Pasko ug ang Pagpundok sa Israel

Ang Pasko nagpahinumdom nato sa hingpit ug malungtaron nga gugma sa Langitnong Amahan. Walay gasa ang makatupong gayod sa balaan nga halad nga gihatag sa Dios sa pagluwas sa Iyang mga anak: ang Iyang Bugtong Anak, si Jesukristo. Gikan sa Manluluwas magagikan ang “matag maayo nga butang” (Moroni 7:22), lakip sa posibilidad sa paggahin sa kahangtoran uban sa atong mga minahal agi og katumanan sa mahinungdanong plano sa kalipay sa Langitnong Amahan.

Unsay atong posibling mahimo aron sa pagpakita og pasalamat ngadto sa Langitnong Amahan alang niining talagsaong mga gasa? Usa ka butang nga atong mabuhat mao ang pagtabang Kaniya sa pagtuman sa Iyang buhat. Ang Ginoo miingon ngadto ni Moises, “Kay tan-awa, mao kini ang akong buhat ug ang akong himaya—ang pagpahinabo sa pagka-imortal ug sa kinabuhi nga dayon sa tawo” (Moises 1:39). Ug gidapit kita sa pagtabang.

Si Presidente Russell M. Nelson kanunay nga miingon nga ang pagpundok sa Israel mao ang labing importante nga buhat nga nahitabo sa kalibotan karon. Ug siya mipasabot, “Kon maghisgot kita sa pagpundok sa Israel sa duha ka habig sa tabil, naghisgot kita … sa buhat sa misyonaryo, templo, ug family history” (“Ipatigbabaw ang Dios Labaw sa Tanan,” Liahona, Nob. 2020, 93).

Samtang mamalandong kamo sa tinuod nga kahulogan niining espesyal nga panahon, ako modapit kaninyo sa pagbasa sa “Family History, Mga Templo, ug Misyonaryo nga Buhat: Gamhanan nga mga Kauban sa Pagpundok sa Israel” (pahina 12). Dayon ikonsiderar kon unsay inyong mahimo aron sa pagtabang sa pagdala sa bililhong mga anak sa atong Amahan balik ngadto Kaniya.

Malipayong Pasko!

Mike Judson

Departamento sa Kasaysayan sa Pamilya