Mga Panalangin sa Buhat sa Templo ug Family History

Imahe

family standing in front of a temple

Ibabaw: gilitratohan ni Sally Crosbie

Ako nakasinati og daghang mga panalangin sa akong kinabuhi pinaagi sa pag-apil sa buhat sa templo ug family history ug usab nakasaksi diha sa mga kinabuhi sa uban nga dili pa gayod ulahi kaayo ang pagdawat niini nga mga panalangin alang sa mga buhi ug patay nga mga sakop sa pamilya.

Sa Abril 2018 nga kinatibuk-ang komperensiya, si Elder Dale G. Renlund miingon: “Kon sugoon kita sa Dios og usa ka butang, sa kasagaran daghan siya og tuyo sa paghimo niini. Ang buhat sa family history ug sa templo dili lamang alang sa mga patay apan mopanalangin usab sa mga buhi.” Si Elder Renlund dayon mihisgot sa daghang mga panalangin, lakip sa pagkaayo nga mga panalangin nga makaabot sa atong mga pamilya samtang nag-apil kita sa buhat sa templo ug sa family history (tan-awa sa “Buhat sa Family History ug Templo: Pagselyo ug Pagkaayo,” Liahona, Mayo 2018, 46–47).

Niini nga isyu, pipila ka mga miyembro sa Simbahan ug ako nagpakigbahin kon sa unsang paagi ang Langitnong Amahan nagpanalangin kanato pinaagi sa buhat sa templo (tan-awa sa mga pahina 12, 14, 16, 30, ug 46). Tubagon nato ang nagkalain-laing mga pangutana, sama sa “Unsaon nako sa pagpangandam ang pag-adto sa templo sa unang higayon?” “Unsaon nako sa pakig-istorya ngadto sa akong mga higala mahitungod sa templo?” ug sa akong artikulo, “Unsaon nato sa paghimo nga ang templo maduol kanato kon kini sa pisikal nga paagi layo kaayo?”

Tanan kita makasinati og pagkaayo nga mga panalangin sa atong mga kinabuhi, sa walay pagsapayan sa atong mga hagit, samtang kita maningkamot kutob sa mahimo sa pag-apil sa buhat sa templo ug family history. Pinaagi sa atong indibidwal nga mga paningkamot, walay pagsapayan kon unsa ka gamay sa atong paghunahuna niini nga mahimo, tanan kita makatabang sa pagpadayon sa buhat sa Ginoo sa pagtubos sa atong mga patay ug sa paglig-on sa atong mga pamilya.

Matinuoron,

Lisa Prebble

Devonport Australia Stake