Visiting Tijing Mesej
Ol Tempol Kavenan
Wetem prea, stadi long toktok ia, mo olsem we i stret, toktok raon long hem wetem ol sista we yu stap visitim. Yusum ol kwestin blong helpem yu blong mekem ol sista blong yu oli kam strong moa mo blong mekem Rilif Sosaeti i kam wan aktiv pat long laef blong yu. Blong kasem moa infomesen, go long reliefsociety.lds.org.
Fet, Famle, Help
“Ol odinens blong sevem man we oli kasem long tempol we i letem yumi blong gobak samdei long Papa blong yumi long Heven long wan famle rilesensip we i no save finis mo blong kasem endaomen wetem ol blesing mo paoa we i kam antap, i nidim evri sakrifaes mo traehad,”1 Presiden Tomas S. Monson i bin talem. Sapos yu no bin go yet long tempol, yu save rere blong kasem ol tabu tempol odinens ia tru long fasin blong:
-
Stap biliv long Papa long Heven, Jisas Kraes, mo long Tabu Spirit,
-
Stap kasem wan testemoni abaot Atonmen blong Jisas Kraes mo gospel we i kambak.
-
Stap sastenem mo folem profet we i stap laef.
-
Stap kwalifae from wan tempol rekomen tru long fasin blong pem taeting, stap klin long tingting, stap ones, kipim Tok blong Waes, mo laef gud folem ol tijing blong Jos.
-
Stap givim taem, talen, mo ol nara samting blong help bildim kingdom blong Lod.
-
Stap tekempat long wok blong famle histri.2
Presiden Monson i gohed blong tijim, “Taem yumi tingbaot ol kavenan we yumi mekem insaed [long tempol], bae yumi save gotru gud evri tes mo save winim wanwan temtesen.”3
I Kamaot long Ol Skripja
I Kamaot long Histri blong Yumi
“Bitim 5000 Sent oli bin fulumap Nauvu Tempol afta dedikesen blong hem. …
“Strong, paoa, mo ol blesing blong ol tempol kavenan i [bin sastenem] Ol Lata-dei Sent long rod blong olgeta i go long [Wes], taem oli [bin safa] from kolkol, hot, hanggri, pua, sik, aksiden, mo ded.”4
Semmak olsem ol Rilif Sosaeti sista, Sera Rij i bin givim seves olsem wan tempol woka. Hem i bin tokbaot eksperiens blong hem: “Sapos i no bin from fet mo save we mifala i bin kasem long tempol tru … long Spirit blong Lod, trip blong mifala bae i olsem wan taem long tudak. … Be mifala i bin gat fet long Papa blong mifala long Heven, … wetem filing se mifala i olsem ol pipol blong Hem we Hem i bin jusum … , mo blong mifala i harem nogud i no bin hapen be, mifala i bin filim glad long dei ia blong sevem mifala we i bin kam tru.”5
Fasin blong muv i no bin wan “taem long tudak” blong ol fetful Lata-dei Sent woman. Ol tempol kavenan blong olgeta i bin sastenem olgeta.
The End of Parley Street, i kam long Glen S. Hopkinson, oli no mas mekem kopi