“E sili atu ona taua ia i tatou le perofeta soifua nai lo le perofeta ua maliu. …

“E lei faatonuina Noa i faaaliga a le Atua na oo mai ia Atamu. … Sa manaomia e Noa se faaaliga e patino ia te ia lava. O le mea lea, o le perofeta aupito taua e oo mai i le taimi nei ia te oe ma au o ia lea o loo soifua mai i o tatou aso ma le augatupulaga, o le o loo faaalia mai i ai e le Alii Lona finagalo mo i tatou. O le mea lea, o le mea aupito sili ona taua e mafai ona tatou faitau i ai, o soo se upu lava lea a le perofeta o loo i ai i totonu o Mekasini a le Ekalesia i masina taitasi. O faatonuga mo i tatou e uiga i mea e tatau ona tatou faia i lea ono masina ma lea ono masina, …o loo lomia i le mekasini o le [Liahona]. …”

“Ia faaeteete ia i latou o e faatuina mai perofeta maliliu e faasaga tau mai ai i perofeta soifua, aua e sili lava i taimi uma perofeta soifua.”