Dali, Sunod Kanako
Unsaon nimo pagpalig-on sa imong pamilya pinaagi sa kaluoy?
Ang Pamilya: Usa ka Pamahayag ngadto sa Kalib[o]tan
Ang pamahayag sa pamilya naglista sa daghang mga baroganan alang sa paglig-on sa mga pamilya, sama sa “hugot nga pagtuo, pag-ampo, paghinulsol, pagpasaylo, pagtahod, gugma, kaluoy, buhat, ug maayong kalingawan nga mga kalihokan.”1 Ang pagtuon ug paggamit sa matag usa niini nga mga baroganan makatabang kanato sa pagtukod og mas lig-on nga mga relasyon. Hunahunaa, pananglitan, ang baroganan sa kaluoy.
Unsaon man sa pagpakita og kaluoy diha sa panimalay?
Usa ka paagi kita makapakita og kaluoy diha sa panimalay mao ang “pagtambayayong sa usag usa nga mga alantuson” (Mosiah 18:8). Unsay imong mahimo aron matabangan ang mga sakop sa imong pamilya sa mga panlimbasog nga ilang gisagubang?
Giunsa ni Jesukristo sa pagpakita og kaluoy?
Basaha ang mahitungod kon sa unsang paagi Siya nangalagad ngadto sa mga Nephite diha sa 3 Nephi 17:5–10. Unsa ang imong nakat-onan mahitungod sa kaluoy gikan sa ehemplo ni Kristo?
Ang kaluoy sa Manluluwas
“Usa sa mga hiyas sa Manluluwas nga atong gidayeg sa hilabihan mao ang Iyang walay kinutuban nga kamanggiloy-on. …
“… Kamo mamahimong importante ug importanting bahin sa Iyang paghatag og kahupayan ngadto sa nanginahanglan og kahupayan” (Henry B. Eyring, “Ang Maghuhupay,” Liahona, Mayo 2015, 17).
Kinsa man ang imong hatagan og kahupayan?