Ona o Iosefa

Saunia e Ted Barnes

Matagaluega a le Au Perisitua

Aoao auala e ono e eseese ai lou soifua (pe mafai foi) ona o le Perofeta o Iosefa Samita.

Ata

Painting of a young boy kneeling looking up at a grove of trees. At the center of the painting is a young boy (age 14) kneeling. His hands are resting on his thighs and he looks up at a light source above his head. The boy wears grey trousers (with suspenders) and grey vest and an off-white shirt. The shirt has a collar and two button placket at the front and the sleeves are rolled. The young boy had blond hair that is slightly rumpled. The background his a grove of trees, almost all with no leaves. There are some low saplings immediately behind the boy. The foreground has rocks, twings and small plants sprouting. "Walter Rane 04" appears in the lower right corner in red.

Na maliu Iosefa Samita i le 170 tausaga talu ai. Na o le 38 tausaga na soifua ai, ma sa faaalu le tele o ona taimi i nofoaga e matuai le iloa lava, atonu e te le mauaina vagana o ni faafanua ua matuai auiliili. Atonu e tele mea sa ia faia i lona soifua ua outou iloa. Ae pe ua e mafaufau ea pe faapefea ona aafia ai lou lava olaga? E ui ina tele naua na auala ua le mafaitaulia, ae e mafai ona e amata i ala nei e ono:

Ona o Iosefa Samita:

1. Ua e malamalama ai pe o ai moni lava le Atua ma Iesu Keriso.

Tusa lava foi pe ana leai Iosefa Samita, e te talitonu lava i le Atua le Tama ma Iesu Keriso. E mafai ona e maua molimau a le Tusi Paia. Ae mafaufau i le loloto ma le ’oa o lou malamalama ona o le mea sa toefuatai mai e Iosefa Samita—o molimau maua’i, mautu a le Tusi a Mamona, Mataupu Faavae ma Feagaiga, ma le Penina Tautele. Mo se faataitaiga, ua e iloa se mea e le o iloa e le toatele o le lalolagi: na afio atu le Faaola toetu i Amerika—faamaonia, i Ana upu, o Ia e le na o “le Atua o Isaraelu, [ae] o le Atua foi o le lalolagi uma” (3 Nifae 11:14).

Mafaufau i le faamalosia o lau molimau i le Tama Faalelagi ma Iesu Keriso, i le molimau mamana a perofeta pei o Nifae, Alema, ma Moronae—ae le ta’ua ai Iosefa Samita lava ia, o le na tautino mai: “O loo soifua o Ia! Aua na ma vaai ia te ia, i le itu taumatau o le Atua” (MF&F 76:22–23). I se vaitau ua luitauina ai le faatuatua i le Atua ma Iesu Keriso ma tele ina lafoai, se faamanuiaga ina a tele o le i ai lea o se malamalama faaopoopo!

2. Ua e iloa o oe o se atalii/afafine o le Atua—e faapena foi tagata uma.

Ata

Youth in the Philippines are walking in a line and laughing and holding hands.

Atonu o le upumoni aupito taua na toefuatai e Iosefa Samita o le meamoni lea e uiga i lo tatou sootaga ma le Atua.¹ O Ia moni lava o lo tatou Tama. Pe ua e tu ma mafaufau i mea ua tafe mai lena mea moni? Ua suia ai lau vaai ia te oe lava: tusa lava po o a mafaufauga o le lalolagi ia te oe, ua e iloa o oe o se atalii/afafine faapelepele o le Atua, ua i ai i totonu ia te oe Ona uiga auaumama. Ua suia ai le ala e te vaai atu ai i isi: ma faafuasei ai tagata uma—tagata uma—o lou uso po o lou tuafafine. Ua suia ai le ala e te vaai ai i le olaga lava ia: o ona olioliga uma ma tofotofoga o se vaega o le fuafuaga a le Tama Faalelagi e fesoasoani ai ia te oe ia avea e faapei o Ia. E le se mea leaga foi lou pese ai i le Peraimeri!²

3. E mafai ona faavavau lou aiga.

Ata

Family posing together on a street in Hong Kong.

Aisea ua soona toatele ai tagata e faaluafesasi i le taua o le faaipoipoga ma le aiga? Atonu ona latou te le iloaina le aoaoga faavae, na toefuatai e ala mai ia Iosefa Samita, o le faaipoipoga ma le aiga ua faauuina e le Atua ma e tatau ona faavavau (tagai MF&F 49:15; 132:7). E le na o ni agamasani na faatuina e le tagata ua le toe faaaogaina—o ni vaega ia o le faatulagaga e faavavau o le lagi. Ma faafetai i ki o le perisitua ma sauniga o le malumalu ia na toefuatai mai ia Iosefa Samita, ua mafai ai ona amata lou aiga e faavavau iinei i le lalolagi.

