Bisopi Dean M. Davies

“Niu se cauravou lailai,” a kaya o Bisopi Dean M. Davies, “au dau marau ni dau koti vinaka duadua tu neitou matanivale e kea, kau vulica kina e dua na lesoni bibi: ni sasaga vakaukauwa cake sa rawa me veisautaka na veika kece eda dau cakava.” Na soli igu vakaukauwa cake sa ivakatagedegede tudei a laki vakarautaki koya vinaka cake me iMatai ni Daunivakasala vou ena Matabisopi Vakatulewa.

A veiqaravi tu mai o Bisopi Davies vaka-iKarua ni Daunivakasala kivei Bisopi Gary E. Stevenson, ka a tokoni me lewe ni Kuoramu ni iApositolo Le Tinikarua ena 3 ni Okotova, 2015.

A sucu o Dean Myron Davies e Salt Lake City, Utah, Amerika ena 1951. A tubu cake o koya ni dua vei ira na walu na gone. A vakavinavinaka vei ira na itubutubu era sega walega ni lomana ka susugi ira cake na luvedra ia era vukei ira mera marautaka na veivakalougatataki ni cakacaka. A vakamau kei Darla James ena 1973, ena Valetabu e Salt Lake. E lima na luvedrau ka 14 na makubudrau.

A vulica talega o Bisopi Davies e dua na lesoni bibi ena nona a vakaitikotiko mai San Francisco, California, Amerika ena 1989. Ena gauna ni dua na uneune, a raica o koya na vakacaca levu ki na veitabavale era sega tu na kena yavu vinaka. “Niu vakananuma tiko na veika era yaco ena siga o ya au vakadeitaka tale ena noqu vakasama kei na yaloqu ni kena rawa ni vorati na cagilaba, uneune, kei na vakadomobula ni bula, sa dodonu meda tara cake ena dua na yavu dei… na yavu i Jisu Karisito” (“Dua na Yavu Dei,” Liaona, Me 2013, 9).

A cakacaka tu mai ena Lotu o Bisopi Davies vakatekivu mai na Julai 1995. Dua na gauna sa oti a manidia dairekita ni Tabana ni Veivakatorocaketaki Digitaki, ka nona ilesilesi na iyauqaqa taukeni ena inaki digitaki, droinitaki ni valetabu, kei na tara valetabu.

Ni bera ni cakacaka ena Lotu, a cakacaka tu o Bisopi Davies ena High Industries, Inc., e Lancaster, Pennsylvania, kei na Bechtel Investments, Inc., e San Francisco, California. A rawata o koya na koroi ena economics ni teitei mai na Brigham Young University ka qai taura e muri na veituberi ni veiliutaki mai na Stanford kei na Northwestern Universities.

A peresitedi o Bisopi Davies ena Tabana ni Kaulotu e Puerto Rico San Juan, daunivakasala nei peresitedi ni kaulotu, peresitedi ni iteki, daunivakasala nei peresitedi ni iteki, sekeriteri liu ni iteki, lewe ni matabose e cake, ena vica na matabisopi, ka laki kaulotu tudei ena Tabana ni Kaulotu e Uruguay/Paraguay.