Ana Kaembwa Tion—Katauraoi ni Beku ibukin te Uea

Tamnei

article on Zion’s Camp

Imwiin aia kurubu membwa n te Ekaretia ae a kinaaki bwa ana Kaembwa Tion a tia ni mwaati tebubua te maire ni buokiia raoia Aika Itiaki ni Boong aika Kaitira, te Uea e tuanga Iotebwa Timiti bwa e na kamaenakoia te kurubu, e ngae ngke a taku bwa a tuai ni kakoroa bukin aia kouru. Ibukin aei, tabeman a arana ana Kaembwa Tion bwa e kabwaka, ma naake a ira te waaki a kakoaua bwa te bwai are a rinanona e katauraoia ibukin taai aika a na roko ni beku ibukin te Uea.

N tain te mwaati ae abwabwaki, tabeman kaain te kaembwa a meremere ao a taetae ni kaitara te burabeti Iotebwa Timiti ma tabeman a kakaonimaki nakoina ao a reiakinna n tataonakinnano ao te ongotaeka.

• Beberuare 1834: Iotebwa Timiti e karekea te kaotioti bwa e na kakaaia te mwaiti ae 100 aomata bwa a na mwaati nako Missouri ao ni buokiia Aika a Itiaki ni manga kaoki abaia i Jackson County.

• Te ka 2 ni kurubu ake a toui kawaia aika kakaokoro a kaitibo inanon Tuun.

• Iai 205 mwaane, ao 25 aine ao ataei ake a iria.

• A mwaati imarenan 20–40 maire (32 nakon 64 km) n te bongina.

• Angiina a mwananga n te raroa ae raka iaon 900 maire (1,450 km) rinanon 4 taabo.

• 13 Aika Itiaki a mate man butinakon te korera n te kaembwa.

• 8 mai irouia taan moan 12 Abotoro ni boong aika kaitira ake a beku n te kaembwa aei.

• Ni kabane mairouia taan moan Kaitingaun ni boong aika kaitira aika a kaina te kaembwa.

• Tuun 1834: Te Burabeti Iotebwa e karekea te kaotioti bwa ana Kaembwa Tion e aikoa kainnanoaki.