i kolosap long doa blong japel long Feyet, Niu Yok, we oli go long jos long hem evri Sandei!
Jos i no bin oganaes long wan jos bilding, be long wan haos we oli mekem wetem wud. Profet Josef Smit i bin kam blong stap longwe wetem famle Witma long yia 1829. Fasfala haos we i bin stap long ples ia i nomo stap naoia, be smol wud haos ia i stap long sem ples.
Jos bilding we Magi mo Lili, tufala i go long jos long hem, i gat wan senta blong ol visita we oli putum, blong ol man oli luk hom blong ol Witma mo ol spesel samting we i bin hapen longwe.
1. Josef Smit i bin finisim transletem Buk blong Momon long ples ia.
2. Aotsaed, i no longwe long haos, tri man i bin luk enjel Moronae mo ol gol plet. Oli singaotem Ol Tri Witnes from oli bin witnesem, o oli bin luk ol buk ia. Yu save luk ol testemoni blong olgeta long fored blong Buk blong Momon.
3. Long 6 Epril 1830, kolosap 60 pipol i bin kam long wan spesel miting. Josef Smit i bin oganaesem Jos mo mekem i ofisol, mo oli bin blesem mo pasem sakramen. Hemia i bin fas sakramen miting!
4. Stret afta long miting ia, papa mo mama blong Josef Smit mo sam nara pipol oli bin kasem baptaes aotsaed.
Ol foto oli kam long Brent Walton; ol pikja oli kam long Robet T. Baret © IRI; Oganaesesen blong Jos, i kam long Robet T. Baret, bae oli no mas mekem kopi