Ang pagpili og kapikas usa ka dakong desisyon, ug nakapalisang kanako. Unsaon nako sa pagkahibalo nga eksakto ang akong pagpili?

Imahe

bride and groom in front of the Manila Philippines Temple

Ang pagdesisyon kinsa ang pakaslan butang nga makaapekto sa imong kalipay niining kinabuhia ug sa kahangturan. Apan kinahanglang dili kini hinungdan sa imong kabalaka nga moparalisar hinoon kanimo sa katapusan. Mabatunan nimo ang kalinaw ug kalipay mahitungod niini nga desisyon kon sundon nimo ang mga sugo ug sundon ang maayong tambag. Aniay pipila ka butang mahitungod niini nga kanunayng itudlo sa mga lider sa Simbahan:

Dunay daghang kalagmitan sa “eksaktong” mga pagpili kon kinsa ang imong pakaslan. Pakig-ila-ila og daghang tawo. Pakig-date og mga tawo nga taas og mga sumbananan. Pagpakabuhing takus. Kon young adult ka, pakig-date og mga tawo nga imong madala sa templo. Ang potensyal nga kapikas mao ang tawo nga nailhan na kaayo nimo aron mahibaloan kon makasulod ba kamong duha sa pakigsaad uban sa Langitnong Amahan. Pangayo og tambag sa imong mga ginikanan. “Magtuon niini diha sa imong hunahuna” ug dayon “mangutana sa [Dios] kon kini husto” (D&P 9:8). Ang kumpirmasyon nga imong madawat posibling moabut sa managlahing paagi, apan ang laing tawo kinahanglang may kumpirmasyon usab. Kon mopasalig na kamo sa usag usa, trabahoa ang pagkahimong “perpektong kaparis.”