Kabatan-onan
Pagpangandam sa Pagpaminaw sa Tingog sa Dios
Gipasabut ni Presidente Uchtdorf sa unsang paagi ang unang butang nga gihimo sa Dios human sa paglalang sa lalaki ug babaye mao ang pagpakig-istorya kanila ug paghatag kanila og bililhong impormasyon ug mga instruksyon. Makuha nato ang mao gihapong panalangin diha sa Abril ug Oktubre nga kinatibuk-ang komperensya, kon ang mga lider sa Simbahan mamulong kanato ug mohatag kanato sa tambag nga gusto sa Ginoo nga atong madungog.
Nadungog na ba ninyo ang tingog sa Dios pinaagi sa Iyang mga sulugoon atol sa kinatibuk-ang komperensya? Mibati na ba mo nga sama og ang usa ka piho nga mensahe mitubag sa pangutana nga inyong gipangita? Sa journal, pwede ninyong isulat ang kasinatian ug sa unsang paagi kini nakatabang ninyo. Dayon pangandami ang pagpaminaw sa tingog sa Ginoo niining umaabut nga komperensya pinaagi sa pagsulat sa imong mga pangutana ug sa pagtuon niini atol sa inyong pagtuon sa kasulatan. Pag-ampo sa Langitnong Amahan, mangayo nga makadawat og mga tubag ug mga panabut atol sa komperensya. Samtang maminaw kamo sa mga sulugoon sa Ginoo, tutuki ang tinagsa nga mga pag-aghat. Unsay inyong nakat-unan? Sa unsang paagi kamo nadasig aron mag-usab? Isulat kadto nga mga pag-aghat kay kana mao ang Espiritu nga namulong kaninyo!
Hinumdumi sa kanunay nga gihigugma kamo sa Langitnong Amahan ug giyahan kamo sa eksaktong direksyon. Samtang maningkamot kamo sa pagpaminaw sa Iyang tingog pinaagi sa Iyang mga sulugoon, mapanalanginan ug malig-on kamo.