Mga Sukaranan sa Ebanghelyo
Buhat sa Templo
Ang mga templo mga balay sa Ginoo. Kita makadawat sa mga ordinansa ug makahimo og mga pakigsaad uban Kaniya diha sa mga templo. Kita usab makahimo og mga ordinansa diha sa templo alang sa atong mga katigulangan.
Litrato sa Barranquilla Colombia Temple ni Bruno Lima; litrato sa babaye diha sa atubangan sa Oquirrh Mountain Utah Temple ni Nexeo ug Matthew Reier; litrato sa magtiayong naglakaw nga milabay sa Manila Philippines Temple ni Cristina Smith; litrato sa bunyaganan sa Lisbon Portugal Temple ni Leslie Nilsson; litrato sa pamilya diha sa atubangan sa Philadelphia Pennsylvania Temple ni Cody Bell
Sa tibuok kasaysayan, ang Ginoo mimando sa Iyang mga katawhan sa pagtukod og mga templo. Ang mga templo mao ang balaang mga dapit diin kita mobati sa gugma sa Dios, modawat sa mga ordinansa, ug mohimo og mga pakigsaad uban Kaniya. Ang Simbahan nagtukod og mga templo sa tibuok kalibotan aron mas daghan pa nga mga tawo ang makaangkon niini nga mga panalangin.
Ang Pagtuga
Ang mga miyembro sa Simbahan kinsa nagpuyo sa matarung nga paagi moadto sa templo aron sa pagdawat sa mga ordinansa ug paghimo og mga pakigsaad, o mga saad, uban sa Dios. Usa ka ordinansa nga atong madawat sa templo mao ang pagtuga. Ang pulong nga pagtuga nagpasabot og “usa ka gasa.” Ang pagtuga sa templo maoy usa ka gasa gikan sa Dios. Niini nga ordinansa kita nagkat-on mahitungod sa plano sa Langitnong Amahan alang sa atong kaluwasan, ug naghimo kita og mga pakigsaad sa pagsunod sa mga sugo sa Dios. Kon kita matinud-anon sa mga pakigsaad nga atong gihimo, ang Dios mopanalangin kanato.
Paghiusa og Selyo sa mga Pamilya
Litrato sa Barranquilla Colombia Temple ni Bruno Lima; litrato sa babaye diha sa atubangan sa Oquirrh Mountain Utah Temple ni Nexeo ug Matthew Reier; litrato sa magtiayong naglakaw nga milabay sa Manila Philippines Temple ni Cristina Smith; litrato sa bunyaganan sa Lisbon Portugal Temple ni Leslie Nilsson; litrato sa pamilya diha sa atubangan sa Philadelphia Pennsylvania Temple ni Cody Bell
Ang kaminyoon diha sa templo gitawag usab og pagselyo. Kon ang usa ka magtiayon giselyo diha sa templo ug sila naghupot sa ilang mga pakigsaad, sila mahimong minyo sa kahangtoran. Kon sila adunay mga anak, kadto nga mga anak iselyo usab ngadto kanila. Ang mga ginikanan kinsa giselyo human sila makabaton og mga anak makapabugkos sa ilang mga anak ngadto kanila. Kon sila nagpuyo sa matarung nga paagi, sila mahimong usa ka pamilya hangtod sa hangtod.
Buhat sa Templo alang sa Tanang mga Anak sa Dios
Litrato sa Barranquilla Colombia Temple ni Bruno Lima; litrato sa babaye diha sa atubangan sa Oquirrh Mountain Utah Temple ni Nexeo ug Matthew Reier; litrato sa magtiayong naglakaw nga milabay sa Manila Philippines Temple ni Cristina Smith; litrato sa bunyaganan sa Lisbon Portugal Temple ni Leslie Nilsson; litrato sa pamilya diha sa atubangan sa Philadelphia Pennsylvania Temple ni Cody Bell
Kita naghimo sa family history nga buhat aron sa pagpangita mahitungod sa atong mga katigulangan. Dayon atong himoon ang buhat sa templo alang kanila. Atong ipahigayon alang kanila ang tanan nga mga ordinansa nga gikinahanglan sa buhi: bunyag, kumpirmasyon, pagdawat sa pagkapari (alang sa mga lalaki), pagtuga, ug pagselyo. Sila makapili dayon kon sila gusto bang modawat niini nga mga ordinansa. Niini nga paagi, ang tanang mga anak sa Dios makapahimulos sa mga panalangin sa ebanghelyo.
Mga Panalangin sa Buhat sa Templo
Kon kita motuman sa mga pakigsaad nga atong gihimo didto sa templo, kita mapanalanginan, mapanalipdan, ug mapalig-on. Kita makabaton sa gahom sa pagkapari uban kanato. Ang atong mga pamilya magkauban sa kahangtoran.
Ang templo usa usab ka dapit sa kalinaw ug pagpadayag. Samtang kita naghimo sa buhat sa templo, kita makadawat og espirituhanong giya ug makabati sa gugma sa Dios.