Dali, Sunod Kanako
Unsaon nato pagkuha sa mga gahom sa langit?
Sa Doktrina ug mga Pakigsaad 121:36 atong nakat-onan nga “ang mga gah[o]m sa langit dili madumala ni madala gawas lamang diha sa mga bar[o]ganan sa pagkamatar[o]ng.” Ang mga bersikulo 40 ug 41 naghatag og pipila ka mga ehemplo sa matarong nga mga baroganan. Ang pagkat-on sa pagpuyo pinaagi niini nga mga baroganan motabang kanato sa pagkuha sa mga gahom sa langit ngadto sa tanang aspeto sa atong mga kinabuhi.
Unsa ang ipasabut sa magmainantuson?
Usa ka katin-awan sa pagkamainantuson mao ang pagbaton og kabatid sa paglahutay sa paghatag og gugma, bisan kon kita mobati nga nag-inusara, nasakitan, o nasagmuyo. Nakaila ka ba og uban kinsa mga ehemplo sa pagkamainantuson? Unsaon nimo sa pagsunod sa ilang ehemplo?
Unsaon ko sa pagpakita og kaaghup?
Kabahin sa pagkamaaghop mao ang pag-ila sa mga kalamposan sa uban.1 Aduna bay usa ka tawo sa imong kinabuhi nga imong sinserong mapahalipay o madayeg?
Ako nagpakita ba og kinasingkasing nga gugma?
Ang balaan nga gugma tinuod. Sa unsa nga paagi ikaw makapalambo og mas tinuod nga gugma alang sa mga tawo nga naglibut kaninyo? Ang kapitulo 6 sa Isangyaw ang Akong Ebanghelyo nagtudlo kon unsaon sa pagpalambo og Kristohanong mga hiyas ug naglista og pipila ka mga kasulatan nga mahimo nimong tun-an mahitungod sa gugma.2