Ngaahi Talanoa ʻo e Tohi ʻa Molomoná
Ko e Fononga ki he Fonua ʻo e Talaʻofá
Mei he ʻEta 2–3; 6
Naʻe nofo ʻa Sēleti mo hono tokouá ʻi ha teleʻa mo hona fāmilí mo e kaungāmeʻá. Naʻe ʻaʻahi mai ʻa Sīsū Kalaisi ki he tokoua ʻo Sēletí. Naʻá Ne fekau kiate ia ke ne foʻu ha ngaahi vaka ke fetuku atu hono kakaí ʻi he ngaahi vaí ki he fonua ʻo e talaʻofá.
Naʻe foʻu ʻe he kakaí ha ngaahi vaka ʻo ʻikai ha ngaahi matapā. Naʻe hohaʻa ʻa e tokoua ʻo Sēletí pe ʻe founga fēfē haʻanau mānava mo mamata. Naʻe folofola ʻa Sīsū ʻoku totonu ke nau ʻai ha ngaahi ava ʻi he vaká ke hū atu ai ha ʻea.
Kae fēfē nai ha maama? Naʻe ngaohi ʻe he tokoua ʻo Sēletí ha ngaahi foʻi maka hinehina ʻe 16. Naʻá ne kole kia Sīsū ke Ne ala muʻa ki ai ʻaki Hono louhiʻi toʻukupú ke fakaulo ia.
Naʻe mamata ʻa e tokoua ʻo Sēletí ki he ala ʻa Sīsū ki he foʻi maka takitaha ʻaki Hono louhiʻi toʻukupú. Naʻe ulo ngingila ʻa e ngaahi foʻi maká. Koeʻuhí ko e lahi e tui ʻa e tokoua ʻo Sēletí, naʻá ne mamata kia Sīsū Kalaisi!
Naʻe ʻomi ʻe he ʻOtuá ha ngaahi matangi ʻo ne ʻave ʻa e ngaahi vaká ʻi he ngaahi vaí. ʻI heʻenau tūʻuta ki he fonua ʻo e talaʻofá, naʻe lotu ʻa e kau Sēletí ʻo fakamālō ki he ʻOtuá ʻi hono maluʻi kinautolú.
ʻE lava ke tau hangē ko e tokoua ʻo Sēletí ʻi he taimi ʻoku tau falala ai ki he ʻOtuá mo maʻu ha tui kia Sīsū Kalaisí.