Ou Te Iloa E Alofa Iesu Ia Te A’u

Saunia e Jane McBride Choate

E faavae i se tala moni

E alaala le tusitala i Colorado, ISA.

Sa taumafai malosi Laney ia migao i le lotu. Ae sa le lava o ia, ma ua manao lava e faaloloa ona vae.

Ina ua uma le faamanatuga, sa susue e Laney lana tusi e uiga ia Iesu. Sa ia maua le ata o Iesu faatasi ma tamaiti laiti. Sa ia lagona ai le toafilemu ma le fiafia i le loto.

Ina ua uma le lotu faamanatuga, sa fesili Laney i lona Tina, “Aisea e faigofie atu ai ona migao ina ua ou tilotilo i la’u tusi ia Iesu?”

“Masalo ona ua faamanatu atu ai ia te oe le tele o le alofa o Iesu ia te oe,” o le tala lea a Tina.

Sa luelue atu le ulu o Laney. “Mata e iloa e Iesu ou te alofa foi ia te Ia?” o lana fesili lea.

Sa opo mai e Tina ia Laney. “Ioe, ou te iloa Na te iloa.”