Dali, Sunod Kanako
Unsay buot ipasabot sa pagbaton og kaligdong?
Sa Doktrina ug mga Pakigsaad 124:15, miingon ang Ginoo nga Siya nahigugma ni Hyrum Smith “tungod sa kaligdong sa iyang kasingkasing.” Hunahunaa kon sa unsang paagi ikaw makapakita og kaligdong diha niini nga mga bahin sa imong kinabuhi:
Propesyonal nga Kaligdong
Naglakip kini sa pagbuhat sa imong labing maayo diha sa imong trabaho o sa buluhaton sa eskwelahan ug dili moangkon sa pagdayeg alang sa buhat sa uban.
Nangutana si Presidente Russell M. Nelson: “Kon gisweldohan aron sa pagtrabaho, ikaw hingpit ba nga matinuoron ngadto sa nagsweldo kanimo? O ikaw mitugot ba sa imong kaugalingon nga mahimong minos sa pagkamaunungon?”1
Kaligdong sa Isigkatawo
Naglakip kini sa pagtubag alang sa imong mga sayop ug sa pagbuhat sa unsay imong gisaad sa uban nga imong buhaton.
“Ang kaligdong nagpanalipod sa gugma sa pamilya, ug ang gugma naghimo sa kinabuhi sa pamilya nga buhong ug madasigon—karon ug hangtod sa kahangtoran.”2
Ikaw ba nagtuman sa imong mga saad ngadto sa uban?
Espirituhanon nga Kaligdong
Naglakip kini sa pagpabiling tinuod ngadto sa imong nangaging espirituhanong mga kasinatian ug sa dili paglimod niini.
“Ang atong pagtinguha sa kahayag mapalambo pinaagi sa atong kaandam sa pag-ila kon kini nagdan-ag sa atong mga kinabuhi.”3
Unsa nga espirituhanong mga kasinatian ikaw aduna nga dili ka makalimod?
Ikaw Takos sa Kaligdong!
Si Presidente Nelson nag-awhag kanato: “Ang imong bililhon nga pagkatawo takos sa imong bililhong kaligdong! Bantayi kini isip ang ganti nga bililhon kaayo nga kini mao.”4