Paoa blong Atonmen

Taem ol misinari oli bin tijim mi, ol stamba topik blong ol lesen blong olgeta, oltaem i Jisas Kraes mo Atonmen blong Hem. Oli bin eksplenem se Atonmen i wan presen we i kam long Jisas Kraes blong wanwan long yumi. Hem i wan presen we yumi save yusum evri dei long ol laef blong yumi taem yumi fesem ol tes o taem yumi mekem sin. Paoa blong Atonmen i leftemap tingting, i hilim, mo i helpem yumi gobak long stret mo smol rod we i lid i go long laef we i no save finis.

Taem ol misinari oli bin serem hemia, mi bin gat wan strong filing we i testifae long mi se, i tru, mo mi bin disaed blong joenem Jos.

Afta sam taem, mi bin disaed blong go long wan misin from mi bin wantem blong helpem ol naraman blong save abaot ol gudfala presen ia. Tru long fasin blong tij mo serem abaot Atonmen, mi bin luk ol narafala man oli jenis i go long wan niu wei blong laef. Wan ful jenis i bin kam, i no from mi bin harem nomo abaot Atonmen be taem mi yusum long laef blong mi tu.

Mi save se Atonmen i tru. Taem yumi invaetem paoa blong hem long ol laef blong yumi, nomata wanem situesen yumi stap long hem, evri samting bae i oraet mo bae yumi filim glad.