Ang Pagkahibalo kon Unsaon ug Unsa ang Atong Gisimba

Sa Doktrina ug mga Pakigsaad seksyon 93, ang Dios nagpadayag og piho nga mga kamatuoran mahitungod ni Jesukristo aron kita “masayud unsaon sa pagsimba, ug masayud unsa ang [atong] gisimba” (bersikulo 19). Kining kinabuhia mopresentar kanato og daghang kalinga sa atong tinuod nga pagsimba sa atong Langitnong Amahan ug ni Jesukristo.

“Bisan unsa nga butang nga anaa sa iyang kasingkasing ug iyang gisaligan pag-ayo mao ang iyang dios,” misulat si Presidente Spencer W. Kimball (1895-1985) ngadto sa mga miyembro sa Simbahan niadtong 1976; “ug kon ang iyang dios nahitabo nga dili tinuod ug buhi nga Dios sa Israel, kana nga tawo nagsimba sa dios-dios.”

Ang mosunod mao ang usa ka mubo nga kinutlo gikan sa magamit gihapon nga mensahe ni Presidente Kimball:

Imahe

young man leaning against a pedestal on which a car sits

Paghulagway ni Katie Payne

“Usa ka batan-on nga tawo, sa dihang gitawag sa usa ka misyon, mitubag nga wala siyay daghan nga talento alang nianang butanga. Maayo lamang siya sa pagpakondisyon sa iyang kusgan nga sakyanan. …

“Sa gihapon, ang iyang amahan kontento na nga moingon, “Ganahan siya nga mobuhat og mga butang sa iyang kaugalingon. Maayo na kana alang kaniya.’

“Maayo na kana alang sa usa ka anak sa Dios? Kini nga batanong lalaki wala makaamgo nga ang gahum sa iyang sakyanan maoy kinagamyan kon itandi sa gahum sa dagat, o sa adlaw, ug adunay daghang mga adlaw, nga ang tanan gidumala sa balaod ug sa priesthood, nga sa kaulahian—usa ka gahum sa priesthood nga iya unta nga mapalambo diha sa pagserbisyo sa Ginoo. Gipili niya ang makalolooy nga dios, usa ka butang nga hinimo og puthaw ug guma ug sinaw nga metal. …

“Klaro ang atong buluhaton: sa pagbiya sa mga butang sa kalibutan ingon nga mga tumong sa ilang mga kaugalingon; ang paglikay sa pagsimba sa mga dios-dios ug magpadayon diha sa hugot nga pagtuo. …

“… Kon nagsugod na ang tawo sa pagkasabut sa tinuod nga buluhaton, kon nagsugod na siya sa pagkakita sa gamay nga bahin sa kahangturan sa tinuod nga panglantaw, ang mga panalangin magsugod nga molabaw pa kaimportante sa pagbiya sa “kalibutanon.”¹