Nakomai, Iriirai
Tera Kakabwaia Aika A na Karekei Naake a Itiaki Nanoia?
Kamataata n te tamnei iroun Dan Burr
Ni mwakoro aikai ti reiakina taekan ana tua te uea nakoia naake a Itiaki n taai akekei bwa a na katea te tembora.
“Ake a Itiaki Nanoia … A na Noora te Atua”
Ni mwakoron 97, te Uea e berita bwa ngkana Aika a Itiaki a katea te tembora ao a kawakina itiakina, “ni kabane ake a itiaki nanoia ake a na roko nako iai a na noora te Atua.” (kibu 16). Imwiin taekinan te kibu aei n te maroro n te maungatabu ni kabuta, Unimwaane David B. Haight (1906–2004) man te Kooram n Abotoro n te Tengaun ma Uoman e taku:
“E koaua bwa tabeman a bon tia n noora te Tia Kamaiu, ma ngkana temanna e noora te rikitionare, e reiakinna bwa a mwaiti riki nanon te taeka taraa, n aron ae reken ataakina, noorakina, kinaakina ao Ana mwakuri, butimwaean kakaawakina, reken te matata irouna.
“Kakukurei mai karawa ao kakabwaia akanne ake a tauraoi ibukira n tatabemaniira.”1
N te aro raa ae ko a tia iai n noora te Atua ni kaotia inanon te tembora?
Waaki ni kakukurei ni Kamatebwai ni Booki aika Tabu
Kibu aikai a kabwarabwarai tabeua kakabwaia ake a roko nakoia ake a itiaki nanoia:
Marooro
Tera ae ko rang kakaitau iai ibukin am kona n roko n te tembora?