4. Ua mafai ona e maua le perisitua ma ona faamanuiaga.

Ata

Filipino church members during a sacrament meeting.

Ona ua toefuatai mai e le Atua le perisitua e ala mai ia Iosefa Samita, ua mafai ai ona e papatiso, ma maua le meaalofa o le Agaga Paia. Ua mafai ona e sailia faamanuiaga faaleperisitua o le faamalologa, faamafanafanaga, ma le taitaiga. Ua mafai ona e osia feagaiga paia e fusia ai oe i le Atua. Ma ua mafai ona faafou au feagaiga i vaiaso taitasi pe a e ai ma inu i le faamanatuga. E ala mai i sauniga o le perisitua, e ulufale atu ai le mana o le Atua i lou olaga (tagai MF&F 84:20–21). E leai se mea o nei mea e mafai e aunoa ma le galuega na faataunuuina e Iosefa Samita.

5. Ua saoloto oe mai vaisu o mea faataumaoi.

Ata

Two young men in DR Congo playing basketball.

Pe e mafai foi pe a e usitai i le faaaliga na maua e Iosefa Samita i le 1833—a o lei taitai ona faamaonia i suesuega o le tapaa e afua ai le kanesa o le mama, ma o meainu malolosi e soota’i ma faamai o le atepili. A ua i ai se perofeta ua faaalia mai le poto o le Atua, aisea e te faatali ai i le poto o le lalolagi e iloa ai? Ua faaalia i le Upu o le Poto e popole le Atua e le gata i o tatou agaga ae faapea foi o tatou tino (tagai MF&F 89). O le mea moni, e ui ina faaalia i faaaliga ia Iosefa Samita o le i ai o se tino faitino tatou te faapei—e le itiiti ane—o lo tatou Tama i le Lagi, o le e i ai foi se tino o aano ma ivi (tagai (tagai MF&F 130:22).

6. E mafai ona e iloa le moni mo oe lava, e ala i le Agaga Paia.

Ata

A young Polynesian woman kneeling in prayer beside her bed.

Ina ua savali atu le alii talavou o Iosefa i le Vao Paia i le 1820, o le manatu taatele o le tele o lotu ua le toe i ai ni mea e igoa o faaaliga. O le Uluai Faaaliga Vaaia a Iosefa na faamaonia ai le sese. O loo tatala le lagi—ma e le mo na o perofeta. Soo se tasi e i ai se fesili, e mafai ona maua se tali e ala i le saili ma le lotomaualalo, ma le maelega i le tatalo (tagai MF&F 42:61; 88:63). Mo se faataitaiga, e mafai ona e iloaina mo oe lava o Iosefa Samita o le perofeta a le Atua, i le ala lava e tasi lea na iloa ai e Iosefa: e ala i le ole atu i le Atua lava Ia.

O le lisi lea ua na o se amataga. O le a se mea o le a e faaopoopo i ai? Ua faapefea ona ese lou olaga ona o Iosefa Samita?

Auai i le Talanoaga

O Mea e Mafaufau Loloto i ai mo le Aso Sa

E mafai faapefea ona ou faamalosia la’u molimau i le Perofeta o Iosefa Samita?
E sili atu faapefea ona ou faaalia le lotofaafetai mo le perofeta soifua e ala i a’u upu ma taga e fai?

O Mea E Te Ono Faia

I le lotu, faatasi ai ma lou aiga ma uo, po o ala o faasalalauga, faasoa le ala ua faatosinaina ai e le Perofeta o Iosefa Samita lou olaga.
Pei lava o le mea na faia e Iosefa Samita, fai au fesili i le Tama Faalelagi. Faaavanoa se taimi e tootuli ai i le tatalo ma ole atu ia te Ia mo se taitaiga. A uma, faatalitali ma faalogologo mo manatu ma lagona. Ia tusia ou manatu i lau api o talaaga.
Faitau le lauga “Iosefa Samita” a Elder Neil L. Andersen o le Korama a Aposetolo e Toasefululua mai le konafesi aoao ia Oketopa 2014. Fai se fuafuaga e faaaoga manatu e lua o loo ia tuuina mai, e fausia ai ma faasoa lau molimau e uiga ia Iosefa Samita.