Tulo ka Templo Gipahinungod

Sukad sa kinatibuk-ang komperensya sa Abril 2017, tulo ka mga templo ang gipahinungod o gipahinungod og usab. Ang Paris France Temple gipahinungod niadtong Mayo, ang Idaho Falls Idaho Temple (USA) niadtong Hunyo, ug ang Tucson Arizona Temple (USA) niadtong Agosto.

Ang Meridian Idaho Temple (USA) ipahinungod sa Nobyembre 19, 2017; ang Cedar City Utah Temple (USA) sa Disyembre 10; ug ang Jordan River Utah Temple (USA) ipahinungod pag-usab sa Mayo 20, 2018.

Ang mga plano gipahibalo na, o ang pagpangandam ug ang pagtukod nagpadayon, sa 23 nga mga templo sa tibuok kalibutan. Unom ka mga templo kasamtangang gisirad-an aron ayuhon, ug lima ka mga templo ang gi-iskedyul nga isirado aron ayuhon sa 2018.