Nakomai, Iriirai
Te Taetae ni Kaikonaki iroun te Aomata ae Kakannato: Te Reirei iaon te Ongotaeka
Reirei ao Berita aika Tabu 101:43–62 karakina te taetae ni kaikonaki are taekinaki ni kabwarabwara bwa bukin tera a kakioakinako aika Itiaki mai Missouri.
N te taetae ni kaikonaki, toro a waaki ni katea te taua ma imwiina a baireia bwa “e aki kainnanoaki” kateana (Reirei ao Berita aika Tabu 101:49). Ma ibukina bwa aki katea te taua, akea te kauring nakoia ngke a roko aia kairiribai n rin ao ni urua te nne ni kureebe.
Te aomata are e kakannato e tuangiia ana toro bwa a na uniki kureebe ao ni katea oo ni katobibi aroka ao te taua bwa e aonga te tia taratara ni kona n taratara te aba.
Tooro a uniki kureebe ao a katei oo ma a baireia bwa a na aki katea te taua.
Te kairiribai ae aki nooraki e urua te nne ni kureebe.
Kamataata n te tamnei iroun Ben Simonsen
I a tia n raraoma n ana tua te Atua?
Ko a tia, n riki n aron te toro, ae e titiraki ngkana te tua e bon riai n iai? Te taetae ni kaikonaki aei e reirei bwa ana tua te Uea e kataniira ao e buokiira bwa tina maiu ma te kukurei (taraa naba Motiaea 2:41; Reirei ao Berita aika Tabu 82:8–10).
Tera ae ti kona ni karaoia ngkana ti aki ataa bukin kainnanoan te tua?
-
Kamatebwaia atuun te reirei ao tataro bwa te Uea e na buokiira “namakinna bwa e bon eti” (Reirei ao Berita aika Tabu 9:8).
-
Uringi taai ake ngkoa ngke te ongotaeka e uoti kakabwaia.1
-
Mwakuri ma te onimaki, onimakinna bwa tina matata “imwiin kataakin [ara] onimaki” (Ita 12:6).