2014
Toe Fitu Aso Oo i le Eseta
Aperila 2014

O Tatou Aiga, O Tatou Auaiga

Toe Fitu Aso Oo i le Eseta

E mafai ona e aoao ma lou aiga e uiga i mea na faia e Iesu a o soifua o Ia i le lalolagi. Amata i le Aso Sa a o lei oo i le Eseta. I aso taitasi, faitau le mau, fai le gaoioiga, pe usu le pese (po o se isi pese i lena autu). Ona oti ese lea ma faapipii i se pusa avanoa le ata o Iesu e fetaui ma le tala mai tusitusiga paia. E faatumulia loa pusa uma, oo mai loa le Eseta!

Aso 1

Na auina mai e le Tama Faalelagi Lona Alo, o Iesu Keriso, e fanau mai i le lalolagi.

  • Luka 2:4–7

  • “Na Ia Auina mai Lona Alo” (Tusipese a Tamaiti, 20).

Aso 2

Sa tamaitiiti o Iesu. E mafai ona tatou avea faapei o Ia e ala i le avea ma se tagata lelei ma agalelei.

  • Luka 2:40, 52

  • “Sa Tamaitiiti o Iesu” (Tusipese a Tamaiti, 34).

Aso 3

Sa tausia e Iesu poloaiga uma a le Tama Faalelagi, e aofia ai le poloaiga ina ia papatisoina.

Aso 4

Sa faia e Iesu le tele o vavega, e pei o le faamaloloina o tagata sa mama’i, fesoasoani i tagata tauaso e toe vaai, ma faafilemuina se matagi.

Aso 5

I le Talisuaga Mulimuli, na talosagaina ai e Iesu Ona soo e aai ma feinu i le faamanatuga o se auala e manatua ai o Ia. Pe a tatou tagofia le faamanatuga i vaiaso taitasi e mafai foi e i tatou ona manatua le Faaola.

  • Luka 22:19–20

  • Talanoa i ou matua e uiga i se mea e mafai ona e faia e fesoasoani ai e te mafaufau ai ia Iesu i le taimi o le faamanatuga o le Aso Sa nei.

Aso 6

Talu ai ona e alolofa le Tama Faalelagi ma Iesu Keriso ia i tatou, na afio mai Iesu i le lalolagi e puapuagatia mo a tatou agasala ina ia mafai ona faamagaloina i tatou ma toe foi atu i le Tama Faalelagi.

  • Luka 22:41–44

  • O le a se mea e mafai ona e faia i le aso e faaali atu ai ia Iesu ua e faafetai mo Lana taulaga?

Aso 7

Ina ua mavae ona i ai i le tuugamau mo aso e tolu, na toetu mai Iesu. Aua na toetu o Ia, e mafai ona tatou toetutu foi.