Elder Ciro Schmeil

Si Elder Ciro Schmeil kanunay nga naningkamot nga magmasulundon sa Ginoo, bisan kon wala siya makasabut sa rason luyo sa usa ka piho nga sugo. “Kon magmasulundon kita, kon mosunod kita sa mga sugo,” iyang nakat-unan, “ang Ginoo kanunay nga mopanalangin kanato.”

Sa pagtuman sa iyang mga calling, iyang nakita ang mga panalangin nga moabut gumikan sa pagkamasulundon. Samtang nagserbisyo isip bishop ug presidente sa stake, aduna siyay daghang bililhon nga mga oportunidad nga “makakita sa mga tawo nga nag-usab sa ilang kinabuhi tungod sa ilang pagpamatuod sa Manluluwas ug sa Basahon ni Mormon.”

Si Elder Schmeil natawo niadtong Abril 16, 1971, sa Ponta Grossa, Paraná, Brazil, ngadto kang Bruno ug Erica Schmeil, pareho nga mga kinabig sa Simbahan. Nagdako siya sa Curitiba, Brazil, ug dungan-dungan sa panahon nga ang iyang mga ginikanan gitawag nga mangulo sa Brazil Campinas Mission, mibiya siya aron moserbisyo sa Utah Ogden mission.

Samtang nag-eskwela sa University of Utah, nahimamat ni Elder Schmeil si Alessandra Machado Louza, usa ka estudyante sa Brigham Young University, sa usa ka debosyonal. “Sa pagkita namo sa unang higayon diha sa debosyonal, hingpit niya akong gibaliwala,” miingon siya. Apan alang kaniya, gugma kini sa unang pagkakita.

Naminyo sila sa São Paulo Brazil Temple niadtong Hulyo 1994 ug mihuman sa ilang pag-eskwela sa Estados Unidos. Mibalik sila ngadto sa Brazil sulod sa 20 ka tuig sa wala pa mobalhin ngadto sa Colorado, USA, ug dayon ngadto sa Florida, USA. Si Elder ug Sister Schmeil mga ginikanan sa duha ka anak.

Si Elder Schmeil nakaangkon og bachelor of arts degree in architectural studies gikan sa University of utah niadtong 1995 ug executive master of business administration degree gikan sa Ohio University niadtong 2010. Nakatrabaho siya sa Walmart Brasil isip vice president ug director sa real estate development, isip chief operating officer sa Scopel, isip general manager sa Cia City, ug sa labing ulahi isip pangulo sa real estate alang sa JBS S.A.

Si Elder Schmeil nakaserbisyo isip Area Seventy, presidente sa stake, magtatambag sa kapangulohan sa stake, bishop, presidente sa elders quorum, ug presidente sa branch.