Mga Kapanguhaan alang sa may Problema sa Pandungog

“Aron sa pagtabang sa mga miyembro nga may problema sa pandungog, ang mga teknolohiya nga gihatag sa Simbahan anaa sa mga templo ug mga meetinghouse,” nag-ingon ang usa ka pahibalo nga gipadala ngadto sa mga lider sa tibuok kalibutan niadtong Septyembre 14, 2017. “Ang mga lider kinahanglan nga pamilyar niini nga mga teknolohiya ug mosiguro nga ang tanan nga mahimong makabenepisyo nahibalo ug makagamit sa ekipo.”

Sa mga templo, ang mga miyembro nga dunay problema sa pandungog makahangyo og headset nga mogamit og infrared system nga nagsibya sulod sa templo. Diha sa mga meetinghouse, ang mga miyembro maka-access og radio frequency system pinaagi sa (1) mga radio frequency (RF) assistive listening receiver, gagmay nga mga device nga mogamit sa audio system sa chapel o cultural hall aron mapakusgan ang tingog ngadto sa usa ka earpiece, o (2) assisted listening system (ALS) nga mga neck loop nga direktang nagsibya sa tingog ngadto sa T-coil-compatible hearing aid sa usa ka indibidwal.

Ang pahibalo dugang nga nagtudlo nga ang “mga ward ug mga branch kinahanglang adunay daghang [RF] receiver ug [ALS] neck loop. Kon gikinahanglan, ang dugang nga mga device mahimong i-request pinaagi sa physical facilities representative sa stake.”