O Le Aiga e Totonugalemu i le Fuafuaga a le Tama Faalelagi

E fiafia Misha i le fausiaina o olo mai poloka, ae o nisi taimi e le fiafia o ia pe a salalau poloka i le eleele. Ona ia aoaoina lea o se mea faalilolilo. Pe a ia faaaogaina ni poloka e sili atu i le pito i lalo o lana olo, e maua ai e lana olo se faavae e sili atu le malosi. Sa manaomia le onosai ma le faataitai soo, ae e lei umi ae mafai ona ia fausia ni olo e lei faigofie ona pauu i lalo.

E pei lava ona aoao Misha e fausia ni olo e sili atu le malolosi, e mafai ona tatou aoaoina e fausia se aiga e sili atu le malosi. O aiga o se vaega taua tele i le fuafuaga a le Tama Faalelagi mo i tatou. Ae tatou te le’i fananau mai, sa tatou ola o ni atalii ma ni afafine agaga o le Tama Faalelagi. Ina ua oo i le taimi tatou te o mai ai i le lalolagi, sa fuafuaina e Ia ina ia tatou o mai i ni aiga. E finagalo o ia i o tatou aiga e puipuia i tatou, aoaoina i tatou, ma fesoasoani ia i tatou e toe foi atu ia te Ia.

E mafai ona tatou galulue e tuuina atu i lo tatou aiga se faavae e malosi atu. E mafai ona tatou faatinoina le auauna atu ma le fesoasoani atu i isi. E mafai ona tatou faalogo ma tautatala atu ma le agalelei i isi. E mafai ona tatou tatalo ma suesue faatasi i tusitusiga paia. E mafai ona tatou galulue faatasi ma faaalu faatasi se taimi i le faia o mea tatou te olioli ai. I le onosai ma le faataitai soo, e mafai ona tatou fausia ai se aiga e malosi atu.